logo

иқтисод

ҲАЙАТИ ХАЗИНАИ БАЙНАЛМИЛАЛИИ АСЪОР ДАР ТОҶИКИСТОН

Ҳайати Хазинаи байналмилалии асъор таҳти сарварии Падаҷа Ҳанделвал, роҳбари ҳайати ХБА оид ба Тоҷикистон, бо мақсади омӯзиши вазъи иқтисодӣ ҷиҳати тарҳрезии барномаи нави ислоҳоти иқтисодӣ ба Тоҷикистон омада, бо роҳбарияти Бонки миллии Тоҷикистон ва гурӯҳи иқтисодии Ҳукумати Ҷумҳурии Тоҷикистон мулоқотҳои корӣ доир намуд. Ҳамчунин, намояндагони ХБА ҳамроҳ бо муовини аввали раиси Бонки миллии Тоҷикистон Ҷамолиддин Нуралиев ба вазъи корҳои сохтмонӣ дар иншооти бузурги аср – Неругоҳи барқи обии Роғун шинос шуданд.
Тавре аз шуъбаи матбуоти Бонки миллии Тоҷикистон ба «Ҷумҳурият» иттилоъ доданд, дар мулоқоти ҳайатҳои ХБА ва БМТ Ҷамшед Нурмуҳаммадзода, раиси Бонки миллии Тоҷикистон, Ҷамолиддин Нуралиев ва роҳбарони сохторҳои калидии Бонки миллӣ ширкат варзиданд. Мусоидат ба рушди иқтисодию иҷтимоӣ, нигоҳ доштани вазъи устувори макроиқтисодӣ ва таҳким бахшидани сиёсати пулию қарзӣ мавзӯъҳои меҳварии гуфтугӯ қарор гирифтанд. Барои дар сатҳи сифатан нав роҳандозӣ намудани ҳамкориҳои судманди дуҷониба изҳори умед карда шуд. Хонум Падаҷа Ҳанделвал барои густариши ҳамкориҳо бо Бонки миллии Тоҷикистон дар бахши устувории низоми бонкӣ, ки барои суботи молиявӣ ва рушди иқтисоди кишвар, нақши калидӣ дорад, ҳамчунин, мусоидат дар татбиқи ислоҳот ва роҳандозии барномаи нав омодагӣ баён намуд.
Дар вохӯрии машваратии ҳайати ХБА бо гурӯҳи иқтисодии Ҳукумати Ҷумҳурии Тоҷикистон дар ҳайати ёрдамчии Президенти Ҷумҳурии Тоҷикистон оид ба масъалаҳои иқтисодӣ Ашӯрбой Солеҳзода, вазири молия Файзиддин Қаҳҳорзода, вазири рушди иқтисоду савдо Ҳикматулло Неъматуллозода, Ҷамшед Нурмуҳаммадзода, Ҷамолиддин Нуралиев, сардори Раёсати банақшагирии стратегӣ ва ислоҳоти Дастгоҳи иҷроияи Президенти Ҷумҳурии Тоҷикистон Юсуф Маҷидӣ ва намояндагони бахши иқтисоди вазорату идораҳои кишвар гуфтугӯ перомуни вазъи иқтисод, устувории молияи давлатӣ, суботи молиявӣ, сиёсати пулию қарзию қурбӣ ва рушди бахши хусусии кишвар ҷараён гирифт.
15 май ҳайати Хазинаи байналмилалии асъор бо мушоиати Ҷамолиддин Нуралиев ба рафти корҳои сохтмонӣ дар Неругоҳи барқи обии Роғун шинос шуд. Бино ба иттилои шуъбаи матбуоти БМТ, Ҷамолиддин Нуралиев ба меҳмонон оид ба нақши Роғун дар рушди иқтисоди мамлакат ва аҳамияти минтақавии он маълумот дод. Ҳамчунин, Маҳмадсаид Шамсуллозода, муовини директори ҶСК «НБО Роғун», ба меҳмонон дар бораи хусусиятҳои техникию гидроэнергетикӣ ва устувории техникию сейсмикии иншоот маълумоти муфассал манзур дошт. Тибқи иттилои манбаъ, меҳмонон аз тамошои «Роғун» хеле ба ваҷд омаданд.
Шиносоии ҳайати Хазинаи байналмилалии асъор     бо вазъи иқтисодӣ, аз ҷумла низоми бонкӣ, инчунин, барои таҳияи шарҳи иқтисодӣ дар бораи вазъи иқтисодию молиявӣ дар Тоҷикистон то 23 май идома меёбад.
М. МУРОДОВА,
М. НАЗРУЛЛОЕВА,
«Ҷумҳурият»


Баёни ақида (0)    Санаи нашр: 17.05.2018    №: 97    Мутолиа карданд: 323

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед