logo

сиёсат

ТАРБИЯИ ШАХСИЯТИ БАРКАМОЛУ ХУДШИНОС – ВАЗИФАИ МУҲИМИ ҶОМЕАИ МУОСИР

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқоти хеш бо намояндагони ҷомеаи кишвар ба муносибати фарорасии моҳи шарифи Рамазон таъкид доштанд, ки имрӯз танҳо халқу миллатҳое имкони вуҷуд доштану рушд кардан доранд, ки «ҳастии миллати худро дар ҳама ҳолат ҳифз карда тавонанд ва бозичаи дасти доираҳои ғаразноки сиёсӣ нашаванд».

Барои расидан ба ин ҳадаф бошад, аз ҳар як шаҳрванд талаб карда мешавад, ки ҳисси баланди ватанпарастӣ дошта бошад, бо роҳи дар Конститутсияи давлати соҳибистиқлоли мо муайянгардида устуворона пеш равад. Дар маҷмӯъ, чунонки дар ин суханронии ҳидоятсоз зикр гардид, «ташаккулёбии миллати аз назари ҳувият баркамолу худшинос ва худогоҳу соҳибмаърифат кори саҳлу осон нест, балки раванди бардавому тӯлонии пешбурди корҳои тарбиявӣ дар оила, боғчаи кӯдакон, мактабу донишгоҳҳо, вазифаи доимии хизматчиёни давлатӣ, зиёиёну олимон, ҳизбҳои сиёсӣ, ҳаракатҳои ҷамъиятӣ, нависандагону шоирон ва ходимони дин мебошад».
Барои иҷрои ин вазифаи муҳим, ки Пешвои муаззами миллат гузоштаанд ва дар он рисолати дастаҷамъонаи оила, мактаб ва ҷомеа дар тарбияи насли наврасу ҷавонон ба таври хеле амиқ ифода ёфтааст, аз нуқтаи назари мо, бояд бо назардошти тағйироти куллие, ки дар даврони Истиқлолияти давлатӣ дар кишварамон ба вуқӯъ пайвастанд ва  дар ҷаҳони муосири зудтағйирёбанда зуҳур карданд, “Консепсияи миллии тарбия дар Ҷумҳурии Тоҷикистон”, ки ҳанӯз соли 2006 бо қарори Ҳукумати ҷумҳурӣ тасдиқ гардида буд, такмил дода шавад.
Дар робита бо ин бояд як қатор иловаҳо ба консепсияи мазкур ворид карда шаванд. Аз ҷумла, дар қисмати вазифаҳои Вазорати маориф ва илми Ҷумҳурии Тоҷикистон илова карда шавад, ки вазорат барномаҳои соатҳои тарбиявиро барои тамоми зинаҳои таҳсилот таҳия ва тасдиқ намуда, мунтазам такмил медиҳад,  таҳияи барномаҳои таълимӣ ва китобҳои дарсӣ аз фанҳои ҷомеашиносиро бо такя ба тафаккур, фарҳанг ва ахлоқи миллӣ ба роҳ мемонад, барои мубориза бо экстремизм ва терроризм, иммунизатсияи иҷтимоии наврасону ҷавонон аз гаравидан ба ҳар гуна ҳаракатҳои радикалӣ ва бегонапарастӣ тадбирҳо меандешад, инчунин, барои арҷгузорӣ ба анъанаҳои миллӣ, аз ҷумла ба либоси миллӣ шароити мусоид фароҳам месозад ва ғайра.
Бо мақсади мушаххассозии вазифаҳои тарбиявии сохторҳои гуногуни ҷомеа бошад, пешниҳод карда мешавад, ки дар Консепсияи миллии тарбия омили зерин махсусан таъкид ёбад: дар раванди тарбияи кӯдакон, наврасон ва ҷавонон, ки ба муассисаҳои таълимӣ фаро гирифта шудаанд, Вазорати маориф ва илми Ҷумҳурии Тоҷикистон бештар саҳм гирифта, кумита, вазорат ва идораҳои дигари дахлдор, мақомоти маҳаллии ҳокимияти давлатӣ, ҷамоатҳои деҳот, инчунин, созмонҳои ҷамъиятӣ бештар ба тарбияи кӯдакон, наврасон ва ҷавонон, ки берун аз муассисаҳои таълимиянд ё дар корхонаву ташкилоти дигар ба фаъолияти меҳнатӣ машғуланд, таваҷҷуҳ менамоянд.
Мувофиқи мақсад мебуд, агар дар Консепсияи мазкур ба ҷойи “Тарбияи тафаккури интиқодӣ” ибораи “Тарбияи тафаккури мантиқӣ ва фарҳанги техникӣ” ворид карда шавад. Зеро тарбияи тафаккури мантиқӣ ба шаҳрвандон имконият медиҳад, ки тамоми масъалаҳоро бо низоми мукаммали илмӣ, пайдарпай ва дар иртибот бо ҳам баррасӣ ва ҳаллу фасл намоянд. Тафаккур ва фарҳанги техникӣ бошад, ба онҳо кумак мекунад, ки аз хурофотпарастӣ раҳоӣ ёфта, ашё ва зуҳуроти муҳити худро аз нигоҳи илмҳои табиатшиносӣ баҳогузорӣ намоянд.
Дар фасли “Тарбияи ҳаёти солим” - и санади зикршуда низ, ба андешаи мо, бояд чунин як талаботе ворид гардад: роҳбарони ҳамаи муассисаҳо уҳдадоранд, ки тамоми шаҳрвандон, аз ҷумла шаҳрвандони хориҷӣ ва ё бетабааро, ки дар муассисаҳои онҳо таълим мегиранд ё кор мекунанд, аз ташхиси тиббӣ барои муайян сохтани бемориҳои масунияти бадан, сил, табларза, гепатит ва бемориҳои дигари сирояткунанда гузаронанд. Шаҳрвандон низ пеш аз бастани ақди никоҳ бояд бошуурона худ аз ташхиси тиббӣ гузаранд.
Итминони комил дорем, ки тавассути такмили “Консепсияи миллии тарбия дар Ҷумҳурии Тоҷикистон” ва минбаъд дар асоси он ба роҳ мондани корҳои тарбиявӣ аз ҷониби оила, мактабу донишгоҳҳо, хизматчиёни давлатӣ, зиёиёну олимон, ҳизбҳои сиёсӣ, ҳаракатҳои ҷамъиятӣ, ходимони дин ва табақаҳои дигари ҷомеа ин санад ба як воситаи муассири тарбияи шахсияти баркамолу худшинос, ки аз нигоҳи Пешвои муаззами миллат барои ҷомеаи муосири Тоҷикистон вазифаи муҳимтарини рӯз аст, табдил меёбад.
Хуршед ЗИЁӢ,
директори Пажӯҳишгоҳи рушди маориф ба номи Абдураҳмони Ҷомӣ,
доктори илми фалсафа, профессор


Баёни ақида (0)    Санаи нашр: 17.05.2018    №: 97    Мутолиа карданд: 348

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед