logo

иқтисод

ЧЕНАК ИХТИРОИ НАХУСТИНИ ИНСОН АСТ

20 майи соли 1875 дар конфронси дипломатӣ намояндагони 17 давлат Созишномаи метриро ба имзо расонданд. Ин аввалин созишномаи байнидавлатӣ дар соҳаи метрология буд. Айни замон, ба созишномаи мазкур 70 давлат ҳамроҳ шудааст.
Созишномаи метрӣ ба пешрафти илмӣ-техникии ҷаҳонӣ таъсири неки худро гузошт. Маҳз тавассути он системаи метрии андозаҳо ва, баъдтар, системаи байналмилалии воҳидҳо созмон ёфт, ки дар асоси он системаи байналмилалии ченак таъсис гардида, амал мекунад.
Таърихи ташаккули метрологияи тоҷик аз давраи тараққиёти давлати Сомониён сарчашма мегирад. Яке аз девонҳои давлати Сомониён девони Муҳтасиб ном дошт.  Дар ин бора аллома Бобоҷон Ғафуров дар асари худ «Тоҷикон» нигоштааст: «Девони Муҳтасиб ба бозор, тарозу, молҳои фурӯши барзгарон ва пешаварон назорат мекард. Вай метавонист фурӯши молҳои қалб ва номатлубро боздорад ва ба нархи гарон фурӯхтани маҳсулотро манъ кунад. Ин девон тадриҷан ба ахлоқи мардум, масҷидравӣ ва истеъмоли машрубот низ назорат мекардагӣ шуд. Шаҳре набуд, ки муҳтасиби худро надошта бошад».
Дар даврони баъди давлати Сомониён ва зуҳури дигар давлатҳои Осиёи Марказӣ ва, баъдтар, дар давраи Аморати Бухоро одамон дар фаъолияти рӯзмарраи худ, ҳангоми ҳисобу китоби байниҳамдигарӣ дар бозорҳо, сохтмон, харидуфурӯши маводи қиматбаҳо ва ғайра аз воҳидҳои ченкунии гуногун, ба монанди пуд, ман, мил, фарсанг, мисқол, газ ва ҳоказо истифода мебурданд. 
Замони Иттиҳоди Шӯравӣ аввалин маротиба соли 1926 баъди ба тасвиб расидани қарори Ҳукумати Ҷумҳурии Мухтори Шӯравии Сотсиалистии  Тоҷикистон «Дар бораи ташкил намудани шуъбаҳои муваққатии санҷиши воситаҳои ченак» аввал дар шаҳри Хуҷанд ва сипас дар шаҳри Душанбе филиалҳои хадамоти метрологӣ - Палатаи ченаку  вазни шаҳри Тошканд таъсис дода шуда, соли 1929 он ба хадамоти мустақили давлатии метрологӣ - Палатаи ченаку вазн  табдил дода шуд.
Ин як шуъбаи хурди санҷишӣ давоми мавҷудияти худ пайваста рушду равнақ ёфта, то солҳои 90-уми асри гузашта аллакай ҳамчун Маркази стандартизатсия, метрология ва сертификатсия на фақат дар шаҳри Душанбе, балки дар ҳамаи марказҳои маъмурии вилоятҳои ҷумҳурӣ – Хуҷанд, Қӯрғонтеппа (ҳоло Бохтар), Кӯлоб ва Хоруғ зерсохторҳои худро таъсис дода, фаъолият мекард.
Баъди соҳибистиқлол шудани Ҷумҳурии Тоҷикистон фаъолияти «Тоҷикстандарт» дар самтҳои стандартизатсия, метрология, сертификатсия ва нозироти савдо мунтазам такмил ёфт. Имрӯз «Тоҷикстандарт»  қудрат дорад, масъалаҳои  ба тамоми самтҳои фаъолияти Шӯрои байнидавлатии Иттиҳоди Давлатҳои Мустақил оид ба стандартизатсия, метрология ва сертификатсия  вобастаро мустақилона ҳаллу фасл намояд. Агентии «Тоҷикстандарт» аъзои ташкилотҳои бонуфузи байналмилалӣ ва минтақавӣ, аз қабили ИСО (ISO), МОЗМ (OIML), МГС (EASC), СООМЕТ ва як қатор ташкилотҳои дигар мебошад.
Ҳамкориҳои хадамоти метрологии агентии «Тоҷикстандарт» бо институтҳои метрологии Ҷумҳурии Мардумии Чин, Федератсияи Русия, Беларус, Қазоқистон, Ӯзбекистон, Қирғизистон, Олмон ва давлатҳои дигар сол ба сол рушд меёбад. Айни замон дар асоси Созишномаи ҳамкориҳои метрологӣ бо   Институти физикаю техникаи Олмон сохтмон ва азнавсозии озмоишгоҳи эталонҳои вазн идома дорад. Баъди анҷоми он хадамоти метрологии агентӣ имконият пайдо менамояд, ки дар муқоисаҳои байнилаборатории байналмилалӣ Тоҷикистонро муаррифӣ намояд.
Ҷӯрахон Раҳимзода, сардори раёсати таъминоти метрологии
воситаҳои ченаки   агентии «Тоҷикстандарт»


Баёни ақида (0)    Санаи нашр: 18.05.2018    №: 98    Мутолиа карданд: 245

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!

08.11.2018


ШАҲРИСТОН. Бунёди 68 иншооти нав

ГУЛИСТОН. Бунёди майдони Парчами давлатӣ ва навсозии кӯдакистони “Дилноз”

Вусъати созандагӣ дар ноҳияи Бобоҷон Ғафуров

ХУҶАНД. Ифтитоҳи маҷмааи фитнеси занона

НОҲИЯИ АБДУРАҲМОНИ ҶОМӢ. Муассисаҳои таълимӣ ба фасли сармо омодаанд

“АРБОБОНИ ИЛМИ ТОҶИК”

Бо хоҳиши Макрон вохӯрии муфассали Путин ва Трамп баргузор намешавад

Толибон нияти иштирок дар музокироти сулҳи Москваро доранд

Дар 40 соли ислоҳот савдои берунаи Чин 670 маротиба афзуд

Деҳлӣ ҳавои ифлосро бо борони сунъӣ тоза карданист

Ҷаҳон дар як сатр

МАРҲИЛАИ ИНТИХОБИИ ЧЕМПИОНАТИ ОСИЁ – 2020. Ҳарифони мунтахаби Тоҷикистон (U-23) муайян шуданд

07.11.2018


Маҷлиси тантанавӣ бахшида ба Рӯзи Конститутсия

Мулоқоти Рамазон Раҳимзода бо Абдулазиз ибни Сауд

Пулҳои миллӣ бо такмили унсурҳои ҳимоя


Дар сомонаҳои дигари Тоҷикистон хонед