logo

фарҳанг

ХОВАЛИНГ ТАБИАТАН МАВЗЕИ САЙЁҲИСТ

Ховалинг - музофоти Мунки куҳан (шаҳри Мунк)-и вилояти Хатлони кишвари тоҷик аз замонҳои хеле қадим то ба имрӯз ҳамчун сарзамини муҳими сайёҳӣ таърихан шинохта шуда, шуҳратманд аст. Агар ба гузаштаҳои дур, аз ҷумла асрҳои VI - VII назар афканем, мебинем, ки зимнан дар ин бора дар бисёр сарчашмаҳои таърихӣ ишораҳо рафтааст.
Масалан, сайёҳони чинӣ Сюан Сзан, Хой Чао,  ки ҳанӯз дар асри VII Хатлонро сайр кардаанд, дар асарҳои худ доир ба ободию бисёрмардумӣ, табиати зебо, обҳои равон ва дигар боигариҳои таърихию табиии ин ҷо сабтҳо намудаанд. Сайёҳу ҷуғрофиядонҳои асри IX-XII-и Арабу Аҷам, аз ҷумла ҷуғрофияшиноси асри X Ал-Истахрӣ(«Китоб-ул-масолик-в-ал-мамолик», соли таълифаш 930-933), Тоҳири Мақдисӣ («Ал-бадъ- ва-т-таърих», соли таълифаш 966), Ибни Хурдодбеҳ, Ибни Ҳавқал, Ал-Мақдисӣ, Ал – Яъқубӣ, Ибни Руста, Абурайҳони Берунӣ («Қонуни масъудӣ», соли таълифаш 1037) ва бисёр дигарон дар асрҳои худ аз шаҳри Мунки қадим ва хазинаву захираҳои сайёҳӣ ва ҳунарҳои мардумӣ башорат доданд.
Сайёҳу набототшинос, донишманд ва ҳарбиёни рус низ дар асрҳои 19-20 аз мусафоии обу ҳаво ва дигар боигариҳои таърихию табиии ин ҷо ба ваҷд омадаанд. Г.А. Арандаренко, В.И.Липский, К.Н.Логофет, А.Э.Рогел, Н.Ф.Гончаров аз ин зумраанд.
Ховалинг, дар ҳақиқат, хазинаю сарзамини сайёҳӣ ва ҳунарҳои мардумист. Имрӯз, дар замони соҳибистиқлолӣ, вақти он расидааст, ки захираву хазинаҳои сайёҳии ин гӯшаи хоки Ватан, аз ҷумла иқлими муҳиму созгор, манзараҳои нотакрору беҳамтои табиат муаррифӣ карда шаванд.
Дар ҳудуди фарогири ноҳияи Ховалинг дар заминаву захираҳои беназир ва имкониятҳо метавон навъҳои гуногуни туризм, аз ҷумла сайёҳии фарҳангию таърихӣ, экологӣ, кӯҳнавардӣ, сайёҳии динӣ, илмӣ, корӣ, варзишӣ, маърифатӣ, истироҳатӣ, шикору сайругаштӣ, муолиҷавӣ ва ғайраро ташкил кард. Зеро, тавре ки ишора шуд, чунин захираҳо дар ин ҷо арзи вуҷуд доранд.
Масалан, сайёҳии фарҳангию таърихӣ. Оид ба ин намуди сайёҳӣ захираҳо хеле зиёданд, аз ҷумла бошишгоҳҳои одамони асри санг – замони ҷамоаи ибтидоии Кӯлдара (миллионсола), Хонақои Севодара (100 – 750  - ҳазорсола), «Лоҳутӣ – 1», Оби Мазор, Дӯстӣ (палеолити боло), Боқимондаҳои таҳҷои Шаҳри Мунк (а. IX XII, а. 1 пеш аз милод ва аз ин пештар), 5 сангтӯда, маъбади Буддои Чепол, Чил – чанор, Боғ – осорхонаи Восеъ, Осорхонаи таърихӣ – кишваршиносӣ ва садҳо таҳҷои кушку калот, сумҷу нақб ва дигар ёдгориҳои таърихию фарҳангӣ ва табиии беҳамтову арзишманд. Маҳз ин ва дигар мавзеъҳо ва ёдгориҳои таърихӣ, фарҳангӣ яке аз омилҳои ҷалби сайёҳон ба ноҳия ва кишвар аст.
Оиди сайёҳии экологӣ низ ҷои шарҳу эзоҳ ва тавсифу таҳқиқот нест, зеро обу ҳаво ва муҳити зисти зебои Ховалинг ба ҳамагон маълум мебошад.
Дар бобати сайёҳии кӯҳнавардӣ ва шикору сайругаштӣ низ захираҳо хеле зиёданд. Аз ҷумла, кӯҳҳои Утоқу Санги Сабз, Зуғару Шукнов, Қасаку Хасак, Сурхсақтаву Баландсар, Дашти Аҳмаду Дашти Меш, Чангону Уштурчаро, Тути Гулаку Айлонӣ ва садҳо мавзею ҷойҳои фарогири хоҷагии ҷангали ба номи Сайидаҳмад Каримову гирду атрофи он бо боигариву шукӯҳашон дар олам беҳамто мебошанд. Дар ин ҷойҳо ва садҳо чунин мавзеъҳои дигар олами набототу ҳайвонот, рӯдҳо, ёдгориҳои беназири табиӣ, манзараҳои зебо ва дигар захираҳои сайёҳие ҷойгиранд, ки қимати баланди миллӣ, таърихиву фарҳангӣ ва сайру сайёҳӣ доранд.
Барои ташкилу рушди сайёҳии муолиҷавӣ низ арзишу захираҳо хеле зиёданд. Масалан, ҳудудҳои Чашмаи Зардпарвин (Чашмаи Бедак) дар ҳудуди мавзеи Баландсару Сурхсақова. Мардуми  маҳаллӣ аз қадимулайём аз оби ин чашмаи шифоии ҷонбахш барои муолиҷаи бемории зардпарвин (боткин) истифода мебурданду мебаранд. Оби чашмаҳои Сурхсақоваву Рӯшанак шифоиву бемисланд.
Гармобаю дигар чашмаҳо ва саросари ҳудуди Мазори Ҳазрати Султон (ҳоло мамнӯъгоҳи Султон Увайси Қаранӣ), Даштӣ, Меш, Дараи Мухтор -  зодгоҳи Қаҳрамони халқи тоҷик – Восеъ, Чашмаи Тиллоиву Гулҳавзи шоҳии деҳаи Гулзор (Хонақоҳ низ мегӯянд). Таҳҷои марказ, регистону шаҳристони шаҳри Мунки бостонӣ, чашмаҳои Замбураку Хилватӣ (Қазаған) ва даҳҳо чунин ҷойҳои дигар захираҳоянд барои ташкил намудану рушд бахшидани сайёҳии муолиҷавӣ.
Ин ва даҳҳо далелҳои дигар собитгари онанд, ки Ховалинг барои минтақаи фарогир ҳамчун маркази сайёҳӣ хизмат карда метавонад. Зеро ин қаламрав табиатан маркази минтақаи сайёҳист. Гузашта аз ин дар ин минтақа ду мавзеи бузурги сайёҳӣ: яке Шаршараи Пушти Боғ, воқеъ дар мавзеи Сари Хосор (Сари Хосор дар гузашта иборат аз ду мавзеъ: Судара ва Шӯробдара иборат буд. Ҳоло Шӯробдара дар қаламрави ноҳияи Балҷувон воқеъ мебошад) ва дигаре Чилдухтарон, воқеъ дар ҳудуди ноҳияи Муъминобод мебошад.
Агар масофа ба роҳи мушкилгузари сангови Балҷувон – Шаршараи Пушти Боғ 72 километр бошад, пас, аз Мазори Ҳазрати Султон ба ин Шаршара 30-35 км аст. Роҳ бошад, то ба шаҳраки Ховалинг тахту ҳамвору ҷавобгӯи тамоми талаботи даркорӣ аст. Роҳи 18 - километраи шаҳраки Ховалинг – Мазори Ҳазрати Султон низ мумфарш мебошад.
Ховалингро аз ноҳияи Муъминобод танҳо сангоби дарёи Ёхсу ҷудо мекунад. Масофа аз шаҳраки Ховалинг ба Чилдухтарон ба роҳи Ховалинг – Навобод- Чилдухтаронро як теппаи начандон дарозу баланд ба рӯди ишорашуда ҷудо мекунаду халос. Чилдухтарон аз тамоми гӯшаҳои ҳудуди ноҳияи Ховалинг намудор аст.
Бояд зикр намуд, ки алҳол оиди сайёҳӣ дар Ховалинг барномаеро ташкилоти ғайридавлатии «Садои кӯҳсор» (сарвараш Авазхон Сироҷов) амалӣ намуда истодааст. Мо дар ҳамкорӣ ба ин ташкилот як силсила корҳоро амалӣ намудем, зимнан, чандин буклету китобчаҳо, аз ҷумла китобчаи «Ховалинг – хазинаи захираҳои сайёҳи»-ро ба дасти чоп додем, ки дар он оид ба ҳама намудҳои сайёҳӣ, бахусус сайёҳии таърихӣ – фарҳангӣ ва табиӣ 7 хатсайр пешниҳод намудаем. Чаро? Чунки мавзеъҳои таърихию фарҳангӣ яке аз омилҳои ҷалби сайёҳон ба кишвар ба шумор меравад ва гузарондани чорабиниҳои тарғиботӣ зимни ҷалби сармоягузорони дохилӣ, ҳифзу нигоҳдории олами набототу ҳайвоноти нодир ва дигар паҳлуҳои марбута аҳамияти калон дорад.
Амир Сайиди МУНКӢ,
директори Осорхонаи таърихӣ – кишваршиносии ноҳияи Ховалинг


Баёни ақида (0)    Санаи нашр: 18.05.2018    №: 98    Мутолиа карданд: 615

19.11.2019


Тасдиқи Тартиби кори шабакаи иттилоотӣ-телекоммуникатсионии интернет аз рӯи технологияи Wi-Fi

Мулоқоти Ҷамолиддин Нуралиев бо Ҷон Гинкел

Тақвияти ҳамкориҳои иқтисодӣ матраҳ гардид

Туҳфаи Рустами Эмомалӣ барои сокинони шаҳри Хоруғ

Панкратион. Паҳлавони тоҷик чемпиони ҷаҳон шуд

18.11.2019


Таҷлили Рӯзи Президент дар шаҳри Хоруғ

Ҷаласаи вазирони корҳои хориҷии Осиёи Марказӣ дар Тошканд

Масъалаи сармоягузории хориҷӣ ба низоми бонкии Тоҷикистон матраҳ гардид

Путин БРИКС - ро кафили суботи ҷаҳон номид

Чаро ИМА ва Корея машқҳои муштаракро мавқуф гузоштанд?

ХДУ ва СРУ дар вилояти Киев "яке аз сарони ДИ" - ро боздоштанд

Туркия 23 террористро ба Қирғизистон истирдод мекунад

Ҷаҳон дар як сатр

Ҷоми ҷаҳон дар Бразилия монд

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд


Дар сомонаҳои дигари Тоҷикистон хонед