logo

маориф

32 МЕДАЛ ДАСТОВАРДИ КАМНАЗИРИ ЯК ЛИТСЕЙ

Муҳассилини Литсей барои хонандагони болаёқат дар шаҳри Душанбе  дар олимпиадаҳои имсолаи ҷумҳуриявӣ, ки чанде пеш анҷом пазируфтанд, 32 медал (9 тилло, 10 нуқра, 13 биринҷӣ)  ба даст оварданд,  ки воқеан нишондоди баланд арзёбӣ мегардад. Зеро то ба имрӯз ягон муассисаи таҳсилоти миёнаи умумӣ ба чунин дастовард ноил нагашта буд.
Ба ҷуз ин, литсей дар олимпиадаи даставӣ байни хонандагони мактабҳои президентӣ ва литсейҳо барои хонандагони болаёқат бо гирифтани 17 ҷойи ифтихорӣ мақоми аввалро соҳиб гардид .
Дар робита ба ин дастовардҳо, хабарнигори рӯзнома бо  директори литсей Насим Туманов суҳбат орост, ки фишурдаи онро манзури хонандагон менамоем.
- Бигӯед, ки литсей дар омода намудани хонандагон ба олимпиадаҳо аз кадом шеваҳо кор мегирад, ки ба чунин натиҷаҳои баланд мушарраф мегардад?
- Тайёр  намудани хонандагон ба олимпиадаҳо як самти муҳими фаъолияти муассиса маҳсуб меёбад ва, ба ин хотир, дар мактаб гурӯҳҳои олимпӣ  ташкил намудаем, ки барои омода намудани хонандагон муовини махсус оид ба олимпиада кор мебарад. 
Боиси тазаккур аст, ки хонандагони муассиса  тибқи барномаҳои муассисаҳои таълимии пешрафтаи Аврупо, ки бо Вазорати маориф ва илми Ҷумҳурии Тоҷикистон мувофиқа шудааст, ба таълим фаро гирифта мешаванд. Дар баробари ин, синфхонаҳо бо таҷҳизоти таълимии муосир таъминанд. Умуман, муассиса ва омӯзгорони он баҳри боло бурдани савияи дониши хонандагон талоши зиёд менамоянд.
Тавре медонем, ҳоло дар зинаи таҳсилоти миёнаи умумӣ  шаклҳои гуногуни олимпиада – олимпиадаи фаннӣ, даставӣ, номии хонандагони муассисаҳои таҳсилоти миёнаи умумӣ, даставӣ байни хонандагони мактабҳои президентӣ ва литсейҳо барои хонандагони болаёқат, лоиҳавӣ-ихтироъкорӣ роҳандозӣ шудаанд. Бояд гуфт, ки имсол хонандагони мо дар олимпиадаҳои ноҳиявиву ҷумҳуриявӣ ширкат намуда, дар маҷмӯъ сазовори  90 медал шуданд. Ин дастоварди хонандагон гувоҳи он аст, ки талошҳои омӯзгорони мо дар ин самт самараи хуб дода истодаанд.
Ҳоло литсейро метавон пешбарандаи сиёсати ҳаракати олимпӣ дар кишвар номид, зеро хонандагони он дар бештари олимпиадаҳои фаннии байналмилалӣ Тоҷикистонро муаррифӣ менамоянд.

- Ба хонандагоне, ки дар олимпиадаҳо иштирок ва ҷойи намоёнро ишғол мекунанд чӣ имтиёзҳо пешбинӣ шудааст?
- Аз ҷониби Вазорати маориф ва илм  тартиби тахфиф ба ҳаққи таҳсил муқаррар шудааст. Тибқи он, хонандагони муассисаи мо, ки дар олимпиадаҳои минтақавӣ ва байналмилалӣ соҳиби ҷойҳои ифтихорӣ мешаванд, аз 10 то 90 дарсад аз пардохти маблағи таҳсил озоданд. Ҳамчунин, мувофиқи имкониятҳо, муассиса аз ҳисоби маблағҳои худӣ ба хонандагон мукофотпулӣ ва туҳфаҳо тақдим мекунад.

- Гуфтед, ки литсей пешбарандаи сиёсати ҳаракати олимпӣ аст ва дар бештари олимпиадаҳои фаннии сатҳи байналмилалӣ Тоҷикистонро муаррифӣ мекунад. Имсол хонандагони шумо дар кадом олимпиадаҳои байналмилалӣ ширкат намудаанд ё хоҳанд кард?
-Боиси ифтихор аст, ки хонандагони литсейи мо ҳамасола ба тамоми олимпиадаҳои  байналмилалӣ даъват мешаванд. Аз ҷумла, аз 20  то 30-юми апрели соли ҷорӣ дар шаҳри Кембриҷи Британияи Кабир  миёни мактаббачагон олимпиада баргузор гардид, ки дар он 17 нафар хонандагони мо ширкат варзида, соҳиби  3 медали нуқра ва 9  биринҷӣ гаштанд. Айни замон, ду нафар хонанда барои иштирок дар олимпиадаи байналмилалии АФО аз фанни физика ба  Ветнам сафар намуданд. Ҳамзамон, 20 май дар Ҳиндустон аз фанҳои дақиқ олимпиадаи Эмити доир мешавад, ки хонандагони литсей дар он низ иштирок хоҳанд кард. Умед дорем, ки онҳо дар ин олимпиадаҳо сазовори ҷойҳои намоён гашта, шарафи Тоҷикистонро боз ҳам баландтар мебардоранд.
Фарзона ФАЙЗАЛӢ, «Ҷумҳурият»


Баёни ақида (0)    Санаи нашр: 18.05.2018    №: 98    Мутолиа карданд: 1070

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт

Дар Қазоқистон хароҷоти соҳаи тандурустӣ то 5 дарсади ММД боло меравад

Ҷаҳон дар як сатр

БОКС. Ду медали тиллои варзишгарони тоҷик

20.12.2019


Дурнамои густариши ҳамкориҳо матраҳ гардид

Шиносоии Раҷаббой Аҳмадзода бо ҷараёни сохтмони муассисаҳои таълимии нав

Мулоқоти Акрамшо Фелалиев бо Эмилио Певида Пупо

19.12.2019


Шиносоии Қоҳир Расулзода бо ҷараёни сохтмони як қатор иншооти шаҳри Кӯлоб


Дар сомонаҳои дигари Тоҷикистон хонед