logo

иҷтимоиёт

САД ҲАЙФ, КИ САЙФ РАФТ...

Қатли Сайф Раҳимзоди Афардӣ дар таърихи 20 майи соли 2000 ҷомеаи кишвар, бахусус рӯшанфикрону аҳли фарҳангро такон дод. Ин шахсияти баркамолро, ки он замон раиси Кумитаи телевизион ва радиои назди Ҳукумати Ҷумҳурии Тоҷикистон буд, тақрибан соати 21:30 - и ҳамон рӯз дар назди даромадгоҳи бинои истиқоматиаш чанд нохалафи зиёикуш бо зарби тир ба ҳалокат расонданд.
Ҳодисаи куштори ин чеҳраи мондагор замоне рух дод, ки аз кор ба хона бармегашт. Ваҳшисиратони фурсатталаб баробари аз мошини хизматӣ берун шудани Сайф Раҳимзоди Афардӣ дар назди даромадгоҳи бинои истиқоматиаш ӯро ҳадафи тир қарор доданд. Баъди аз пой афтидани Сайф Раҳимзод, ки дар ҷойи ҳодиса бар асари захми тир аз сару қафаси сина ҳалок гардид, қотилон ба ҷониби мошини хизматиаш оташ кушода, сипас, бо автомашинаи тамғаи  «Жигули», ки ранги сафед дошт, аз ҷойи ҳодиса ғайб мезананд. Ронандаи Сайф низ дар натиҷаи ин амали ноҷавонмардона ҷароҳати вазинин бардошта, дар беморхона бистарӣ мешавад, ки аз рӯи ин ҳодиса Прокуратураи генералии Ҷумҳурии Тоҷикистон парвандаи ҷиноятӣ оғоз кард…
Сайф Раҳимзоди Афардӣ 20 ноябри соли 1953 дар деҳаи Дектури ноҳияи Восеъ (ҳоло Ҳулбук) - и вилояти Хатлон дар оилаи деҳқон ба дунё омадааст. Гузаштагони нависанда дар деҳаи Афарди ноҳияи Ховалинг зиндагӣ доштанд. Аз ин рӯ, Сайф тахаллуси Афардиро ба худ  гирифт. Ӯ пас аз хатми мактаби миёна чанд муддат дар ноҳияи Мирсайид Алии Ҳамадонӣ чун рассоми кинотеатр кор мекунад. Як муддат ҳунарпешаи Театри давлатии мусиқӣ - мазҳакавии шаҳри Кӯлоб ва баъдтар коргари комбинати шоҳибофии шаҳри Душанбе буд.
Сайф Раҳимзоди Афардӣ соли 1975 шуъбаи рӯзноманигории Донишгоҳи давлатии Тоҷикистонро хатм намудааст. Чанд муддат дар телевизиони тоҷик  фаъолият бурда, дертар раиси Кумитаи киносозони ҷумҳурӣ таъйин мешавад. Як давра бо мутахассисони шӯравӣ дар Афғонистон кор кардааст. Аз соли 1983 масъулияти сармуҳаррири редаксияи мусиқии радиоро ба уҳда дошт. Соли 1998 дар синни 46 - солагӣ раиси Кумитаи телевизион ва радиои назди Ҳукумати Ҷумҳурии Тоҷикистон таъйин гардида, то рӯзи маргаш дар ин мақом адои вазифа дошт.
Аз рӯи хулосаи муфаттишони воқеа, марги ӯ ба касбу фаъолияташ бастагии қавӣ дошт. Мувофиқи нақли наздикони зиндаёд, Сайф Раҳимзод аз таҳдиду фишорҳо ҳарос надошт. Онҳо ба ин боваранд, ки куштораш фармоишӣ буд. Зеро Сайф Раҳимзод ҳамчун нависандаи воқеънигор, рӯзноманигори ҳақиқатгӯ, корманди босалоҳият, роҳбари кордону боадолат, фарзанди ватандӯсту меҳанпараст шинохта мешуд. Барои таъмини адолату баробарӣ, осоиштагии рӯзгори халқ ва шиносондани чеҳраи аслии неруҳои мухолифи давлат, ки солҳои 90 - уми асри ХХ ба сари халқи тоҷик нооромиву бесуботиро таҳмил доданд,  бо теғи қалам муборизаҳои созандаи зеҳнӣ бурдааст.
Ӯ инсони озодандешу озодбаён буд. Аз тамоми бозиҳои сиёсӣ, ҳадафи майдондории неруҳои мухолиф - тарафдорони ТТЭ ҲНИТ, сарчашмаҳои маблағгузории онҳо, омилҳои сар задани ҷанги шаҳрвандӣ огоҳии амиқ дошт ва чеҳраи манфури наҳзатиёни террористи зери ниқоби ислом ниҳонгаштаро хуб мешинохт.
Аз рӯи баъзе маълумотҳо, маҳз бо сабаби фошгӯӣ, зери тозиёнаи танқид гирифтани ҷонибдорон ва бахусус роҳбарияти ТТЭ ҲНИТ,  аз нақшаву ҳадафҳои нопоку ғаразноки онҳо огоҳ сохтани аҳли ҷомеа ба ӯ фишору таҳдидҳо мекардаанд. Ин буд, ки Сайф Раҳимзод қурбони дасисаҳои сиёсӣ ва муборизаҳои шадиди неруҳои мухолиф – ТТЭ ҲНИТ, ки ҳадафи ба даст овардани зимоми давлатдориро доштанд, гаштааст.
Баъд аз кушта шудани ин фарзанди фарзонаи миллат ҷараёни тафтишоти қазияи марги ӯро роҳбарияти олии кишвар зери назорати махсус қарор доданд. Тибқи супориши Сарвари давлат гурӯҳи махсуси оперативӣ – ҷустуҷӯӣ оид ба тафтишоти ҳодисаи мазкур, ки иборат аз кормандони бомаҳорат ва таҷрибадори сохторҳои мухталифи мақомоти қудратии кишвар буд, таъсис дода ёфт.
Рӯзи 7 июни соли 2000 мақомоти ҳифзи ҳуқуқи кишвар бо мақсади  муайян кардани ҳувияти қотили Сайф Раҳимзод ронандаи ӯ Абдуҷаббор Саидовро, ки дар вақти ба қатл расондани Сайф дар ҷойи ҳодиса ҳузур дошт бо чанд тан аз шахсони гумонбар рӯ ба рӯ карданд. Абдуҷаббор Саидов яке аз он гумонбаршавандагонро, ки аъзои ҳизби ҳоло дар Тоҷикистон мамнӯи наҳзати исломӣ буд, шинохт.
Баъди он ки шахсияти қотил маълум гашт, ӯро дар ҳуҷраи махсус нигоҳ медоранд. Дар давоми тафтишот бо истифода аз баёнот ва маълумоти қотил муайян кардани шахсияти фармоишгарони куштори Сайф Раҳимзоди Афардӣ ва мақсади фармоиш дар назар буд. Аммо соати 2:00 худи ҳамон шаб, гӯё қотил аз тирезаи ҳуҷраи нигоҳдошташ, ки дар ошёнаи чорум буд, худро ба зер афкандааст, ки бо марг анҷом шуд. Вале асли воқеи чизи дигар буд ва куштори қотили маълумшуда бо мақсади фош нашудани чеҳраҳои дигар сурат гирифта буд…
Ҳамин тавр марги Сайф барои солҳои тӯлонӣ чун муаммо боқӣ монд. Вале дар соли 2017 натиҷаи тадқиқоту таҳлилҳо ва корҳои оперативию ҷустуҷӯӣ нишон дод, ки Сайф Раҳимзоди Афардӣ ҳадафи тири идеологӣ ва геополитикӣ шудаву аз ҷониби ташкилоти экстремистӣ - террористии “ҲНИТ” бо супориши махсус кушта шудааст. Ва сад ҳайф, ки Сайфи азизи халқ рафт...
Агар ӯ зинда мебуд, ин баҳор ба синни мубораки 65 - солагӣ мерасид ва боз ҳам хизматҳои шоиставу созандае баҳри ободии халқу Ватан мекард. Ёдаш ба хайр!
Сайф Раҳимзоди Афардӣ соли 1995 ба Ҷоизаи адабии ба номи Айнӣ ва соли 2002 ба Ҷоизаи давлатии ба номи Рӯдакӣ сазовор гардидааст.
Умед аст, ки ба хотири оромиши рӯҳи ин марди некному поксиришт нимпайкарае дар як гӯшаи зебои Душанбешаҳр қомат меафрозад, то дар оғӯши халқи азизаш ва алорағми тамоми амалкардҳои аблаҳонаи қотилонаш - тарафдорони ташкилоти террористию экстремистии ҲНИТ ҳамеша номдору бовиқор боқӣ бимонад!
Раҳимҷон САМАДОВ


Баёни ақида (0)    Санаи нашр: 21.05.2018    №: 99    Мутолиа карданд: 470

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд


Дар сомонаҳои дигари Тоҷикистон хонед