logo

қонунҳои ҶТ

ҚОНУНИ ҶУМҲУРИИ ТОҶИКИСТОН ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН «ДАР БОРАИ МАОРИФ»

Моддаи 1. Ба Қонуни Ҷумҳурии Тоҷикистон аз 22 июли соли 2013 «Дар бораи маориф» (Ахбори Маҷлиси Олии Ҷумҳурии Тоҷикистон, с. 2013, № 7, мод. 532; с. 2014, № 3, мод. 156, № 7, қ. 2,  мод. 422; с. 2016, № 3, мод. 1148, № 7, мод. 624; с. 2017, № 7 - 9, мод. 581) тағйиру иловаҳои зерин ворид карда шаванд:
1. Дар моддаи 1:
- сархати даҳум бо мазмуни зерин илова карда шавад:
«- докторантура аз рўи ихтисос – шакли тайёр намудани кадрҳои баландихтисоси илмӣ ва илмию педагогӣ дар муассисаҳои таҳсилоти олии касбӣ ва муассисаҳои илмӣ бо додани дараҷаи илмии доктори фалсафа (PhD) - доктор аз рўи ихтисос барои шахсоне, ки дорои дараҷаи таҳсилоти олии касбии магистр ва барои ихтисосҳои тиббӣ магистр - ординатори клиникӣ мебошанд;»;
- сархати сиву якум бо мазмуни зерин илова карда шавад:
«- постдокторантура – шакли тайёр намудани кадрҳои баландихтисоси илмӣ ва илмию педагогӣ дар муассисаҳои таълимии таҳсилоти олии касбӣ ва муассисаҳои илмӣ бо додани дараҷаи илмии доктори ҳабилитат барои шахсоне, ки дорои дараҷаи академии доктори фалсафа (PhD) - доктор аз рўи ихтисос мебошанд;».
2. Дар моддаи 18:
- аз қисми 3 калимаҳои «танҳо» ва «соҳаи омўзгорӣ, тиббӣ ва фарҳангии» хориҷ карда шаванд;
- ба қисми 8 пас аз калимаи «метавонад» калимаҳои «марказҳои касбомўзӣ,» илова карда шаванд.
3. Қисми 2 моддаи 20 дар таҳрири зерин ифода карда шавад:
«2. Муассисаи таълимии таҳсилоти касбии баъд аз муассисаи олии таълимӣ бо мақсади тайёр намудани мутахассисони илмӣ ва илмию омўзгорӣ барои муассисаҳои таълимии таҳсилоти олии касбӣ ва муассисаҳои илмӣ ташкил карда мешавад. Муассисаҳои таълимии таҳсилоти олии касбӣ ва муассисаҳои илмии алоҳидае, ки дорои заминаи илмӣ ва моддию техникӣ мебошанд ва аз аккредитатсияи давлатӣ гузаштаанд, метавонанд зинаҳои таҳсилоти касбии баъд аз муассисаи олии таълимӣ – магистратура, интернатура, ординатура (резидентура), аспирантура, докторантура аз рўи ихтисос (доктори фалсафа (PhD) - доктор аз рўи ихтисос), докторантура ва постдокторантура таъсис диҳанд ва вазифаи ходими илмиро ҷорӣ намоянд.»;
4. Ба қисми 4 моддаи 21 сархати ҳафтум бо мазмуни зерин илова карда шавад:
«- созмонҳои хонандагон;».
5. Қисмҳои 4 ва 5 моддаи 23 дар таҳрири зерин ифода карда шаванд:
«4. Аз рўи натиҷаи ҳимояи корҳои тахассусӣ – рисолаи илмӣ ва маҷмўи корҳои илмӣ бо тартиби муқарраршуда дипломҳои номзади илм, доктори фалсафа (PhD) - доктор аз рўи ихтисос, доктори илм ва доктори ҳабилитат дода мешаванд.
5. Дар муассисаҳои таълимии таҳсилоти олии касбӣ аз рўи натиҷаи фаъолияти илмию омўзгорӣ бо тартиби муқарраршуда шаҳодатномаи дотсент аз рўи ихтисос ва шаҳодатномаи профессор аз рўи ихтисос дода мешаванд.».
6. Дар қисми 7 моддаи 24 калимаи «аспирантура» ба калимаҳои «магистратура, барои ихтисосҳои тиббӣ магистратура - ординатураи клиникӣ, аспирантура ё докторантура аз рўи ихтисос» иваз карда шавад.
7. Ба моддаи 32 сархати чорум бо мазмуни зерин илова карда шавад:
«- тасдиқи низомномаи намунавии созмони хонандагони муассисаҳои таълимии таҳсилоти умумӣ;».
8. Дар сархати бисту дуюми моддаи 33 калимаҳои «аспирантура, докторантура» ба калимаҳои «аспирантура, докторантура аз рўи ихтисос, докторантура, постдокторантура» иваз карда шаванд.
9. Дар қисми 2 моддаи 41 ва сархати сиву сеюми қисми 1 моддаи 51 калимаи «ташкилотҳои» ба калимаи «созмонҳои» иваз карда шавад.
10. Дар сархати якуми моддаи 43 калимаҳои «ординаторҳо, докторантон» ба калимаҳои «ординаторон, аспирантон, докторантон аз рўи ихтисос, докторантон, постдокторантон» иваз карда шаванд.
11. Дар қисми 7 моддаи 44 калимаҳои «аспирантон, докторантон» ба калимаҳои «аспирантон, докторантон аз рўи ихтисос, докторантон, постдокторантон» иваз карда шаванд.
12. Дар моддаи 45:
- қисми 1 дар таҳрири зерин ифода карда шавад:
«1. Стипендия маблағест, ки ба хонандагон, донишҷўён, интернҳо, ординаторҳо, аспирантони гурўҳҳои таҳсили рўзона, докторантҳо аз рўи ихтисос, докторантон ва постдокторантон пардохт карда мешавад.»;
- сархати чоруми қисми 2 дар таҳрири зерин ифода карда шавад:
«- стипендияи давлатӣ барои аспирантон, докторантон аз рўи ихтисос, докторантон ва постдокторантон;»;
- дар қисми 3 калимаҳои «ва аспирантони болаёқат» ба калимаҳои «, аспирантон ва докторантон аз рўи ихтисос» иваз карда шаванд;
- қисми 8 дар таҳрири зерин ифода карда шавад:
«8. Стипендияи давлатӣ ба аспирантон, докторантон аз рўи ихтисос, докторантон ва постдокторантоне, ки аз ҳисоби буҷети давлатӣ таҳсил мекунанд, пардохт карда мешавад. Андоза ва тартиби пардохти стипендияи давлатӣ ба аспирантон, докторантон аз рўи ихтисос, докторантон ва постдокторантон аз ҷониби Ҳукумати Ҷумҳурии Тоҷикистон муайян карда мешаванд.».
13. Дар қисми 8 моддаи 55 калимаи «қаламрави» ба калимаи «ҳудуди» иваз карда шавад.
Моддаи 2. Қонуни мазкур пас аз интишори расмӣ мавриди амал қарор дода шавад.

Президенти Ҷумҳурии
Тоҷикистон                                                      Эмомалӣ РАҲМОН
ш. Душанбе, 17 майи соли 2018, № 1527

Қарори Маҷлиси намояндагони
Маҷлиси Олии Ҷумҳурии Тоҷикистон
Дар бораи қабул кардани Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маориф»
Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маориф» қабул карда шавад.

Раиси Маҷлиси намояндагони Маҷлиси
Олии Ҷумҳурии Тоҷикистон                                              Ш. ЗУҲУРОВ
ш. Душанбе, 21 феврали соли 2018, № 1005

Қарори Маҷлиси миллии
Маҷлиси Олии Ҷумҳурии Тоҷикистон
Дар бораи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маориф»
Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маориф» - ро баррасӣ намуда, қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маориф» ҷонибдорӣ карда шавад.

Раиси Маҷлиси миллии Маҷлиси Олии
Ҷумҳурии Тоҷикистон                                           М. УБАЙДУЛЛОЕВ
ш. Душанбе, 11 майи соли 2018, № 536


Баёни ақида (0)    Санаи нашр: 22.05.2018    №: 100-101    Мутолиа карданд: 1677

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед