logo

фарҳанг

ВОРИСИ ҒАФУРОВ

Яке аз ворисони ҳақиқиву давомдиҳандаи кору пайкори аллома Бобоҷон Ғафуров профессор Усмонҷон Ғаффоров мебошанд. Эшон шурӯъ аз даврони донишҷӯӣ ишқу алоқа ба осори аллома доштанд ва ҳини аспирантӣ дар Маскав аз ғамхориҳои пайвастаи Бобоҷон Ғафуров баҳравар мегардиданд.
Вақте меҳмони хонадонашон шудем, гӯшаи махсуси ба Б. Ғафуров ихтисосдодаи китобхонаи шахсии худро муаррифӣ намуда, чандин аксҳои нодири Ғафуровро дар ихтиёри мо гузоштанд. Дар дасти он кас китоби ба забони русӣ чопшудаи «Тоҷикон» бо соядасти муаллиф мавҷуд аст, ки навишта: «Ба Усмонҷон Ғаффорови азиз аз номи Б. Ғафуров».
Усмонҷон Ғаффоров он рӯзҳои таърихиро чунин ёд мекунад: «Толеи баланд дорам, ки бо муаррихи бузург, фарзонафарзанди тоҷик Бобоҷон Ғафуров борҳо вохӯрдаам ва дар суҳбатҳои гарму хотирмони эшон ҳузур доштам. Устод Бобоҷон Ғафуров ҳар қадар бузургу шуҳратёр буданд, ҳамон қадар хоксору заминӣ низ буданд. Аз ҳоли аспирантони тоҷик пайваста воқиф шуда, ёрдампулиҳои иловагӣ мефиристоданд, яке аз он толибилмони хушбахт ман будам. Дар ҳамон замонҳо дар дил ният мепарваридам, ки оянда ғафуровшинос мешавам».
Воқеан ҳам минбаъд У. Ғаффоров ҳаёту фаъолияти Ғафуровро ҳаматарафа омӯхта, зиёда аз 160 мақола ва чандин китобҳои алоҳида чоп карданд, ки «Равшангари таърих» ва «Нобиға» аз ҷумлаи онҳоянд. Аксари рисолаву китобҳои дар бораи Ғафуров навиштаи У. Ғаффоров имрӯзҳо барои таърихнигорони тоҷик, бавижа дар Донишгоҳи давлатии Хуҷанд ба номи Б. Ғафуров дар хидмати аҳли маҳфили ғафуровшиносони ҷавон қарор доранд.
- Ростӣ, аз хурдтарин хабару гузориш, то нусхаҳои бузургтарин мақолаву китобу рисолаҳое, ки оид ба Б. Ғафуров аст, дар хазинаи худ дорам. Ин қадар маълумоту мадраке, ки ҷамъ кардам, барои чандин кори илмӣ кифоят мекунад. Аксҳои аллома ҳини Ҳаҷ кардан (1974), вохӯрӣ бо яке аз саромадони фарҳангу сиёсати Ҳиндустон Индира Гандӣ ва сиёсатмадори Чин Мао Тзе Дун (1959) дар китобхонаи ман маҳфузанд, ки бори аввал барои чоп дар рӯзномаи «Ҷумҳурият» армуғон мекунам, - изҳор дошт У. Ғаффоров.
Танҳо дар гӯшаи «Ғафурнома» - и китобхонаи устод наздик ба 200 тақризу мақолаҳо доир ба «Тоҷикон» ва муаллифи он ҷамъоварӣ шудаанд, ки ба қалами олимону файласуфон, рӯзноманигорону адибон ва сиёсатмадорони ҷаҳон дахл дорад. Аз ҷумла, тақризҳои Монфред Лоренс (Олмон), Ричард Фрай (Амрико), Иржи Бечка (Чехословакия), Ҳасан Донӣ (Покистон), Нурул Ҳасан, Шаши Бушон, Мансур Ҳайдар (Ҳиндустон) ва академикҳо А. П. Окладников, Е. М. Жуков, М. П. Ким, А. Л. Нарочниский, И. И. Минтс, Б. Б. Пиотровский маҳфузанд. Танҳо ҳамин гуфтаҳои олими маъруф Ричард Фрай кофист, ки мартабаи бузурги Б. Ғафуровро дар ховаршиносии ҷаҳон бидонем: «Беназирии академик Б. Fафуров дар таҳқиқи масъалаҳои илмии марбут ба Осиё на танҳо аз он аст, ки ӯ фарзанди миллати тоҷик аст, балки ӯ директори Институти ховаршиносии АИ СССР – бузургтарин маркази ховаршиносие низ мебошад, ки таҳти раёсаташ дар кӯтоҳтарин муддат муваффақиятҳои гӯшношунидро ноил гашт. Агар зарурати тарҷумаи англисии ягон асари русӣ оид ба Осиёи Марказӣ пеш ояд, бешак он «Тоҷикон» аст».
Ё худ А. П. Окладников дар рӯзномаи «Известия» навиштааст: «Рисолаи фундаменталии Б.Fафуров дониши моро доир ба омӯхтани таърих ва анъанаҳои яке аз халқҳои қадимтарини мамлакати мо (СССР дар назар дошта шудааст – Б. Б.) – тоҷикон боз ҳам бой ва ғанӣ мегардонад ва ин ҳиссаи арзандаи олим дар омӯзиши таърихи Ватан аст. Ба майдон омадани «Тоҷикон» маҳсули меҳнати чандинсолаи  муаллиф аст».
- Вақте кас аз ин истиқболу ифтихори хориҷиён ба унвони фарзанди тоҷик огоҳ мешавад, албатта, наметавонад ором бошад, дар зиндагардонии таърихи ин миллат камари ҳиммат набандад. Ба хотири ҳамин меҳру муҳаббати сӯзони Ватан ва халқи азизаш номи аллома Бобоҷон Ғафуров дар дили мо – шогирдонаш то абад зинда мемонад ва мо низ то зиндаем, барои абадияти номаш хидматҳои кӯчакеро анҷом медиҳем, - афзуд У. Ғаффоров.
Устод аз озмуне, ки рӯзномаи «Ҷумҳурият» барои гиромидошти осору хотираи Б. Ғафуров эълон кардааст, изҳори хушнудӣ намуда, таъкид карданд, ки ин ибтикори роҳбарияти рӯзнома на танҳо маълумоту мақолаҳои нодиру тозаро дар бораи Қаҳрамони Тоҷикистон Б. Ғафуров ҷамъ менамояд, балки барои шинохти бештари ин чеҳраи мондагор ва таҳкими ҳувияти миллии насли ҷавон мусоидат хоҳад кард.
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 24.05.2018    №: 103    Мутолиа карданд: 656
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед