logo

туризм

РАФТИНГ ЧАРО ДАР ТОҶИКИСТОН РУШД НАМЕКУНАД?

Бино ба гуфтаи мутахассисони соҳа, Тоҷикистон барои ривоҷу равнақи намудҳои гуногуни туризм имкониятҳои зиёд дорад. Айни замон дар мамлакат сайёҳии кӯҳнавардӣ, экологӣ, таърихӣ-фарҳангӣ, зиёратӣ ва муолиҷавӣ дар ҳоли рушд қарор доранд. Вале, бо вуҷуди пешравиҳо,  дар ин ҷода ҳанӯз ҳам камбудиҳо ба назар мерасанд. Масалан, вазъи яке аз намудҳои сайёҳӣ – рафтинг (рафт – қаиқи хурдғунҷоиши резинӣ), ки онро шино дар дарёҳои кӯҳӣ низ меноманд,  беҳбудиро тақозо менамояд.

Рафтинг намуди махсуси варзиши обӣ буда, дар дарёҳои кӯҳӣ ба роҳ монда мешавад. Он миёни сайёҳон аз давраҳои қадим маъмул  буд  ва, асосан, барои омадурафти одамон ва интиқоли молу маҳсулот истифода мешуд.
Ба андешаи дотсенти кафедраи туризми Донишкадаи соҳибкорӣ ва хизмат Моҳира Қодирова, Тоҷикистон, ки дорои 947 дарёст, барои ба роҳ мондани ин навъи сайёҳӣ иқтидори бузург дорад. Вале, мутаассифона, ҷой доштани баъзе мушкилот ривоҷу равнақи рафтингро зери суол мебарад.
Чуноне Моҳира Қодирова иброз дошт, яке аз мушкилиҳои асосӣ – ин набудани  мутахассисон  мебошад. Аз ин рӯ, хуб мебуд агар дар Донишкадаи тарбияи ҷисмонӣ вобаста ба ин навъи туризм гурӯҳи вижае таъсис ёбад, ки  он тавонад мутахассисони ҳирфаиро омода созад. Чун рафтинг аз намудҳои экстремалии сайёҳӣ ба шумор меравад, онҳо  бояд ҳам ҷисман ва ҳам рӯҳан обутобёта бошанд ва дар мавридҳои зарурӣ ба сайёҳон ёрии аввалияи тиббӣ расонанд. Зеро дарёҳое, ки барои рафтинг истифода мешаванд, аксаран аз минтақаҳои аҳолинишин дур ҷойгиранд.
Дар баробари ин, зарур аст, ки клубҳои варзиши экстремалӣ таъсис ёбанд. Ҳамзамон, дар мамлакат таҷҳизоте, ки барои ин навъи сайёҳӣ пешбинӣ шудаанд, камчинанд ва туристоне, ки бо мақсади саёҳати рафтинг ба Тоҷикистон меоянд, аксаран таҷҳизотро бо худ меоранд.  Зимнан, бояд қайд кард, ки имтиёзҳои додаи Ҳукумати кишвар ҷиҳати ворид намудани таҷҳизоти сайёҳӣ саривақтист ва, бе шубҳа, ин иқдом метавонад дар ҳалли масъалаи мазкур мусоидат намояд.
Мавриди зикр аст, ки дар аксар кишварҳо рафтинг хусусияти оммавӣ пайдо кардааст. Чуноне хабаргузориҳои интернетӣ иттилоъ медиҳанд, ҳамасола дар кишварҳои мухталифи ҷаҳон мусобиқаҳои гуногуни минтақавию байналмилалӣ гузаронда мешаванд, ки ҳазорҳо сайёҳу варзишгар дар он иштирок мекунанд. Ҳатто, ба хотири ривоҷу равнақ бахшидани ин навъи сайёҳӣ дар баъзе кишварҳои Аврупои Ғарбӣ дарёҳои сунъӣ сохтаанд. Ин ҳама гувоҳи он аст, ки дар ҷаҳони муосир теъдоди хоҳишмандони рафтинг  сол ба сол меафзояд.
Аз ин лиҳоз, моро мебояд баҳри рушду такомули рафтинг аз иқтидорҳои бузурги кишвар самаранок истифода барем, зеро ба ин васила метавон ба инкишофи дигар навъҳои туризм замина гузошт, ки он дар навбати  худ ба пешрафти соҳаи сайёҳӣ мусоидат хоҳад кард.
Комрон САФАР, “Ҷумҳурият”


Баёни ақида (0)    Санаи нашр: 29.05.2018    №: 106    Мутолиа карданд: 410

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд

Дар Чин кӯдак аз ошёнаи 26 – ум афтода зинда монд

Аксаков бо сенаторони амрикоӣ зарурати муколамаи фаъолро баррасӣ намуд

Ҳамкории Москва ва Рейкявик дар Арктика тақвият меёбад

ФР ва Тоҷикистон конфронси ҳамкории байниминтақавӣ доир мекунанд

ИМА омодаи тамдид намудани созишномаи ССҲ бо Россия аст

Ҷаҳон дар як сатр


Дар сомонаҳои дигари Тоҷикистон хонед