logo

ҳуқуқ

МУФТХӮРӢ ДУ ҶАВОНРО БА ЗИНДОН БУРД

Суди шаҳри Душанбе ду сокини пойтахт - Алишер Сафаров ва Дилшод Бозоров, соли таваллудашон 1995 - ро барои муомилоти ғайриқонунии воситаи нашъадори навъи ҳашиш бо мақсади ба даст овардани фоидаи муфт ба муҳлатҳои тӯлонӣ равонаи зиндон кард.
Тафтишот маълум кард, ки Алишер Сафаров моҳи ноябри соли 2016 ҳангоми таъмири манзили истиқоматии А. Ҳикматов, воқеъ дар Ҷамоати деҳоти Гулистони ноҳияи Рӯдакӣ, дар қабати масолеҳи сохтмонии ДСП воситаи нашъадори навъи ҳашишро мушоҳида намуда, қасди соҳиб шудани онро намуд.
 Бо ин мақсад Алишер Сафаров бо Дилшод Бозоров ва чанд нафари дигар барои ба даст овардани воситаи нашъадор маслиҳат карданд.  Моҳи ноябри соли 2016 ӯ ба шахсони маслиҳатнамудааш ҷойи нигоҳдории масолеҳи сохтмониро нишон дода, гуфт, ки баъди ба даст овардан ҳаққи инҳоро низ медиҳад.
Худи ҳамон рӯз Д. Бозоров бо шариконаш вориди манзили истиқоматии шаҳрванд А. Ҳикматов гашта, як адад ДСП - ро тасарруф намуд ва аз дохилаш 10 баста воситаи нашъадори ҳашишро ҷудо карда, ба пойтахт интиқол дод. Аз он як бастаашро барои истеъмоли худ гирифта, боқимондаашро бо мақсади фурӯхтан пинҳон кард.
Яке аз шарикони онҳо Ф. Маҳмадиев бо чанд нафари дигар бидуни иштироки судшавандаҳо нақшаи тасарруфи масолеҳи боқимондаи сохтмониро тарҳрезӣ намуда, барои ин кор дар ноҳияи Рӯдакӣ як манзили истиқоматиро иҷора гирифтанд. Ҳамин тавр 9 адад ДСП - ро дуздида, ба он ҷо оварданд. Сипас, як адади онро шикаста, аз дохилаш 10 бастаи воситаи нашъадори навъи ҳашишро гирифта, ба шаҳри Душанбе оварданд.
Ф. Маҳмадиев ва Ҷ. Маҳмудов бо мақсади ба даст овардани фоидаи муфт дар назди маркази савдои Садбарг бо Диловар ном шахс, ки мувофиқи Қонуни Ҷумҳурии Тоҷикистон «Дар бораи фаъолияти оперативӣ - ҷустуҷӯӣ» ҳамчун шахси мусоидаткунанда ба фаъолияти кормандони милитсия ҷалб гардида буд, вохӯрда, таклифи ба фурӯш баровардани 1 килограмм ҳашишро карданд. Пас аз як рӯз Диловар ба онҳо дар хусуси пайдо намудани харидор бо номи Алик хабар дод. Номбурдаҳо бо харидори шартӣ дар назди бозори Саховат вохӯрда, ба маблағи 11 000 сомонӣ як миқдор ҳашишро фурӯхтаанд ва аз ин ҳисоб як автомашина харида, ба номи Ҷ. Маҳмудов ба расмият дароварданд.
Рӯзи 11 феврали соли гузашта, Ф. Маҳмадиев ва Ҷ. Маҳмудов дар дидбонгоҳи «Чоряккорон», воқеъ дар ноҳияи Рӯдакӣ аз тарафи кормандони милитсия, дастгир шуданд. Дар натиҷаи ҷустуҷӯ аз таҳхонаи бинои истиқоматие, ки воситаи нашъадорро пинҳон карда буданд, 7 бастаи полиэтилении воситаи нашъадори навъи ҳашиш ёфт ва мусодира гардид.
Аз дастгир шудани ин ду нафар шариконашон огоҳ шуда, воситаҳои нашъадори боқимондаро ба ноҳияи Восеъ интиқол доданд. Сипас, бо мақсади ошкор нагардидани ҷиноят 8 адад ДСП - ро оташ заданд. 
Баъди баррасии парванда бо ҳукми суд ба Алишер Сафаров бо моддаи 200 қисми 4 банди “д” Кодекси ҷиноятии Ҷумҳурии Тоҷикистон, ҷазои маҳрум сохтан аз озодӣ ба муҳлати 13 солу 6 моҳ ва ба Дилшод Бозоров ба муҳлати 14 сол, таъйин карда шуд.   
Хуршед АЗИЗМАТЗОДА,
судяи суди шаҳри Душанбе,
Ҷамила АБДУЛХАЙРЗОДА,
корманди дастгоҳи суди шаҳри Душанбе


Баёни ақида (0)    Санаи нашр: 30.05.2018    №: 107    Мутолиа карданд: 371

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед