logo

туризм

ХУҶАНД. АВЛАВИЯТ БА РУШДИ САЙЁҲӢ

Шаҳри Хуҷанд бо таъриху тамаддуни бисёрсола, ёдгориҳои фарҳангӣ ва мавзеъҳои зебову дилнишин барои ривоҷу равнақи соҳаи туризм имкониятҳои зиёд дорад. Бахшида ба Соли рушди сайёҳӣ ва ҳунарҳои мардумӣ баҳри боз ҳам афзун намудани иқтидори сайёҳии Хуҷанди бостонӣ аз ҷониби мақомоти иҷроияи ҳокимияти давлатии шаҳр тадбирҳои муассир андешида мешаванд.

Тибқи иттилои раиси шаҳри Хуҷанд Маъруфҷон Муҳаммадзода, соли равон  аз Маҷмаи Шоҳ Исмоили Сомонӣ то Маҷмаи фарҳангию таърихии “Қалъаи Хуҷанд” бунёди роҳи симӣ дар назар дошта шудааст. Инчунин, айни замон таъмиру азнавсозии Қалъаи Хуҷанд босуръат идома дорад ва пас аз анҷоми он дар ҳудуди маҷмаа нуқтаҳои фурӯши маҳсулоти дастии мардумӣ ва армуғонҳои миллӣ ташкил карда мешаванд. 
Боиси тазаккур аст, ки феълан дар шаҳр  ширкатҳои сайёҳии «Спутник», «Олами саёҳат», «Шарқ – Амрико», “Марко Поло”, “Согдиана Трейд” ва филиали «Суғдиён – Помир Тур» фаъолият доранд, ки ба сайёҳон барои гирифтани раводид, хариди чиптаҳои ҳавопаймоӣ ва таъмин шудан бо нақлиёту меҳмонхона мусоидат менамоянд. Баҳри ҷалби бештари сайёҳони дохиливу хориҷӣ мақомоти иҷроияи ҳокимияти давлатии шаҳр дар ҳамкорӣ бо ин ширкатҳои сайёҳӣ сити-турҳо ва растаҳои фурӯши маҳсулоти ороишӣ аз сангҳою металлҳои қиматбаҳо, туҳфаҳои хотиравӣ ва намунаҳои ҳунарҳои дастӣ ташкил кардааст. Бо мақсади рушди туризми мактабӣ ва дарёфти роҳбаладони ҷавон дар ҳамкорӣ бо ширкати “Согдиана Трейд” дар 29 мактаби таҳсилоти миёнаи умумӣ, литсей ва гимназия чорабиниҳои ташвиқотӣ гузаронда шуданд, ки зимни онҳо 3 хатсайри нави туристӣ : “Шоми Душанбе” (Хуҷанд – Истаравшан – Шаҳристон – Айнӣ – Варзоб – Душанбе – Ҳисор – Хуҷанд), “Искандаркӯл” (Хуҷанд – Истаравшан – Шаҳристон – Айнӣ – Искандаркӯл – Хуҷанд), “Ҳафткӯли муъҷизадор” ( Хуҷанд – Истаравшан – Шаҳристон – Айнӣ – Панҷакент – Саразм – Ҳафткӯл – Хуҷанд) муаррифӣ гаштанд.
Ҷои  шубҳа нест, ки ин чораҳои андешидашуда ва тадбирҳои дигаре, ки роҳандозӣ хоҳанд гашт, дар ояндаи наздик Хуҷанди бостониро ба яке аз шаҳрҳои пешрафтаи сайёҳии на танҳо мамлакат, балки Осиёи Марказӣ табдил медиҳанд, ки ин боиси рушду нумӯи дигар соҳаҳо ва, дар маҷмӯъ, баланд гаштани сатҳи зиндагии аҳолии кишвар хоҳад шуд. 
Ҷовиди АШТӢ, “Ҷумҳурият”


Баёни ақида (0)    Санаи нашр: 30.05.2018    №: 107    Мутолиа карданд: 417

26.09.2018


ЗАБОН ВА ҲУВИЯТИ МИЛЛӢ

Идомаи машқҳои зиддитеррористии «Иссиқкӯл - 2018» дар Қирғизистон

Ёрӣ ба 17 кишвари Иттиҳоди Аврупо ҷиҳати бартарафсозии оқибати хушксолӣ

Иттиҳоди Аврупо Осиёи Марказиро маблағгузорӣ мекунад

Қазоқистону Ӯзбекистон моҳвораи муштарак сохтанианд

ҶАҲОН ДАР ЯК САТР

25.09.2018


Тавсеаи равобити байнипарлумонии Тоҷикистону Корея

Баргузории ҷамъомад оид ба пешгирии ҷинояткорӣ

Анҷоми марҳилаи якуми амалиёти «Кӯкнор-2018»

Гутерриш ба муборизаи фаъолтар алайҳи маводи мухаддир даъват сохт

Теъдоди қурбониёни садамаи киштӣ дар Танзания ба 225 нафар расид

Сеул барои дучандсозии теъдоди сайёҳон $640 миллион харҷ карданист

Фаронса қатораи дуошёнаи тезгард месозад

Ҷаҳон дар як сатр

Ҷом насиби кӣ мешавад?

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд


Дар сомонаҳои дигари Тоҷикистон хонед