logo

сиёсат

САРҶАМЪУ МУТТАҲИД БОШЕМ

Файзулло БАРОТЗОДА,
раиси ноҳияи Лахш

Дар ҳошияи мулоқоти Пешвои миллат бо намояндагони ҷомеаи кишвар
Мулоқоти навбатии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо намояндагони ҷомеаи кишвар ба муносибати фарорасии моҳи шарифи Рамазон  бори дигар собит намуд, ки давлат ва Ҳукумати мамлакат ҳамеша пайи фароҳам овардани шароит барои зиндагии шоистаи мардум тадбирҳо меандешад. Ҳидоятҳои Пешвои миллат дар хусуси кумак расондан ба эҳтиёҷмандон, саҳмгузорӣ дар ободию шукуфоии Ватан, меҳру муҳаббати бародарӣ, инсондӯстӣ ва худдорӣ аз таассубу ифротгароӣ аз ин ғамхориҳо  шаҳодат медиҳанд.
Сарвари давлат муҳтарам Эмомалӣ Раҳмон таъкид доштанд, ки дар раванди ҷаҳонишавӣ, дигаргуниҳои куллии сайёраи Замин аз лиҳози тағйирёбии иқлим ва шиддат гирифтани низоъҳои мазҳабию байнидавлатӣ зиракии сиёсиро аз даст надиҳем ва исломи нобро бо ғаразҳои сиёсӣ олуда насозем. Тавре Сарвари давлат иброз доштанд:
«Инсон дар 70 - 80 соли охир оламро ба дараҷае тағйир додааст, ки табиат тайи таҳаввули чандинмиллионсолааш ва тамаддуни инсонӣ дар зарфи мавҷудияти беш аз даҳҳазорсолааш чунин дигаргуниро надидааст. Илова бар ин, башарият имрӯз аз офатҳои табиии вобаста ба гармшавии иқлим - хушксолӣ, камобӣ, селу обхезиҳо, офатҳои техногенӣ, паҳншавии бемориҳои сироятӣ, аз ҷумла вируси норасоии масъунияти одам, инчунин, маводи мухаддир зарари зиёд мебинад».
Мулоқот пеш аз ҳама, мавзӯи  пешрафту ободии ҳар як гӯшаю канори ҷумҳуриро фаро гирифт. Президенти мамлакат муҳтарам Эмомалӣ Раҳмон баҳри беҳбудии вазъи зиндагии  сокинони кишвар чун ҳарвақта таваҷҷуҳи хосса зоҳир намуда, ходимони дин ва соҳибкорони ватандӯсти мамлакатро ба кори хайр  ва ободонии шаҳраку деҳоти ҷумҳурӣ даъват намуданд.
Имрӯзҳо  барои баҳрагирӣ аз ин ҳидоятҳои Пешвои миллат дар даҳ ҷамоати деҳоти ноҳия чорабиниҳои алоҳида роҳандозӣ гардиданд. Сокинону фаъолони ноҳия аҳамияти ин дастурҳои Пешвои миллатро дарк намуда, онро чун ҳидоятномаи пиру барно ва дастури зиндагии минбаъдаи хеш қарор додаанд.  Чанде аз сокинони саховатпеша дар партави дастурҳои Сарвари давлат муҳтарам Эмомалӣ Раҳмон тасмим гирифтанд, ки маблағи хайру эҳсони хешро ҷиҳати таъмири шабакаҳои обёрӣ сарф намоянд ва ба ин васила вазъи таъминоти картошкапарваронро бо об беҳбудӣ бахшанд. Дар радифи иқдоми пешгирифтаи чунин нафарони ватандӯсту хайрхоҳ мақомоти иҷроияи  маҳаллии ҳокимияти давлатӣ талош дорад, ки ба василаи вохӯрию мулоқоти судманд нафарони хайрхоҳро барои саҳмгузорӣ дар таъмиру барқарорсозии каналҳои обёрии мавзеъҳои картошкапарварӣ бештар ҷалб созад. Вобаста ба ин гурӯҳҳои кории махсус аллакай ба фаъолият оғоз намудаанд. Ҳамчунин, дар ҳамкорӣ бо ташкилотҳои ҷамъиятӣ ба 600 сокини эҳтиёҷманди ноҳия кумаки моддӣ расонда шуд.
Новобаста  аз он, ки мо то чи андоза қобилияти саҳмгузорӣ дар пешрафту ободии диёри хешро дорем, ин дастури Президенти мамлакатро набояд аз хотир барорем:
«Ҳар як шаҳрванди кишвар бояд як масъалаи ниҳоят муҳимро амиқ дарк намояд: вазъи имрӯзаи ҷаҳон танҳо ба халқу миллатҳое имкони вуҷуд доштану рушд карданро медиҳад, ки онҳо дар баробари донишманд, аз назари технологӣ пешрафта ва созандаву эҷодкор буданашон, инчунин, бояд сарҷамъу муттаҳид бошанд, ҳадафҳои стратегии давлат, ҳастии миллати худро дар ҳама ҳолат ҳифз карда тавонанд ва бозичаи дасти доираҳои ғаразноки сиёсӣ нашаванд. Яъне мардум бояд ҳувияти миллӣ ва ҳисси баланди ватандӯстиву ватанпарастӣ дошта бошанд, бо сабру таҳаммул ва иттифоқу сарҷамъӣ бо роҳи таърихии дар Конститутсия интихобкардаи худ устуворона пеш раванд».


Баёни ақида (0)    Санаи нашр: 31.05.2018    №: 108    Мутолиа карданд: 303

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед