logo

ҳуқуқ

ҚАЛЛОБӢ БА МАБЛАҒИ БЕШ АЗ 330 МИЛЛИОН СОМОНӢ

Суди шаҳри Душанбе парвандаи ҷиноятиро аз рӯи шикояти кассатсионии Карим Муҳамедшоев, ки бо ҳукми суди ноҳияи Сино дар содир намудани ҷинояти қаллобӣ, дар ҳаҷми махсусан калон, гунаҳгор дониста шуда, ба ӯ ҷазо дар намуди маҳрум сохтан аз озодӣ ба муҳлати 9 сол ва аз ҳуқуқи машғул шудан ба фаъолияти соҳибкорӣ дар  Тоҷикистон ба муҳлати се сол таъйин кард, мавриди баррасӣ қарор дод.
Суди марҳилаи якум маълум кардааст, ки Карим Муҳамедшоев 16 августи соли 2013, дар идораи давлатии нотариалии ноҳияи Фирдавсӣ худро ҳамчун “Инвестор” ва шаҳрванд Фаррух Ашуровро ҳамчун “Соҳиби ҳуқуқ” шартнома дар бораи фаъолияти якҷоя дар “Сохтмони бинои истиқоматии бисёрошёна бо ҷойгир намудани нуқтаҳои хӯроки умумӣ ва хизматрасонӣ  ва  таваққуфгоҳ дар таҳхона, воқеъ дар шаҳри Душанбе, кӯчаи Раҳимӣ - 11” ба имзо расондаанд.
Сипас, 13 июни соли 2014 дар асоси созишномаи иловагӣ ба шартномаи мазкур тағйирот дароварда, мувофиқан дар суроғаи зикршуда сохтмони блоки 1 ва 3 - и сохтмонро Карим Муҳамедшоев ва 2 - ро Ф. Ашӯров ба уҳда гирифтаанд.
Дар ин асос К. Муҳамедшоев вобаста ба сохтмони блокҳои 1 ва 3 ҳамчун “фармоишгар” бо роҳбарияти ҶДММ “Наҷиб - 2004” ҳамчун “Пудратчӣ” шартнома имзо карда, тавассути ҷамъияти мазкур сохтмони бинои истиқоматиро ба анҷом расондааст.
Карим Муҳамедшоев дар раванди сохтмони иншоот соли 2013 бо мақсади бо роҳи фиреб ба даст овардани даромад ба боварии шаҳрванд Ҷумагул Нарзуллоева даромада, бо ваъдаи фурӯши манзили истиқоматӣ аз ӯ маблағи 185 549 сомонӣ мегирад. Бо мақсади бовар ҳосил кардан ҷабрдидаро ба идораи давлатии нотариалии ноҳияи Фирдавсӣ бурда, бо ӯ шартнома дар бораи фаъолияти якҷоя ба имзо расондааст.
Баъди ин амал, дидаю дониста, ки манзили истиқоматии мазкур моликияти шахсии Ҷ. Нарзуллоева мебошад, бе иҷозат ӯ дубора дар идораи давлатии нотариалӣ аз номи худ бо шаҳрванд Миҷгона Гиёева ба маблағи 200 000 сомонӣ шартнома баста, манзилро фурӯхтааст.
Номбурда амалҳои ҷинояткоронаи худро давом дода, бо мақсади ба даст овардани пули бе дарди миён аз шаҳрвандон Татьяна Грушевская ба маблағи 151 625 сомонӣ, аз Б. Ашурова 220 000 сомонӣ, ҳамчунин, аз Саҳобиддин Алиматов дар се ҳолат ба маблағи 385 000 сомонӣ гирифта, ба манфиати шахсиаш сарф мекунад.
Ба ин қонеъ нашуда, 11 сентябри соли 2016 тибқи шартномаи идораи нотариалӣ боз ҳамон хонаро ба шаҳрванд Комронҷон Каримов ба маблағи 400 000 сомонӣ фурӯхтааст. Ба ҳамин монанд шумораи зиёди шаҳрвандонро фиреб дода, ба онҳо зарари калони молиявӣ мерасонад.
Тавре суд маълум кард Карим Муҳамедшоев дар маҷмӯъ бо роҳи фиреб ба боварии зиёда аз 20 нафар шаҳрванд даромада, аз онҳо  ҷамъоҷамъ бо роҳи қаллобӣ 330 миллиону 192 ҳазор сомонӣ ба даст овардааст.
Судшаванда аз ҳукми суди ноҳияи Сино розӣ нашуда, ба суди шаҳри Душанбе шикояти кассатсионӣ овардааст, ки гӯё суди марҳилаи якум ҳангоми баррасии парванда ҳамаи ҳолатҳои сабуккунандаи ҷазоро ба назар нагирифтааст. Суди шаҳри Душанбе баъди баррасии парвандаи мазкур ҳукми суди ноҳияи Синоро бетағйир ва шикояти кассатсионии судшавандаро беқаноат гузошт.
Ёдрас мешавем, ки суди марҳилаи якум кирдори судшавандаро бо моддаи 247 қисми 4 банди «б» Кодекси ҷиноятии Ҷумҳурии Тоҷикистон маҳкум карда, нисбат ба ӯ ҷазои ҳабс ба муҳлати 9 сол таъйин кард. Ҳамчунин, суд ҳукм кард аз ҳисоби маҳкумшуда маблағи зарар ба фоидаи ҷабрдидаҳо рӯёнда шавад.
Толиб ТАШРИФЗОДА,
корманди дастгоҳи суди шаҳри Душанбе,
Лашкар ШАРИФЗОДА,
“Ҷумҳурият”


Баёни ақида (0)    Санаи нашр: 04.06.2018    №: 110-111    Мутолиа карданд: 435

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед