logo

иҷтимоиёт

НОҲИЯИ ДЕВАШТИЧ. ФАРДОРО АЗ ИМРӮЗ БОЯД СОХТ

Имсол барои мардуми ноҳияи Деваштич бобарор омад. Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳошияи Даҳсолаи байналмилалии амал «Об барои рушди устувор, солҳои 2018-2028» обёрии 4000 гектар заминҳои мавзеи Сексариро ҳусни оғоз бахшиданд.  Обёрии мавзеъ барои зиёд намудани майдони кишти зироатҳо, боло бурдани истеҳсоли маҳсулот ва таъсиси ҷойҳои нави корӣ заминаи мусоид фароҳам меоварад.
- Сокинони ноҳия аз он рӯҳбаланду сарфарозанд, ки Пешвои муаззами миллат имсол зимни иштирок дар чорабиниҳои наврӯзии шаҳру навоҳии вилояти Суғд ва мавриди истифода қарор додани якчанд иншооти таъйиноти иҷтимоӣ, хизматрасонӣ ва коргоҳҳои саноатӣ, инчунин, бо рафти обёрии заминҳои мавзеи Сексарии ноҳия шинос шуда, якчанд таҷҳизоти обкашии заминҳои ташналаби ин мавзеъро фаъол намуданд, - изҳор дошт раиси ноҳия Рустам Ҷӯразода.
Таваҷҷуҳи мақомоти иҷроияи маҳаллии ҳокимияти давлатии ноҳия ба шароити муассисаҳои таълимӣ зиёд аст. Зеро дар ноҳия аз 74 муассисаи таълимиву тарбиявӣ бинои 6 таълимгоҳ ба таъмири асосӣ ниёз дошта, ду таълимгоҳ (МТМУ №5 ва №44) дар ҳолати қисман садамавӣ ва 22 таълимгоҳи дигар дар биноҳои куҳна ҷойгиранд.
- Баҳри ба талаботи замон мувофиқ гардондани биноҳои таълимгоҳҳои таъмирталаб, қисман садамавӣ ва куҳна тадбирҳои муайян рӯи кор гирифта шуданд, аз ҷумла сохтмони бинои нави муассисаҳои садамавии №№5 ва 44 ба лоиҳаи сохтмони асосӣ ворид карда шуда, 22 таълимгоҳи куҳнасохт дар доираи имкониятҳои мавҷуда бо ҷалби хоҷагиҳои кишоварзӣ, соҳибкорони маҳаллӣ, шахсони саховатпеша ва волидайн қисман таъмир гардиданд, - баён дошт раиси ноҳия.
Сокинони ноҳия барои ояндаи босафои илмомӯзии фарзандонашон аз тамоми имкониятҳои мавҷуда истифода мебаранд. Бо иқдому ибтикори созанда ва ҳашари умумӣ даҳҳо мактабу варзишгоҳҳои хурду бузургро сохтанд, таъмир карданд ва бо лавозимоти хониш таъмин намуданд. Соли сипаришуда дар деҳаи Истиқлол бинои нави муассисаи таълимӣ, дар шаҳраки Ғончӣ  бинои нави боғчаи кӯдакона барои се гурӯҳ тарбиягирандагон, дар деҳаи Меҳробод бинои нави толори варзишӣ бунёд ёфта, мавриди истифода қарор гирифтанд. Дар ин иншоот бештари сохтмончиён мардуми маҳаллӣ буданд.
Яке аз масъалаҳои мубрами соҳаи тандурустии ноҳия дар ҳолати хароб қарор доштани таваллудхонаи марказӣ буд. Ҳанӯз дар замони шӯравӣ сохтмони бинои асосӣ шурӯъ шуда бошад ҳам, аммо баъдтар аз сабаби нарасидани маблағ ва оғози нооромиҳо сохтмони он қатъ гардид.
Ҳоло сохтмони бино аз ҳисоби буҷети вилоятӣ ҷараёни тоза гирифтааст. Маблағи лоиҳавии бино 12 миллион сомониро ташкил медиҳад ва ба маблағи 5 миллиону 700 ҳазор сомонӣ корҳои асосӣ сомон ёфтаанд.
Бино ба гуфтаи Рустам Ҷӯразода, таваллудхонаи мазкур дар вилоят яке аз калонтарин муассисаҳои тандурустӣ буда, дорои 100 кати хоб, боғ, таҷҳизоти тиббии муосир ва дигар шароитҳои зурурӣ мешавад.
Дар баробари ин, ҳоло сохтмони биноҳои нави марказҳои саломатӣ дар деҳаҳои Хӯштоири Мухлон, Далён, Даштикон, Метк, Хишекат, Каҷровут ва бунгоҳи тиббӣ дар деҳаи Амбарин идома дошта, дар арафаи ба истифода супурдан мебошанд.
Дар ҳошияи Соли рушди сайёҳӣ ва ҳунарҳои мардумӣ дар ноҳия 13 маркази таълимӣ - истеҳсолии қолинбофӣ ва 16 маркази таълимию истеҳсолии атласу адрасбофӣ таъсис дода шудааст, ки дорои 51 дастгоҳи хурду калонанд. Имсол бори аввал дар маркази вилоят қолину атласу адрасҳои ҳунармандони ноҳия ба намоиш гузошта шуда, адрасҳои хушсифати аҳли ҳунар сазовори ҷои аввал гашт.
Иншооти ҳаётан муҳими ноҳия хати оби  Даҳкатсой - Даҳанасой аст, ки сохтмонаш идома дорад. Дар сурати ба истифода додани ин хати об ҳазорҳо гектар замини солҳо бекорхобида ва лалмӣ сарсабз гашта, заминаи рушди асосии хоҷагии халқи ноҳияро таъмин менамояд.
Бузургмеҳри БАҲОДУР,
«Ҷумҳурият»


Баёни ақида (0)    Санаи нашр: 04.06.2018    №: 110-111    Мутолиа карданд: 525
03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД

27 МЕДАЛИ ТИЛЛО ДАР ШАШ МОҲ

100 ДАРСАДИ САҲМИЯҲОИ ҶСК «АЗОТ» БА ФУРЎШ ГУЗОШТА МЕШАВАД

44 МИЛЛИОН СОМОНӢ ЗАРАРИ МОЛИЯВӢ БАРҚАРОР ШУД

ВАЗОРАТИ САНОАТ ВА ТЕХНОЛОГИЯҲОИ НАВ. ҲАҶМИ ИСТЕҲСОЛ ДАР ДАВРАИ ПАНДЕМИЯ НИЗ ЗИЁД ГАРДИД

ЛИГАИ БОНУВОН. "ХАТЛОН" БА САДРИ ҶАДВАЛ БАРОМАД

СҶТ: «ДУНЁ ТАНҲО ЯК МАВҶИ КОРОНАВИРУСРО АЗ САР ХОҲАД ГУЗАРОНД»

ҶАҲОН ДАР ЯК САТР

28.07.2020


ТОҶИКИСТОН. 6 ҲАЗОРУ 28 ГИРИФТОРИ БЕМОРИИ COVID-19 ШИФО ЁФТ

ШСХК «БАРҚИ ТОҶИК». 11 ҲАЗОРУ 931 ҲОЛАТИ ИСТИФОДАИ ҒАЙРИҚОНУНИИ НЕРУИ БАРҚ

КВД «ХОҶАГИИ МАНЗИЛИЮ КОММУНАЛӢ». 200 ҲАЗОР АҲОЛИИ ДЕҲОТ БО ОБИ НӮШОӢ ТАЪМИН МЕШАВАД

ТОҶИКАЭРОНАВИГАТСИЯ. МАҶМӮИ МАЪЛУМОТ МИНБАЪД ДАР КИШВАР ТАҲИЯ ВА НАШР МЕГАРДАД

САҲМИ ДУШАНБЕ ДАР ММД-И КИШВАР БА 20,7 ДАРСАД РАСИД

МТС. ҲАМКОРИҲО ТАВСЕА МЕЁБАНД

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. 38 ҲАЗОР ҶОЙИ КОР ТАШКИЛ ЁФТ

КОНФРОНСИ ДУЮМИ БАЙНАЛМИЛАЛИИ САТҲИ БАЛАНД СОЛИ 2021 БАРГУЗОР МЕГАРДАД


Дар сомонаҳои дигари Тоҷикистон хонед