logo

фарҳанг

ЁДГОРИҲОИ ТАЪРИХӢ АЗ БАЙН МЕРАВАНД, ЧАРО?

Ёдгориҳои таърихӣ ҷузъи мероси фарҳангӣ буда, таҳқиқ ва ҳифзу нигаҳдошти онҳо аз вазифаҳои аввалиндараҷа ба ҳисоб меравад. Маҳз ба ҳамин хотир, роҳбарияти олии кишвар ҳанӯз аз солҳои аввали соҳибистиқлолӣ ба тармиму таҷдид ва барқарорсозии ёдгориҳои таърихӣ таваҷҷуҳи махсус равона менамояд.

Ба гуфтаи  Шералӣ Хоҷаев, сардори раёсати ҳифзи ёдгориҳои таърихии Вазорати фарҳанг, ҳоло шумораи ёдгориҳои таърихӣ зиёда аз 3 ҳазорро ташкил медиҳад, ки аксари онҳо дар замони соҳибистиқлолӣ навсозӣ гардиданд. Аз ҷумла, оромгоҳҳои Абуабдуллоҳи Рӯдакӣ, Мир Сайид Алии Ҳамадонӣ, Туғрали Аҳрорӣ, Камоли Хуҷандӣ, Ҳазрати Султон, Хоҷа Аюби Ансорӣ ва чанде дигар таъмиру барқарор шуда, аз ҳисоби Фонди Президенти мамлакат корҳои илмиву бостоншиносӣ дар иншооти алоҳидаи қалъаҳои Ҳисор, Ҳулбук ва Хуҷанд идома доранд.

ЁДГОРИҲО ДАР ЗЕРИ ХОКАНД
Вале, бо вуҷуди ин, ҳолати кунунии баъзе ёдгориҳо ташвишовар аст. Ва Сарвари давлат дар мулоқоти навбатӣ бо зиёиён (19 марти соли 2018) аз ин изҳори нигаронӣ карда,  иброз доштанд, ки «То ба имрӯз дар 695 ёдгории таърихиву меъморӣ корҳои илмиву бостоншиносӣ ва навсозиву барқарорсозӣ оғоз нагардида, онҳо дар ҳолати ниҳоят хароб қарор доранд. Ҳарчанд ки доир ба баъзеи ин ёдгориҳо дар сарчашмаҳои таърихӣ ишораҳо мавҷуданд, вале дар замони истиқлолият дар ин самт маълумоти иловагӣ кам ҷамъоварӣ шуда, дар баъзе аз ин мавзеъҳо корҳои ҷустуҷӯиву ҳафриётӣ ҳанӯз шурӯъ нашудаанд».
Вобаста ба ин, бостоншинос, профессор Юсуфшо Ёқубшоев гуфт, ки вазъи ёдгориҳои таърихии археологӣ беҳбудиро металабад. Қисми зиёди онҳо ҳанӯз дар зери хоканду қисми дигарашон бинобар мавқуф гузоштани корҳои ҷустуҷӯӣ аз байн рафта истодаанд. Аксари ёдгориҳое, ки солҳост таҳқиқашон идома дорад (масалан, кофтуковҳои бостоншиносии Панҷакенти Қадим аз соли 1946 оғоз гардидааст), бо сабаби бомпӯш набудан ва дар зери барфу борон мондан, дар ҳолати нестшавӣ қарор доранд. Бар замми ин, аксари мақомоти маҳаллии шаҳру ноҳияҳои кишвар, ки дар ҳудуди онҳо ёдгориҳо ҳастанд, ҷиҳати ҳифзу нигаҳдориашон хунукназарӣ мекунанд. Масалан, дар мавзеъҳое, ки ёдгориҳо ҷойгиранд, мақомотҳо барои бунёди манзили истиқоматӣ ва киштукор қитъаи замин ҷудо кардаанд, ки инро метавон дар ҳудуди  қалъаи Чармгарони шаҳри Кӯлоб ва ёдгории Золи Зари ноҳияи Фархор мушоҳида кард.

ҲУДУДИ ЁДГОРИҲО БОЯД ҶУДО ШАВАД
Яке аз масъалаҳое, ки боиси ташвиши коршиносон гаштааст, муайян набудани ҳудуди ёдгориҳост. Барои ин ки ёдгорӣ ҳифз шавад, бояд ҳудуди муҳофизатшаванда дошта бошад. Зеро он аз замоне мақоми ҳуқуқӣ пайдо мекунад, ки аз ҷониби давлат таҳти муҳофизат қарор гирифта, соҳиби сертификат гардад. Юсуфшо Ёқубшоев мегӯяд, ки ҳоло аксари ёдгориҳо ҳудуди муайян надоранд ва бо ин сабаб аз байн мераванд. Барои мисол, ҳудуди шаҳраки қадимаи Каронро, ки ёдгории нодир асту таърихи 4 ҳазорсола дорад, аз соли 2012 инҷониб ба расмият надаровардаанд.

ХАРИТАИ БОСТОНШИНОСӢ ДОРЕМ?
Омили дигаре, ки барои ҳифзи ёдгориҳо мусоидат мекунад, таҳияи харитаи бостоншиносии шаҳру ноҳияҳо мебошад. Он имкон медиҳад, ки ёдгориҳо ишора ва ҳифз гарданд. Нуриддин Сайфуллоев, мудири шуъбаи бостоншиносии Институти таърих, бостоншиносӣ ва мардумшиносии ба номи Аҳмади Дониши Академияи илмҳо, гуфт, ки набудани  чунин харитаҳо боиси дар мавзеъҳои ҷойгиршавии ёдгориҳои таърихӣ бунёд намудани хонаи истиқоматӣ мегардад. Бинобар ин, Институти таърих, бостоншиносӣ ва мардумшиносии ба номи А. Дониши Академияи илмҳо муваззаф гардидааст, ки чунин харитаҳоро омода намояд. Бояд гуфт, ки феълан харитаҳои бостоншиносии шаҳру ноҳияҳои Ҳисор ва Ёвон нашр шуданду феҳристи ёдгориҳои таърихии ноҳияҳои Темурмалик, Фархор ва Ҷалолиддини Балхӣ дар ҳоли чопанд.

ЧӢ БОЯД КАРД?
Нигаҳдорӣ ва барқарор намудани мероси таърихию фарҳангӣ аз масъалаҳое мебошанд, ки таваҷҷуҳи хоссаро талаб мекунанд. Ҳоло, ки Тоҷикистон мамлакати туристӣ эълон шудаасту сайёҳии таърихӣ-фарҳангӣ аз бахшҳои асосӣ ва афзалиятноки туризми кишвар ба шумор меравад, лозим аст на танҳо ба масъалаи ҳифзу нигаҳдории ёдгориҳои таърихӣ диққат диҳем, балки инфрасохтори заруриро бунёд карда, онҳоро ба хатсайрҳои сайёҳӣ ворид созем. Дар ин росто, мақомоти маҳаллӣ ҷиҳати ҳифзи онҳо бетарафӣ зоҳир нанамуда, барои ҷудо кардани қитъаи замини ёдгориҳои таърихӣ ва бомпӯш гардидани онҳо тадбир андешанд.
Меҳрангез ҚОДИРОВА,
 «Ҷумҳурият»


Баёни ақида (0)    Санаи нашр: 05.06.2018    №: 112    Мутолиа карданд: 532
12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД


Дар сомонаҳои дигари Тоҷикистон хонед