logo

иҷтимоиёт

РАМАЗОН. ЧОРААНДЕШИҲО САМАР МЕДИҲАНД

Чанд сол пеш баробари фаро расидани моҳи шарифи Рамазон дар мамлакат аз ҷониби баъзе тоҷирону савдогарони бозорҳо, хусусан дар пойтахти  ҷумҳурӣ, бе  ягон асос боло бурдани нархи маҳсулоти ниёзи аввалия, аз ҷумла гӯшт,  орд, равған, биринҷ, тухм, шакар, шир ба мушоҳида мерасид, ки  ин боиси ташвиши аҳолӣ мегардид.

Дар робита ба масъалаи фавқуззикр Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо намояндагони ҷомеаи кишвар таъкид намуданд: «Ба соҳибкорону тоҷирон такроран хотирнишон месозам, ки дар моҳи Рамазон нарху навои маҳсулотро беасос баланд бардошта, ҳамватанони худро ба азият гирифтор накунанд. Дар аксари кишварҳои исломӣ ва мусулмоннишин тоҷирон нархро, баръакс, дар ин моҳ арзон мекунанд, то ки бо ҳамин роҳ низ соҳиби савоб шаванд».
Айни ҳол дар бозорҳои пойтахт се нархи маҳсулоти ниёзи аввалия ба мушоҳида мерасад: дар ярмаркаҳои доимамалкунанда, Агентии захираҳои моддии давлатӣ ва савдогарони бозорҳо. Нархҳо аз ҳамдигар тафовут доранд. Нархи маҳсулоти ярмаркаҳои доимамалкунанда нисбатан арзонтар мебошад.
Нархи маҳсулот дар гӯшаи савдои Агентии захираҳои моддии давлатӣ дар КВД «Бозори Саховат» - и пойтахт чунин аст: ( ба ҳисоби як литр, як килограмм ва як дона) равғани пахта - 10, маҳсулоти макаронӣ - 5,5, биринҷ - 5,5, шакар - 5,5, картошка - 2,30 - 2,6, пиёз - 0, 5 - 0,7, сабзӣ 1 - 1,5 ва гӯшти гов - 34 - 36 сомонӣ. Нархи маводи ғизоӣ дар дохили бозорҳо каме гаронтар аст: равған - 11 - 12, тухм - 0, 65 - 0, 9, шакар -  7 - 7,5, орд - 3, маҳсулоти макаронӣ - 6 - 7 ва биринҷ - 7 - 14 сомонӣ. Аммо сифати маҳсулот низ беҳтар аст. Нархҳо дар дигар бозорҳо низ ҳамин гунаанд, ғайр аз бозори «Деҳқон». Нарх дар бозори «Деҳқон» нисбатан арзонтар аст, ҳатто нархи маҳсулоти гӯштӣ низ.
Пеш аз моҳи шарифи Рамазон савдогарон аз маъмурияти бозорҳо дастур гирифтанд, ки гӯшти гов то 36 сомонӣ фурӯхта шавад, лекин на ҳамаи савдогарон ин дастурро риоя мекунанд. Баъзе фурӯшандагон гӯшти говро 36 сомонӣ нарх гузоштаанд, аммо гӯшт сифатан чандон хуб нест.
Дар дигар бозорҳои пойтахт нархи маҳсулоти ғизоӣ тағйир наёфтааст. Масъулони бозорҳо тибқи дастури раиси шаҳри Душанбе амал намуда, тавонистаанд, ки бо роҳи таъсис додани ярмаркаҳои фурӯши маҳсулот, баровардани маҳсулоти захира ва пешгирии ҳаннотӣ аз болоравии маҳсулоти ниёзи аввал ҷилавгирӣ намоянд.
Тоҳир Раҷабов, сокини пойтахт, гуфт, ки нарх ҳатто дар муқоиса бо рӯзҳои аввали моҳи Рамазон поин рафтааст. Пеш як кило пиёз 2 сомонӣ ва картошка 3 сомонӣ буд. Ҳоло картошка 2,5 - 2,8 ва пиёз 0,5 - 0,7 сомонӣ аст. Биринҷу шакар, ки дар рамазон зиёдтар истеъмол мешаванд, 5 - 5,5 сомонӣ нарх доранд. Баъзе соҳибкорони ҳимматбаланду хайрҷӯ нархҳоро  назар ба давраи пеш аз рамазон поинтар бурдаанд.
Бахтиёр Назирмадзода, муовини раиси шаҳри Душанбе, гуфт, ки аз ҷониби мақомоти иҷроияи ҳокимияти давлатӣ бо мақсади фаровонии бозорҳои пойтахт бо маҳсулоти ниёзи аввалия дар моҳи шарифи Рамазон ва баҳри пешгирии болоравии нархҳо тадбирҳои зарурӣ роҳандозӣ шудаанд. Аз ҷониби сохторҳои марбута дар ҳамаи бозорҳои шаҳр, новобаста аз шакл ва тобеияти идоравӣ, аз болои нархи маҳсулоти ниёзи аввалия, аз ҷумла  гӯшт, орд, равған, биринҷ, шакар, шир, тухм, картошка, сабзӣ, пиёз, назорати қатъӣ бурда мешавад, то ҳаннотон маҳсулотро аз ярмаркаҳо арзон харида қимат нафурӯшанд.
- Раиси шаҳр ҷиҳати чораҷӯӣ ва ҷойгир кардани растаҳои савдои ҷавобгӯй ба талаботи муосир ба роҳбарони ноҳияҳои пойтахт ва сохторҳои марбута супориш дод. Дар ин замина роҳбарони ниҳодҳои масъул вазифадор гардиданд, ки риояи қоидаҳои савдо, тартиботи ҷамъиятӣ, зиддисӯхторӣ, сифат, нархи маҳсулот ва  талаботи санитарию гигиениро дар доираи салоҳияти худ таъмин намоянд, - гуфт Б. Назирмадзода.
Шаҳбоз АБРОР, «Ҷумҳурият»


Баёни ақида (0)    Санаи нашр: 06.06.2018    №: 113    Мутолиа карданд: 409

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД


Дар сомонаҳои дигари Тоҷикистон хонед