logo

маориф

ММТ. РОҲАНДОЗИИ ИҚДОМОТИ НАВ

Маркази миллии тестии назди Президенти Ҷумҳурии Тоҷикистон имсол бо мақсади шаффоф, дастрас ва озод баргузор кардани бақайдгирии довталабон барои иштирок дар имтиҳонҳои марказонидаи дохилшавӣ ба муассисаҳои олии касбӣ ва миёна (ИМД) дар 55 шаҳру ноҳияи ҷумҳурӣ, аз ҷумла дар 38 шаҳру ноҳия, 42 нуқтаи доимии бақайдгирӣ ва дар 17 шаҳру ноҳияи дигар нуқтаҳои сайёри бақайдгирӣ ташкил кард.
- Соли ҷорӣ шумораи умумии шаҳру ноҳияҳое, ки дар онҳо нуқтаҳои доимии бақайдгирӣ ташкил гардид, панҷто зиёд шуд. Шумораи шаҳру ноҳияҳое, ки соли равон дар онҳо нуқтаҳои сайёри бақайдгирӣ ташкил ёфтанд, нисбат ба ҳамин нишондиҳандаи соли сипаришуда чорто кам гардид. Зеро шумораи шаҳру ноҳияҳое, ки онҳо нуқтаҳои доимии бақайдгирӣ доранд, афзуда, зарурати дар баъзе аз шаҳру ноҳияҳо ташкил кардани нуқтаҳои сайёри бақайдгирӣ намонд, - изҳор дошт директори марказ Хуршед Икромӣ. 
Яке аз навгониҳои низоми ИМД дар соли равон хизматрасонии “Пешномнависӣ” дар шакли бархат (онлайн) аст. Ин хизматрасонӣ ҳам вақти довталабро сарфа мекунаду ҳам кори ӯро осон. Ин низом ба довталаб имкон медиҳад, ки маълумоти заруриро барои бақайдгирӣ (ному насаб, таърихи таваллуд, ҳуҷҷати тасдиқкунандаи шахсият, ҷойи истиқомат, рақами телефон барои тамос, нишонии почтаи электронӣ, муассисаи таълимии дар он таҳсилкунанда (таҳсилкарда), комбинатсияҳои ихтисосҳои интихобкарда аз рӯйи бартарияшон, забон ва макони имтиҳонсупорӣ, макони фиристодани даъватнома ва ғайра) омода карда, баъдан ба яке аз нуқтаҳои бақайдгирӣ ҷиҳати расман номнавис кардани худ ҳозир шавад.
Хуршед Икромӣ таъкид намуд, ки шумораи истифодабарандагони хизматрасонии “Пешномнависӣ” қонеъкунанда нест. Инчунин, аз шумораи умумии шахсони аз ин хизматрасонӣ истифодабурда ҳиссаи хеле камашон баъдан ба нуқтаи бақайдгирӣ ҳозир шуда, бо пешниҳоди рақами инфиродӣ аз қайд гузаштаанд.
Дар марҳилаи якуми бақайдгирии довталабон аз 1 март то 30 апрел 94 905 довталаб аз қайд гузаштанд, ки аз онҳо 15 928 нафарашон хатмкардаи солҳои пешини муассисаҳои таълимӣ мебошанд.
- Боиси хурсандист, ки хатмкунандагони солҳои қаблӣ низ ба хондан ҷалб мешаванд. Махсусан, онҳое, ки оиладор ва соҳиби фарзанданд, имкони аз минтақаҳои дурдасти кишвар супурдани имтиҳонҳои дохилшавиро доранд. Дигар хароҷоту роҳпуливу вақти зиёд ҳам намеравад. Ҳатто имкони бақайдгирии онлайниро низ роҳандозӣ кардем, то мушкилоти довталабон коҳиш ёбад, - баён дошт директори марказ.
Дар ин давра барои гирифтани имтиёз дар имтиҳони марказонидашудаи дохилшавӣ 257 кас ҳамчун ятими кул ва бепарастор, 5 3 23 кас ҳамчун ятим ва 13 каси дигар ҳамчун фарзандони хизматчиёни ҳарбие, ки ҳангоми иҷрои уҳдадории хизмати ҳарбӣ ҳалок гардидаанд, аз қайд гузаштанд. Инчунин, ба 169 довталаби маъюб (аз ҷумла маъюби гурӯҳи I ва II) имтиёз дода шуд. Дар маҷмӯъ, соли ҷорӣ 215 корманди муваққатии нуқтаҳои доимӣ ва сайёри бақайдгирӣ ба муроҷиаткунандагон хизмат расонданд.
Бино ба маълумоти омории бақайдгирӣ, шумораи довталабони хизмати ҳарбиро дар Қувваҳои Мусаллаҳи Ҷумҳурии Тоҷикистон адокарда соли ҷорӣ 659 нафарро ташкил дод, ки нисбат ба ҳамин нишондиҳандаи ИМД - 2016 - ум 173 нафар зиёд аст.
Б. САЛИМОВ, “Ҷумҳурият”


Баёни ақида (0)    Санаи нашр: 07.06.2018    №: 114    Мутолиа карданд: 1038
26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ

ВМКБ. ИСТИФОДАИ САМАРАНОКИ ЗАМИН ДАР МАДДИ АВВАЛ

ИҚДОМИ ЯК ДОНИШКАДА

ХУҶАНД. ВЕБ-СЕМИНАР ОИД БА ТАШХИС ВА ТАБОБАТИ COVID – 19

САНОАТ. ҲАҶМИ ИСТЕҲСОЛ 15,3 ДАРСАД ЗИЁД ШУД

СУҒД.РОҲАНДОЗИИ ТАЪТИЛИ САМАРАНОК

ПАЙРАВӢ АЗ ИҚДОМИ ПЕШВОИ МИЛЛАТ

РАФАЭЛ НАДАЛ БЕҲТАРИН ВАРЗИШГАР ДАР ТАЪРИХИ ИСПАНИЯ

МАСТЧОҲ СИМОИ ИДОНА МЕГИРАД

18.05.2020


СУҒД. МУБОРИЗА АЛАЙҲИ БЕМОРИҲОИ СИРОЯТӢ ПУРЗӮР МЕГАРДАД

НУРОБОД ҲУСНИ НАВ МЕГИРАД

ФУТБОЛ. ЧЕМПИОНАТИ БЕЛГИЯ НИЗ ПЕШ АЗ МУҲЛАТ АНҶОМ ЁФТ

ТОҶИКИСТОНУ БЕЛАРУС ДАР МУБОРИЗА БО КОРОНАВИРУС ҲАМКОРӢ МЕКУНАНД

ҶАҲОН ДАР ЯК САТР

15.05.2020


МАШВАРАТИ КОРИИ МУОВИНИ САРВАЗИРИ МАМЛАКАТ ДАР ШАҲРИ БӮСТОН

ТОҶИКИСТОН. БОЗ 403 МУБТАЛОИ КОРОНАВИРУС ШИФО ЁФТ

ДАР ИСФАРА МАКТАБИ БАЙНАЛМИЛАЛИИ «ОРИОН» БУНЁД МЕШАВАД

КӮДАКОН. КОРОНАВИРУС ҚУДРАТИ "ЗАБТ" - И ОРГАНИЗМИ ОНҲОРО НАДОРАД


Дар сомонаҳои дигари Тоҷикистон хонед