logo

фарҳанг

БОБОҶОН ҒАФУРОВ - ВАТАНДОРИ АСИЛ

Дар ҳаёти инсон лаҳзаҳое мешаванд,  ки арзишашон ба ганҷи дунё баробар аст. Аз шумо чи қадар дур раванд, ҳамон қадар наздик менамоянд. Гӯё  он лаҳзаҳо қодир  ҳастанд, ки гузашта, имрӯз ва фардои умрро муттаҳиду мунаввар созанд. Ман ҳам, хушбахтона, дар зиндагӣ чунин лаҳзаҳои хотирмонро дорам, ки гоҳо бо ёд кардани онҳо дилам ба фардо боумеду орзу метапад. Барои чунин лаҳзаҳо месазад, ки зиндагӣ намоӣ.
21 октябри соли 1971. Он рӯз дар шӯрои илмии   Институти  шарқшиносии  Москва  кори  докториро бомуваффақият дифоъ намудам. Дар он аксарият  шарқшиносони барҷастаи шӯравӣ, чун Иосиф  Самойлович Брагинский, Дмитрий Семёнович  Комиссаров, Александр Борисович Литвинский, Солнтсев, Мулло Эркаев, Капитолина Александровна Ғафурова, Елена Абрамовна Давидович ва дигарон иштирок доштанд. Шунидани  фикри онҳо дар бобати моҳияти кори илмӣ албатта шарафи бузурге буд. Зарур аст, алоҳида қайд намоям, ки бештари онҳо ба шарофати роҳбари илмӣ, устоди меҳрубонам,  академик Бобоҷон Fафуров он ҷо ташриф оварданд...  
Дар Кумитаи Марказии КПСС анҷумани идеологҳо буду аз Тоҷикистон ҳам гурӯҳи калон – котиби Иттифоқи нависандагони Тоҷикистон Мирзо Турсунзода, президенти Академияи фанҳои Тоҷикистон Муҳаммад Осимӣ, ректори Институти педагогии  шаҳри Душанбе, профессор Мунзифа Fаффорова, ҳамаи ректорон,  профессорони донишгоҳҳои ҷумҳурӣ, инчунин, академики  АИ Ӯзбекистон  Хадича Аминова, афғоншинос Нафтулло Аронович Халфин ва дигар  олимони намоёни  мамлакатҳои Шарқ  таклиф шуда ва  чун анъана  пеш аз анҷуман ба зиёрати устод Бобоҷон Fафуров мешитофтанд. Устод онҳоро ба ҷамъомади илмии навбатие, ки рӯзи дигар барпо мегардиду  ман дар он рисолаи докториро дифоъ менамудам,  таклиф  карданд.
Пас аз бомуваффақият гузаштани дифоъ Бобоҷон Ғафуров олимону зиёиёнро ба як пиёла чой даъват карданд. Як пиёла чой баҳона буду мусоҳибаву мубоҳиса, муҳокимаву баррасии мавзӯъҳои муҳимтарин илми шарқшиносӣ ғанимат. Ҳайратовараш он буд, олимон бо забонҳои русӣ, тоҷикӣ ва ӯзбекӣ озодона сухан мегуфтанду ба тарҷумон ниёз надоштанд. Ҳама ҳамзабон набошанд ҳам, ҳамдил буданд.
Устод Турсунзода маҳфилро чунин оғоз карданд:  «Илм аст, ки ҷамъият торафт пеш меравад, ривоҷу равнақи он бошад, ба шумоён – ба пешоҳангони илм вобаста мебошад. Имрӯз дар ин лаҳзаҳои муборак ҳамчун мизбон дастро ба сина гузошта, хуш омадед, меҳмонони азиз мегӯям. Имрӯз барои ҳамаи мо боз як рӯзи фаромӯшнашаванда, ба сафи мо боз як олим ҳамроҳ шуд. Ҳамаи шумоёнро ба ҳамин муносибат табрик менамоям...
 Аз суханони самимии устод илҳом гирифта, шарқшиноси маъруф И. С. Брагинский чунин  гуфт: «Ба Бобоҷон Fафурович миннатдории худро изҳор мекунам, ки ба ин зиёфат маро таклиф кардааст. Ба ин меваҳои дар болои мизҳо нигоҳ кунед, чашмро канда наметавонед. Онҳоро нафақат хӯрдан, балки тамошо кардан ҳам, ба кас як олам завқу сурур мебахшад. Боварии кас намеояд, ки ҳамааш дар хоки Тоҷикистон  мерӯяд. Ба он боғбонон,   одамону раҳбарони  замини зархез  тасанною таҳсин мегӯям».   
 Шарқшиноси маъруфи дигар Дмитрий Семёнович Комиссаров   афзуд: «Ҳамаи гӯшаю канори Тоҷикистонро ман давр задаам. Аз ҳама манзураш бароям деҳаи Исфисор аст. Чунки ин деҳа мисли Fафуров алломаи бузурги давронро додааст, барои ин ба Тоҷикистон, мардуми он чи қадар таъзим кунем, месазад. Дӯст доштани Ватанро мо бояд аз ӯ ёд гирем. Ман бо таклифи Бобоҷон Fафурович дар шимолу ҷануби Тоҷикистон борҳо тарҷумонӣ кардаам».
Дар лаҳзаҳои охир устод ҳамчун мизбон ба ҳама барои иштирокашон арзи миннатдорӣ карданд. Ба ҳар кас бо забони худ – ба тоҷик тоҷикона, ба ӯзбек ӯзбекона, ба рус ҳамчун рус илтифот  намуданд. Лаҳзае анъанаҳои неки тоҷикиро фаромӯш намекарданд.
Аллома Бобоҷон Ғафуров баъди рафтани меҳмонон ба мо рӯ оварда гуфтанд, ки ин зиёфат не, балки муаррифии Ватанамон – Тоҷикистони азиз аст. Агар инҳо ҳама аз ин нишаст як лаҳзаашро дар ёд доранду ба дигарон нақл кунанд, чи қадар эътибори халқамон зиёд мешавад.
Аз ин гуфтаҳо бори дигар ба дурандешии Бобоҷон Ғафуров қоил шудам. Дар ҷузъитарин корҳои рӯзгор низ шаъну шарафи халқу диёр барояшон муқаддасу муқаддам буд. Ватандориро аз аллома бояд омӯхт, зеро ватандорӣ бувад оинадорӣ.
Ҳабибулло ХОЛҶӮРАЕВ,
директори Осорхонаи ҷумҳуриявии академик Бобоҷон Fафуров


Баёни ақида (0)    Санаи нашр: 07.06.2018    №: 114    Мутолиа карданд: 398

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед