logo

фарҳанг

КАПИТОЛИНА ҒАФУРОВА: "ДОМУЛЛО ТОҚИИ ХУДРО АЗИЗ МЕДОШТАНД"

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар китоби худ «Тоҷикон дар оинаи таърих» гуфтаанд: «Таърих оинаест, ки мо дар он мавқеи гузаштагонамонро дар масири таърих бо ҳама ҳашамат ва хорию зориаш дида, ба ҳусну қубҳи фаъолияту корбарии ӯ сарфаҳм рафта, ба ин восита қадаме ба сӯи хештаншиносӣ, худогоҳӣ ниҳода, бо дидаи ибрат дурнамои кишвару мардуми худро муайян карда метавонем».
Ин гуфтаҳо  ба тамоми қишри ҷомеа таконест баҳри худшиносӣ ва худогоҳӣ. Аз ҷумла, кормандони осорхонаҳоро бори дигар водор месозад, ки барои нигоҳ доштани мероси ниёгон, шахсиятҳои мондагор, арбобони сиёсиву давлатӣ, олимону нависандагон ва тарғибу ташвиқи онҳо ҷиддан машғул шуда, саъю кӯшиши хосса дошта бошанд. Чунки маҳз дар осорхонаҳо ёдгориҳои таъриху тамаддун ва аксҳою  осори шахсиятҳои мондагор ба имрӯзиёну ояндагон чун ёдгор маҳфуз дошта мешаванд.
Қобили тазаккур аст, ки барои пурракунии хазинаи осорхонаи таърихӣ - кишваршиносии вилояти Суғд директори он Абдураззоқ Қодиров соли 1987 аз сафари хидматӣ, аз шаҳри Маскав бастаеро бо табақчаҳои кандакории чӯбину биринҷӣ, садафи калон, дастпонаю сурмадон ва ду китоб: яке “Тоҷикон”- и Бобоҷон Ғафуров ва дигаре бо муқоваи ҷилоноки зебо бо хати ноошно аз ҳамсари Бобоҷон Ғафуров – Капитолина Ғафурова овард, ки онҳо мувофиқи васият ба ҳамдиёрон тақдим гардиданд. Тибқи нақша дар ҷевони шишагин намоиши “Туҳфаҳо аз академик Бобоҷон Ғафуров” омода сохтем ва дар ҷевон туҳфаҳоро тақсимбандӣ намудем. Аксари туҳфаҳо ба академик Бобоҷон Ғафуров, ки он замон ҳамчун ҷонишини раиси Кумитаи шӯравии ҳамбастагӣ бо мамолики Осиё ва Африқо оид ба ЮНЕСКО фаъолият дош-танд, тақдим гардидааст. Воқеан, Бобоҷон Ғафуров донишу неру, хираду истеъдоди худро ба таҳкими дӯстии халқҳои сайёра сарф кардааст. Хидматҳои ӯ дар ин ҷода бо медали тиллои Шӯрои умумиҷаҳонии сулҳ ва Ҷоизаи байналмилалии ба номи Ҷавоҳирлаъл Неҳру қадр гардидааст. Инчунин, Бобоҷон Ғафуров узви ифтихории чандин ҷамъиятҳои илмии хориҷӣ буда, сазовори ҷоизаҳои илмии байналмилалӣ шудааст. Бобоҷон Ғафуров дар Алҷазоир, Бирма, Сурия, Лубнон, Ироқ, Олмон, Амрико, Фаронса, Австрия, Ҷопон, Чехословакия, Англия, Фаластин ва ғайра дӯстони зиёд доштааст, зеро дар вақти раиси Кумитаи шӯравии “Шарқу Ғарб” будан, дар мавзӯи “Омӯзиши тамаддуни Осиёи Марказӣ” лоиҳаҳои муҳим пешниҳод карда, дар омӯзиш ва тарғиби фарҳанги ғании халқҳои ин кишварҳо саҳми беназир гузоштааст.
Моҳи сентябри соли 1957  Бобоҷон Ғафуров ҳайати вакилони шӯравиро дар Конгресси байналхалқии шарқшиносон дар Мюнхен (Олмон) сарварӣ намуд. Дар ин ҳамоиши сатҳи баланд ӯ аз зумраи нахустин олимоне буд, ки «Дар бораи сабабҳои пешравӣ ва инқирози Давлати Сомониён» маърӯзаи илмии бунёдӣ намуда, фарҳангу маданияти аҷдодии моро дар мисоли нахустин давлатдории миллии тоҷикон ва мероси пурғановати он ба ҷаҳониён равшан муаррифӣ намуд, ки варақаҳои конгресс санади муътамад аст. Ҳамчунин, дар осорхона ашёи шахсии Бобоҷон Ғафуров ба монанди ришгирак, айнак, асбоби хатнависӣ ва тоқии тоҷикӣ, дар маҷмӯъ ба миқдори 33 номгӯй маҳфуз мебошанд.
Воқеан, вақте баъди чанд моҳ Капитолина Ғафурова бо духтараш Нинел ба осорхона ташриф оварданд, бо дидани бахши “Туҳфаҳои Бобоҷон Ғафурув” ва тамошои армуғонҳои  он ниҳоят хурсанд шуданд. Чун навбат ба тоқӣ расид, Капитолина Ғафурова онро ба даст гирифта, ба чашм молид ва гуфт:
- Домулло тоқии худро азиз медоштанд ва доимо боло мегузоштанд. Хостам боре чорқат карда, байни либосҳо гузорам. Гуфтанд:  - Модарам мегуфтанд, ки тоқӣ ин давлат аст, онро бояд эҳтиёт кард. Бобоҷон Ғафуров бо ифтихор аз тоҷик будан, бо муҳаббати зиёд чун рамзи ҳувияти миллӣ ва ифтихор аз халқу Ватани хеш, ҳамеша тоқии тоҷикӣ дар сар мегаштанд. Инчунин, зимни сафарҳои хориҷӣ, мулоқотҳои расмӣ ва анҷуманҳои байналмилалии илмӣ ҳамеша тоқии тоҷикӣ бар сар мерафтанд ва мегуфтанд: «Ман намояндаи давлати Иттиҳоди Шӯравиям, аммо фарзанди тоҷикам, аз нажоди Рӯдакиву Фирдавсӣ, Синою Берунӣ ва Хоҷа Камолу Тошхоҷаи Асирӣ».
Ва имрӯз барои ҳар як фарди худогоҳу худшинос ниҳоят хушоянд аст, ки Пешвои муаззами миллат Эмомалӣ Раҳмон кору пайкори бузургони миллат, хоссатан муборизи пойдории сулҳу ваҳдат дар сайёра Бобоҷон Ғафуровро мояи ифтихор дониста, ҳама вақт қадршиносӣ менамоянд. Маҳз бузургдошти  бузургон аз ҷониби Сарвари давлат аст, ки фарзонафарзандони сарсупурдаи миллат чун раҳнамои имрӯзиён баҳри пойдории сулҳу ваҳдат ба таври фарогир муаррифӣ мешаванд.
Кибриёхон АТОЕВА,
номзади илмҳои филология, Аълочии фарҳанги Ҷумҳурии Тоҷикистон


Баёни ақида (0)    Санаи нашр: 07.06.2018    №: 114    Мутолиа карданд: 432

19.11.2019


Тасдиқи Тартиби кори шабакаи иттилоотӣ-телекоммуникатсионии интернет аз рӯи технологияи Wi-Fi

Мулоқоти Ҷамолиддин Нуралиев бо Ҷон Гинкел

Тақвияти ҳамкориҳои иқтисодӣ матраҳ гардид

Туҳфаи Рустами Эмомалӣ барои сокинони шаҳри Хоруғ

Панкратион. Паҳлавони тоҷик чемпиони ҷаҳон шуд

18.11.2019


Таҷлили Рӯзи Президент дар шаҳри Хоруғ

Ҷаласаи вазирони корҳои хориҷии Осиёи Марказӣ дар Тошканд

Масъалаи сармоягузории хориҷӣ ба низоми бонкии Тоҷикистон матраҳ гардид

Путин БРИКС - ро кафили суботи ҷаҳон номид

Чаро ИМА ва Корея машқҳои муштаракро мавқуф гузоштанд?

ХДУ ва СРУ дар вилояти Киев "яке аз сарони ДИ" - ро боздоштанд

Туркия 23 террористро ба Қирғизистон истирдод мекунад

Ҷаҳон дар як сатр

Ҷоми ҷаҳон дар Бразилия монд

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд


Дар сомонаҳои дигари Тоҷикистон хонед