logo

сиёсат

МУБАШАР ҶОВИД АКБАР: "РОҲБАРОНИ ГУМРОҲИ НАҲЗАТӢ ИМОНРО БА ЗУЛМ ТАБДИЛ ДОДААНД"

- Тоҷикистон бо терроризм муваффақона мубориза бурд, ғалаба кард ва мавҷи онро дар як давраи ҳассос барҳам дод. Мо бояд маънои ин дастовардро дарк карда, эътироф намоем, ки таҷрибаи нодири Президент ва давлати Тоҷикистон  дар фурӯ нишондани даргириҳои ду даҳсола пеш на фақат таъмини субот дар кишвар, балки наҷоти Осиёи Марказӣ аз ҳузури террористон ва пешгирии тавсеаи ифротгароӣ дар минтақа буд. Тоҷикистон пеши роҳи сироятёбиеро гирифт, ки метавонист Осиёи Марказиро мубтало карда, бо шарикони идеологӣ то баҳрҳои Хазару Сиёҳ ва Ироқу кишварҳои Левант доман занад.
Ин андешаи Мубашар Ҷовид Акбар, вазири давлатии корҳои хориҷии Ҷумҳурии Ҳиндустон аст, ки ишораи мустақим ба ҳаводиси хунини солҳои аввали Истиқлолияти давлатӣ дорад. Номбурда ин матлабро дар Конфронси байналмилалии сатҳи баланд дар мавзӯи «Муқовимат бо терроризм ва ифротгароии хушунатомез», ки 3 - 4 май бо ҳузури беш аз 400 намояндаи кишварҳои ҷаҳон ва созмонҳои байналмилалӣ дар шаҳри Душанбе баргузор гардид, баён намуд. Ин мақоми баландпоя дар идомаи суханронии худ аз иштирокчиён даъват ба амал овард, ки бояд дар мубориза бо терроризм мавқеи ягона ва қатъиро интихоб намоянд: «Мо бояд ба ҷонибдорони миссияҳои худкушӣ ва ҳимоятгарони бесарусомонӣ бо далерии эътиқодамон ҷавоб диҳем. Канорагирӣ, гузашт ва ҳатто овози паст дар муқобили терроризм ба манфиати кор нест. Иҷозат фармоед, бори дигар аз таҷрибаи мизбононамон, ки дар фикру рафтори худ равшании намунавӣ нишон доданд, мисол орам. Тоҷикистон фаъолияти ҳизби наҳзатро ҳамчун ташкилоти террористӣ бидуни шарт манъ кард. Идеологияи ин ҳизб зери мафҳуми «наҳзат» чӣ маъно дорад? Чун мусулмон ман ба зуҳури ислом бовар дорам, зеро он аз сӯи Худованд омадааст. Ин наҳзати қалбакӣ кори одамони гумроҳ  аст. Худованд исломро қосиди сулҳ кард. Аммо ин афроди ҷоҳил дини мубини Исломро ба силоҳи ҷанг табдил доданд. Роҳбарони гумроҳи наҳзатӣ имонро ба зулми одамони дигар дину эътиқод табдил додаанд».
Дар ҳоле ки вазъи кунунии минтақа ва ҷаҳон дар баробари таҳдиду хатарҳои терроризму ифротгароӣ, таҳияи роҳу усулҳои муборизаи самаранок алайҳи он дар конфронси сатҳи баланд матраҳ мешуд, Мубашар Ҷовид Акбар ҲНИТ - ро як неруи аҳриманӣ хонда ва гуфт: «Мо бояд Президент Эмомалӣ Раҳмон, неруҳои амниятӣ ва мардуми тоҷикро барои роҳ надодан ба табдилёбии чолиши хатарнок ба фоҷиаи идоранашаванда табрик намоем».
Ғолибан, вазири давлатии корҳои хориҷии Ҷумҳурии Ҳиндустон зери мафҳуми «фоҷиаи идоранашаванда» фаъолияти ҲНИТ - ро дар назар дошт, ки ҳамакнун эҳсоси хатари он ба марзҳои фаротар мерасад. Ҳарчанд мардум аз тахрибкориҳои аъзои ин ташкилоти террористӣ дар амри бесуботии кишвар ва ҷанги шаҳрвандӣ воқиф буданд, вале ҳаводиси хунини моҳи сентябри соли 2015 дар шаҳрҳои Душанбеву Ваҳдат чеҳраи аслии ин ҳизби мамнӯъро рӯшантар ва таваҷҷуҳи коршиносону таҳлилгарони хориҷиро ба худ кашид. Пажӯҳишҳо нишон доданд, ки ин ҳизб аз оғози фаъолияташ хислати иртиҷоӣ дошта, ба раванди инкишофи сиёсӣ, таҳкими принсипҳои демократӣ халал ворид менамояд. Бадтар аз ин, аъзои он зарфи 10 - 15 соли охир бар пояи нишондоди хоҷагони хориҷии худ батадриҷ дар ҷомеа фазои хурофотӣ ва таассуби диниро ба вуҷуд оварда, дар ниҳоят мехостанд, ки қудрати сиёсиро тариқи исёни мусаллаҳона ба даст оранд. Дар ҳамин асно, ниқоб аз рӯи наҳзатиҳо дарафтод ва робитаи мустақими онҳо бо гурӯҳҳои даҳшатафкани террористӣ бо далелҳои ошкор муайян шуд. Соле қабл рӯзномаи бонуфузи «Ал-Аҳром» - и Ҷумҳурии Мисри Араб ба фаъолиятҳои ҲНИТ мутаваҷҷеҳ шуда, навишта буд, ки «ҳизби наҳзат - ақидааш аз гурӯҳи «Ихвон - ул - муслимин» сарчашма мегирад, дурӯғ мегӯянд, бо дурӯғ нафас мегиранд». Муаллифи матлаб, дар робита ба масъалаи матраҳ, чунин таъкид карда буд: «ҲНИТ бо амалҳои нопоки худ мехост ақидаи тундгароиро дар минтақаи Осиёи Миёна паҳн намояд. Аммо ба зудӣ ниқоб аз рӯйи онҳо афтода, хокаи аслиашон ба ҳамагон маълум гашт.
Амри собитшуда аст, ки хадамоти ҷосусии баъзе кишварҳои хориҷӣ ба манзури бароварда сохтани аҳдофи ғаразноки худ, тавонистанд ин ташкилоти террористиро созмон дода, афроди хурофотию мазҳабиеро бо роҳи мағзшӯӣ ба он ҷалб созанд. Ин гумроҳон, ки қисме аз кишвар фирор намудаву дар хориҷи мамлакат ба суди бегонагон фаъолият менамоянд, омили аслии ҷанги шаҳрвандӣ буданд, ки ҳамакнун аз ҷониби сиёсатмадорон ва марказҳои таҳлилию пажӯҳишии кишварҳои зиёди ҷаҳон эътироф шудааст.
Воқеан, ихтисос ёфтани бахши аъзами суханронии Мубашар Ҷовид Акбар, вазири давлатии корҳои хориҷии Ҷумҳурии Ҳиндустон, ба унвони як дипломати сатҳи баланд оид ба терроризму ифротгароӣ дар мисоли ҲНИТ ҳушдорест барои ҷомеаҳои сулҳхоҳи олам, ки дар амри ҷилавгирӣ аз фаъолияти чунин ҳизбу ҳаракатҳои ифротӣ муттаҳид бошанд. Зеро таҷриба собит намудааст, ки фаъолияти чунин гурӯҳҳо, на танҳо рӯзгори халқу миллатҳои алоҳидаро тира месозанд, балки ба осоиши рӯзгори дигарон низ зарба мезананд.
«Ҷумҳурият»


Баёни ақида (6)    Санаи нашр: 08.06.2018    №: 115    Мутолиа карданд: 570

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД

ҶАҲОН ДАР ЯК САТР

17.02.2020


"РУШДИ ЧОРВОДОРӢ ВА ЧАРОГОҲҲО". ТАТБИҚИ ЗЕРЛОИҲАҲО

ШАҲРИНАВ. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ФАЪОЛИЯТИ 32 ГУРӮҲИ МУТАШАККИЛИ ҶИНОЯТӢ ҚАТЪ ГАРДИД

ҲАМКОРИҲО БО ШАРИКОНИ РУШД ТАҲКИМ МЕЁБАНД


Дар сомонаҳои дигари Тоҷикистон хонед