logo

иқтисод

САНОАТИ САБУК. РӮ БА РУШД

Саноати сабук соҳаи афзалиятноки иқтисоди Тоҷикистон ба ҳисоб меравад. Дар солҳои соҳибистиқлолии кишвар дар самти нассоҷӣ, қолинбофӣ, дӯзандагӣ, истеҳсоли мебел, коркарди пӯст ва ҷуроббофӣ иқтидорҳои нав ба фаъолият пардохта, як қатор корхонаҳои дигар аз нав таҷдид гардиданд. Афзалиятнокии саноати сабук ба дастрас будани ашёи хоми маҳаллӣ, вобастагӣ надоштан аз воридоти ашёи хом аз хориҷи кишвар, таъсиси шумораи зиёди ҷойҳои корӣ ва имконияти васеи бо маҳсулоти тайёр таъмин намудани аҳолӣ асоснок шудааст.
Ҳоло дар ҷумҳурӣ 18 корхонаи ресандагӣ бо иқтидори коркарди 80 ҳазор тонна нахи пахта дар як сол фаъолият доранд. Давоми чор моҳи соли равон корхонаҳои ресандагӣ 5,8 ҳазор тонна риштаи пахтагин истеҳсол намуданд, ки нисбат ба ҳамин давраи соли гузашта 437 тонна зиёд мебошад.
Бахши коркарди нахи пахта дар кишвар дар ҳамкорӣ бо шарикон ва сармоягузорони хориҷӣ сол то сол рушд намуда истодааст. Аз ҷумла, маҷмаи нассоҷии ҶСП «Ҷунтай – Данғара - Син Силу - Текстил» дар якҷоягӣ бо шарикони чинӣ фаъолият дорад. Соли 2016 навбати якуми фаъолияти он бо иштироки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оғоз ёфт. Ҳоло барои ба истифода додани  навбати дуюми истеҳсолоти ресандагии корхона корҳо идома доранд.
Корхонаҳои «ИИ Нассоҷии тоҷик», “Ҷавонӣ», “САТН», «Нассоҷи Хуҷанд», «Нику - Хуҷанд», «Ресандаи Қӯрғонтеппа» ва «Бофандаи Норак» коркарди пурраи нахи пахтаро ба роҳ монда, ришта ва матои пахтагин, маҳсулоти кешбофӣ ва дӯзандагӣ истеҳсол менамоянд.    
Самти фаъолияти корхонаҳои «Ваҳдат», «Нафиса» ва «Наврӯз» ба ҷӯроббофӣ равона гардида, аз аввали сол 2 миллион ҷуфт ҷӯроб истеҳсол кардаанд, ки дар қиёс ба ҳамин давраи соли гузашта 709 ҳазор ҷуфт зиёд аст. Ба наздикӣ дар заминаи ҶДММ «Ваҳдат» коргоҳи нав бо иқтидори солонаи рангубори беш аз 2000 тонна ришта ба кор шурӯъ кард. Он эҳтиёҷоти корхонаҳои ҷӯроббофии кишварро ҷиҳати рангубори риштаҳои пахтагин бароварда метавонад. Истеҳсоли риштаи рангкардашудаи пахтагин маҳсулоти ивазкунандаи воридот буда, ба содирот нигаронда шудааст.
Дӯзандагӣ бахши муҳими соҳаи саноати сабук ба ҳисоб рафта, дар корхонаҳои соҳа асосан дастгоҳҳои истеҳсоли ширкатҳои Ҷумҳурии Мардумии Чин, Кореяи Ҷанубӣ, Чехия, Олмон ва Федератсияи Русия васлу насб гардидаанд, ки ин ба баланд бардоштани сифати маҳсулот мусоидат менамояд. Тибқи маълумоти оморӣ, ҳаҷми истеҳсоли маҳсулоти дӯзандагӣ дар кишвар аз 111 миллион сомонии соли 2012 соли гузашта ба 203 миллион сомонӣ расонда шуд. Истеҳсоли маҳсулот тайи моҳҳои январ - апрели соли равон беш аз 90 миллион сомониро ташкил дод, ки нисбат ба ҳамин давраи соли сипаришуда 47 дарсад зиёд аст.
Шаҳзода Қаюмова, сардори раёсати саноати сабук ва пиллаи Вазорати саноат ва технологияҳои нави ҷумҳурӣ, гуфт, ки ҳоло истеҳсоли  либоси мактабӣ барои хонандагон яке аз вазифаҳои муҳими корхонаҳои дӯзандагӣ мебошад. Мувофиқи  маълумоти расмӣ, шумораи хонандагони муассисаҳои таҳсилоти умумӣ дар ҷумҳурӣ беш аз 1,9 миллион нафарро ташкил медиҳад ва истеҳсоли ҳамин миқдор либосҳои мактабӣ аз ҷониби корхонаҳои саноатии кишвар барои соли хониши 2018 - 2019 дар нақша аст. Аз аввали сол дар  корхонаҳои соҳа зиёда аз 74 ҳазор либоси мактабӣ истеҳсол гардидааст.
- Дар корхонаю коргоҳҳои соҳаи дӯзандагӣ маҳсулоти таъйиноти гуногун, аз қабили либосҳои низомӣ, кории махсус, мардонаю занона, мактабӣ, варзишӣ, рахти хоб, ҷиҳози нарм, хаймаҳои артишӣ, сумка, сарпӯш, парчам, чарчинворӣ, маҳсулоти ҳунарҳои нафисаи мардумӣ, ҷӯроб, қолин ва мебел истеҳсол карда мешаванд. Инҳо маҳсулоти воридотивазкунанда мебошанд, - гуфт Ш. Қаюмова.
Маҳсулоти корхонаҳои соҳа дар бозорҳои хориҷи кишвар низ мавқеи устувор пайдо намуда истодааст. Дар ин замина тӯли чор моҳи соли ҷорӣ ба маблағи беш аз 180 миллион сомонӣ маҳсулоти саноати сабук ба хориҷи кишвар содирот шудааст, ки дар қиёс ба ҳамин давраи соли гузашта 32 миллион сомонӣ зиёд мебошад.
Шаҳбоз АБРОР,
«Ҷумҳурият»


Баёни ақида (0)    Санаи нашр: 11.06.2018    №: 116    Мутолиа карданд: 310

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!

08.11.2018


ШАҲРИСТОН. Бунёди 68 иншооти нав

ГУЛИСТОН. Бунёди майдони Парчами давлатӣ ва навсозии кӯдакистони “Дилноз”

Вусъати созандагӣ дар ноҳияи Бобоҷон Ғафуров

ХУҶАНД. Ифтитоҳи маҷмааи фитнеси занона

НОҲИЯИ АБДУРАҲМОНИ ҶОМӢ. Муассисаҳои таълимӣ ба фасли сармо омодаанд

“АРБОБОНИ ИЛМИ ТОҶИК”

Бо хоҳиши Макрон вохӯрии муфассали Путин ва Трамп баргузор намешавад

Толибон нияти иштирок дар музокироти сулҳи Москваро доранд

Дар 40 соли ислоҳот савдои берунаи Чин 670 маротиба афзуд

Деҳлӣ ҳавои ифлосро бо борони сунъӣ тоза карданист

Ҷаҳон дар як сатр

МАРҲИЛАИ ИНТИХОБИИ ЧЕМПИОНАТИ ОСИЁ – 2020. Ҳарифони мунтахаби Тоҷикистон (U-23) муайян шуданд

07.11.2018


Маҷлиси тантанавӣ бахшида ба Рӯзи Конститутсия

Мулоқоти Рамазон Раҳимзода бо Абдулазиз ибни Сауд

Пулҳои миллӣ бо такмили унсурҳои ҳимоя


Дар сомонаҳои дигари Тоҷикистон хонед