logo

иҷтимоиёт

РӮЗГОРЕ БАРОИ ИБРАТ

Одатан, вақте инсон ба синни камолот мерасад, дар фурсатҳои муносиб гузаштаи худро пеши назар меорад. Дар ин маврид нахуст меандешад, ки чӣ гуна тавонист дар зиндагӣ ва фаъолияти меҳнатиаш муваффақ гардад. Албатта, дар он рӯзгори рафта устодон, ҳамкорону дӯстон дар интихоби роҳи дуруст ва такомули шахсӣ мусоидат кардаанд. Пас, мебояд аз онҳо сипосгузорӣ ва ба некӣ, бо зикри амалҳои шоистаашон ёд намуд.
Ҳолиё, ки мехоҳам дар бораи устоди маъруфу маҳбубамон шодравон Шарифов Ҳумдин Ҳасанович бинависам, танҳо ба ин хотир аст. Як инсони нотакрор, фидоии касбу соҳа, мушфиқу ғамхор ва дар навбати худ сахтгиру серталаб буд.
Бо таъйин шудани ӯ ба вазифаи раиси суди вилояти Кӯлоб ва баъдан  Хатлон кор дар ин мақомот ба маънии мусбаташ қариб тамоман маънӣ ва ранги дигар гирифт. Барои боло бурдани савияи дониши судяҳои суди вилоят ва шаҳру ноҳияҳо ҷиддӣ машғул шуд. Бо онҳо машғулиятҳои семинарӣ мегузаронд. Мавзӯъҳоро худаш аз қонунҳои амалкунанда, хусусан қонунҳое, ки дар фаъолияти судӣ истифода шуда, бар асари дуруст нафаҳмидан аҳён – аҳён аз ҷониби судяҳо вайрон карда мешуданд, интихоб менамуд. Ба ин мавзӯъҳо на танҳо маърузакунандагон, балки тамоми судяҳо бояд бо дарки масъулияти зиёд омодагӣ мегирифтанд. Ба ҳангоми ҷамъбаст, ҳаллу фасли масъалаҳо ва посух ба саволҳои мураккаб бештар дармеёфтем, ки ӯ воқеан дониши амиқу таҷрибаи кофӣ дар ин соҳа ва роҳбарӣ дорад. Бо ташаббуси бевоситаи ӯ дарсҳои омӯзиши забони русӣ ва форсӣ низ барои кормандон ба роҳ монда шуд. Ин ҳама самараи нек дод. Сатҳи дониши касбӣ ва забондонии судяҳо хеле баланд рафт. Парвардагони ин мактаби устоди зиндаёд М. Ватанов, М. Назаров, С. Пиров, Р. Тоиров, М. Азизова, А. Ғоибназаров ва даҳҳо судяҳои дигар бо дониши мукаммал ва фаъолияти чашмрас дар кишвар машҳуранду аз маҳбубияти хосса бархӯрдор.
Ҳар фазилати устод барои мо дарс ва намунаи ибрат маҳсуб мешуд. Поквиҷдон буд ва ин сифатро ба дигарон талқин ва ҳам аз онҳо талаб мекард. Андак бепарвоӣ, бемасъулиятӣ ва хунукназарӣ дар фаъолияти судиву муносибати инсониро хуш надошт. Дар ин ҳол чун мураббӣ дар тарбияи мо саҳми асосиро мегирифт. Ҳамаи парвандаҳоеро, ки мебоист ба тариқи зинаи аввал, кассатсионӣ ва назоратӣ ҳаллу фасл карда мешуданд, худаш бевосита меомӯхт, то ягон камбудӣ роҳ наёбаду қонуншиканӣ рух надиҳад.
 Амири нафси худ буд ва ба ками рӯзгор ҳам қаноат меварзид. Барои ҷамъ овардани дороӣ намеандешид. Дӯстони наздикаш ҳам аз зумраи муаллимон, духтурон ва одамони одӣ маҳсуб мешуданд. Карру фарро намеписандид ва аз зиёфатҳои пурдабдаба канора меҷуст.
Ба ҳеҷ кас имкон намедод, ки кормандашро беасос танқид кунад ва ё таҳдиду туҳмат намояд. Шарафи касбии судяҳоро ҳамеша ҳимоя мекард.
Таъкиди пайвастаашон ин буд, ки ҳақро пуштибон бошем ва дар иҷрои рисолати касбӣ аз ҳеҷ касу ҳеҷ чиз натарсем. Худ дар ин кор барои мо намунаи олӣ буд.
Агарчи ӯ имрӯз ҷисман дар миёни мо нест, аммо рӯҳан бо зикру ёди нек ҳамеша бо мост. Агарчи аз дидаҳо рафта бошад ҳам, аз дилҳо нарафтааст. Медонем, ки бо фаъолияти пурсамару чашмрас метавонем рӯҳи устодро шод бинамоем. Воқеан, марди асил, мураббии мушфиқу ғамхор бо марг намемирад, балки зиндагии тоза меёбад.
Давлатманд РАҲИМЗОДА,
судяи суди вилояти Хатлон


Баёни ақида (0)    Санаи нашр: 13.06.2018    №: 117    Мутолиа карданд: 292

16.08.2018


Рӯзноманигорони ӯзбек меҳмони Тоҷикистон

15.08.2018


ЛЕВАКАНТ. Пастравии сатҳи ҷинояткорӣ дар байни ноболиғон

БАЛҶУВОН. Бунёди 14 иншоот

САНОАТ ДАР НОҲИЯИ МИР САЙИД АЛИИ ҲАМАДОНӢ КОҲИШ МЕЁБАД,ЧАРО?

КИШОВАРЗӢ ДАР НОҲИЯИ ТЕМУРМАЛИК АФЗАЛИЯТ ДОРАД

14.08.2018


ТОҶИКИСТОН – ҚАЗОҚИСТОН. Нахустҷаласаи Шӯрои корӣ ва ҳамоиши соҳибкорон

МАҚОМОТИ СУДӢ ВА ВАО. Иқдоме барои таҳкими ҳамкориҳо

"ЗЕБОНИСО". Аввалин чемпиони Тоҷикистон оид ба футбол миёни бонувон

ММТ: "Беш аз 50 ҳазор довталаб донишҷӯ шуд"

10.08.2018


Қабули нусхаи Эътимоднома аз сафири Туркманистон

Ҷаласаи Шӯрои ИДМ оид ба сайёҳӣ оғоз ёфт

Ҷаласаи Шӯрои марказии Ҷамъияти ихтиёрии мусоидат ба артиши ИДМ

Ҳамоиши тиҷоратии соҳибкорони Тоҷикистону Қазоқистон

ХАТЛОН. Нахустин форуми тиҷорати маҳсулоти боғдорӣ доир гардид

СУҒД. 90 ҳазор сомонӣ барои ғолибони озмуни "Маҳаллаи беҳтарин"

Семинари муфид

09.08.2018


Туҳфаи ФФТ ба варзишгарони Хоруғ

МАОРИФ. Имконияти нав ба як гурӯҳ довталабон

КӮЛОБ. Истеҳсоли маҳсулоти кишоварзӣ афзудааст

Ғолибони ҷоизаи Зебунисо Рустамова муайян шуданд

07.08.2018


ДУШАНБЕ. Таъсиси ҷойҳои махсус барои забҳи чорво

Шӯрои сайёҳии давлатҳои аъзои ИДМ дар Душанбе

Пресс-тури рӯзноманигорони агентиҳои иттилоотии ИДМ

«Сомон Эйр». Роҳандозии парвозҳо ба самти Бухоро

Буҷети давлатӣ 2,4 миллиард сомонӣ афзуд

ММД. Афзоиши воқеии он 7,2 дарсадро ташкил дод

ММТ. “Пешномнависӣ” кори довталабро осон кард

Роҳхати 28 варзишгари дигар ба бозиҳои Осиё

06.08.2018


Вохӯрии Абдуҷаббор Раҳмонзода бо аҳли ҷомеаи Данғара

Аввалин гурӯҳи зоирони тоҷик ба Арабистони Саудӣ сафар кард

Душанбе. Ярмаркаҳои мактабӣ ташкил мешаванд

03.08.2018


Мулоқоти Абдуҷаббор Раҳмонзода бо сокинони шаҳри Кӯлоб

Боздиди Раҷаббой Аҳмадзода аз намоиши ҳунарҳои мардумӣ ва маҳсулоти кишоварзӣ

Ҷамъбасти Намоишгоҳи якмоҳаи ҳунарҳои мардумӣ дар Душанбе


Дар сомонаҳои дигари Тоҷикистон хонед