logo

иҷтимоиёт

НОҲИЯИ БОБОҶОН ҒАФУРОВ. ХИСТЕВАРЗ ОБОДТАР МЕШАВАД

Зиёда аз 7 ҳазор сокини маҳаллаи Баҳористони Ҷамоати деҳоти Хистеварзи ноҳияи Бобоҷон  Ғафуров бо оби тозаи ошомиданӣ таъмин шуд. Иқдоми мазкур дар доираи лоиҳаи “Рушди минтақаҳои кӯҳистон” роҳандозӣ гардид. То охири сол боз зиёда аз 12 ҳазор сокини маҳаллаҳои Чанор, Ҳавзаки Поён ва ба номи Фрунзеи ҷамоат бо оби мусаффои нӯшиданӣ таъмин хоҳад шуд.
Ба шарофати даврони соҳибистиқлолӣ ва талошҳои Асосгузори сулҳу ваҳдати миллӣ -  Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  мушкилии мардуми деҳот марҳила ба марҳила ҳаллу фасл мешавад. Амалишавии ниёзи як қисми мардуми деҳот ба оби ошомидании босифат ба соли оғози татбиқи Даҳсолаи байналмилалии амал "Об барои рушди устувор, солҳои 2018-2028", ки ташаббускораш Сарвари давлати Тоҷикистон мебошад, рост омад. Соҳаҳои асосӣ ва пешбарандаи Хистеварз кишоварзӣ, ҳунармандӣ, чорводорӣ ва тиҷоратанд. Ҷиҳати таъмини аҳолӣ бо ҷойҳои доимии кор ва коҳиш додани муҳоҷирати меҳнатӣ  ҳоло дар ҳудуди ҷамоат 1870 хоҷагии деҳқонӣ таъсис ёфта, ба парвариши сабзавоту зироати ғалладона, боғдорӣ ва токпарварӣ  машғул мебошанд. Таҷдиди хоҷагиҳои калони деҳқонӣ ва таъсиси коргоҳҳои хурди коркарди маҳсулоти кишоварзӣ шароит фароҳам овард, ки аҳолии Хистеварз дар баробари  пурра бо маҳсулоти озуқа таъмин намудани худ содироти онро ба роҳ монанд. Дар ин самт, бо назардошти он ки ноҳия дорои боғу токзори зиёд ва майдони ҳосилхези сабзавоту полизӣ мебошад, солҳои наздик татбиқи силсилаи лоиҳаҳо бо ҷалби сармоягузории ватаниву хориҷӣ оид ба бунёди коргоҳҳои хурду миёнаи коркарди маҳсулоти кишоварзӣ ва дар ин замина ҳаллу фасл кардани масъалаи таъмини бошандагони деҳа бо ҷойҳои нави корӣ тарҳрезӣ шудааст. 
Хистеварз дар озмуни ноҳиявӣ бахшида ба 25 - солагии Истиқлолияти давлатии Тоҷикистон миёни ҷамоатҳои деҳоти ноҳия бо иқдомҳои созандагиву ободкорӣ ғолиб омадааст ва ин раванд баҳри истиқболи сазовори 30 - солагии ин ҷашни бузурги миллат идома дорад. Соҳибкорони маҳаллӣ дар ободонии роҳу кӯчаҳо, бунёди иншооти дорои аҳамияти иқтисодиву иҷтимоӣ ва фарҳангӣ, умуман, рушди устувори ҷамоат саҳми арзанда доранд. Танҳо дар давоми моҳҳои сипаришудаи соли равон дар ҳудуди Хистеварз 1 толор ва 2 майдончаи варзишӣ мавриди баҳрабардорӣ қарор гирифта, як толори дигари варзишии ҷавобгӯй ба меъёрҳои байналмилалӣ дар арафаи Рӯзи Ваҳдати миллӣ ба истифода дода мешавад. Ҳоло таъмири  қасри фарҳанги ҷамоат, азнавсозӣ ва сохтмони биноҳои иловагии бозори марказӣ, коргоҳи дӯзандагӣ, маркази савдою тиҷорат аз ҷониби соҳибкорони маҳаллӣ ҷараён дорад.
- Президенти мамлакат муҳтарам Эмомалӣ Раҳмон дар мулоқот бо намояндагони ҷомеаи кишвар, ки дар арафаи фарорасии моҳи шарифи Рамазон доир шуд, аз соҳибкорони ватанӣ ҷиҳати бунёд ва таъмиру азнавсозии муассисаҳои томактабӣ, мактабҳои таҳсилоти умумӣ, марказҳои саломатӣ, бунгоҳҳои тиббӣ, майдончаҳои варзишӣ, китобхонаҳо, ҳаммомҳо бо сартарошхонаву кошонаи ҳусн даъват ба амал оварданд. Ин даъват соҳибкорони бонангу номуси деҳоти моро бетараф намегузорад. Соҳибкор Эминҷон Ҳакимов бо дарназардошти он ки аҳолии деҳа ба як ҳаммоми замонавӣ ниёз дорад, ба бунёди он иқдом намуд. Соҳибкор Муҳиддин Самадов бошад, калонтарин маркази савдоро бунёд мекунад, - бо қаноатмандӣ иброз медорад Бишарофат Раҳимова, раиси Ҷамоати деҳоти Хистеварз.
- Вазифаи ҷонӣ ва ҳаррӯзаи худро мо маҳз дар амалӣ намудани дастуру супориш, ҳидоятҳои хирадмандона ва иқдомҳои созандагию бунёдгароёнаи Пешвои муаззами миллат муҳтарам Эмомалӣ Раҳмон медонем ва дар талошем, ки ҳар гӯшаи Ватани маҳбубамон ободу зебо бошад. Ҳоло ба истиқболи Ҷашни 30 - солагии Истиқлолияти давлатии Тоҷикистон дар ҳамаи ҷамоатҳои шаҳраку деҳоти ноҳия 1300 рӯзи ободонию сабзкорӣ эълон гаштааст, - гуфт зимни суҳбат Зариф Назирӣ, раиси ноҳияи Бобоҷон Ғафуров.
Ҷовиди АШТӢ,  “Ҷумҳурият”


Баёни ақида (0)    Санаи нашр: 13.06.2018    №: 117    Мутолиа карданд: 292

18.12.2018


Баргузории барномаи фарҳангии «Сад ранги чакан»

Боздиди вазири корҳои дохилӣ аз дидбонгоҳҳои сарҳадӣ

Ифтитоҳи маркази ташхису табобат дар шаҳри Хоруғ

Душанбе шукӯҳи идона мегирад

ЛИГАИ ЧЕМПИОНҲО. Ҷараёни 1/8 финал

ҶАҲОН ДАР ЯК САТР

Сарвари низомиёни Покистон ҳукми қатли 15 террористро тасдиқ намуд

Соли 2018 дар дунё беш аз 110 журналист ба ҳалокат расид

Россия ва Чин ҷиҳати тағйирдиҳии атмосфера озмоиши муштарак гузаронданд

Дар Қазоқистон давоми 27 сол беш аз 130 миллион метри мураббаъ манзил сохтанд

17.12.2018


Баррасии масоили густариши ҳамкориҳо

Ҷамъбасти натиҷаҳои амалиёти «Кӯкнор – 2018»

Вохӯрии Имомуддин Сатторов бо Вячеслав Павловский

ХАТЛОН. Ифтитоҳи 32 бунгоҳи тиббӣ

ШУҒНОН. 2 муассисаи таълимии нав сохта шуд

НОҲИЯИ ШАМСИДДИНИ ШОҲИН. Сифати таълим беҳтар мегардад

Қариб 200 кишвар маҷмӯи қоидаҳои созишномаи Парижро ҷонибдорӣ кард

Надя Мурод бо маблағи ҷоизаи Нобел беморхона сохтанист

Масоили марз дар маркази таваҷҷуҳи сарони ҳукуматҳои Ӯзбекистону Қирғизистон

«Зардпӯшҳо» ба Фаронса Ђ10 миллиард зиён оварданд

Дар Россия теъдоди маҳбусон ба ҳадди таърихӣ коҳиш ёфт

14.12.2018


Масъалаи густариши ҳамкориҳо матраҳ гашт

Баргузории ҷаласаи Шӯро оид ба шарикии давлат ва бахши хусусӣ

Машварати сиёсии Тоҷикистону Олмон

Лукашенко: «Бозори Россия барои Беларус якумрӣ кифоят мекунад»

Вазири олмонӣ таҳримоти нави зиддирусиро нахост

Дар Сурия беш аз 30 ҳазор манзилро барқарор намуданд

Таҷлили 90-солагии нависандаи зиндаёд Чингиз Айтматов дар Қирғизистон

Ҷаҳон дар як сатр

Як вохӯрии муҳим

13.12.2018


Иштироки Азим Иброҳим дар Форуми ҳамкории Чин ва Осиёи Марказӣ

Шаҳри Душанбе бо музофоти Хайнан бародаршаҳр гардид

Вохӯрии Заробиддин Қосимӣ бо Абдулазиз ибни Абдулкарим ал-Исӣ

Мадуро вохӯриашро бо Путин таърихӣ унвон кард


Дар сомонаҳои дигари Тоҷикистон хонед