logo

иҷтимоиёт

ФАРҲАНГИ ШАҲРНИШИНӢ. НАБОЯД БЕТАРАФ БОШЕМ!

Мусаллам аст, ки пойтахти давлати тоҷикон маҳз даврони соҳибистиқлолии кишвар дар ҷаҳони муосир мақоми шоиста касб намуда, ба оламиён бо чеҳраи нав муаррифӣ гашт. Дар қатори дигар муваффақиятҳо ба наздикӣ шаҳри Душанбе, мувофиқи таҳқиқоти ширкати маъруфи «Mastercard», дар раддабандии (рейтинги) шаҳрҳои аз нигоҳи туризм ояндадор ҷойи аввалро соҳиб шуд. Дар асоси ин пажӯҳиш маҷаллаи сайёҳии «34 travel» 5 шаҳри аз лиҳози имконоти рушди  соҳаи сайёҳӣ ояндадор - Душанбе, София, Бухарест, Касабланка ва Бостонро беҳтарин донист.
Соли рушди сайёҳӣ ва ҳунарҳои мардумӣ эълон гардидани соли 2018 низ ба хотири дар ҷаҳон мавқеи баланд пайдо кардани пойтахти азизи мо ва дар он фароҳам овардани тамоми   имкониятҳои рушди сайёҳӣ мебошад.
Айни замон, дар шаҳри Душанбе раванди гузариш ба марҳилаи нави шаҳрдорӣ ва шаҳрнишинӣ бо тағйири фаъолияти баъзе аз соҳаҳои ҳаётан муҳими хоҷагидорӣ бомаром ҷараён дорад.
Хосса вусъати корҳои ободонӣ, ки рӯз ба рӯз пойтахт-ро ҳусни тоза мебахшад, нишон медиҳад, ки талошҳои Президенти кишвар муҳтарам Эмомалӣ Раҳмон ва роҳбарияти шаҳри Душанбе дар ин самт самари хуб ба бор меоваранд. Ин раванд аз ҳар сокини пойтахт ва масъулони сохтору идораҳои дахлдор тақозо менамояд, ки ба тозаву озода нигоҳ доштани кӯчаву маҳаллаҳо ва гирду атрофи коргоҳҳои хеш таваҷҷуҳи бештар зоҳир намуда, дар маҷмӯъ барои ободонии шаҳр саҳмгузор бошанд. Мутаассифона, на ҳама дар иҷрои ин амр масъулиятшиносанд. Ҳолатҳои зиёди беэҳтиромӣ ба арзишҳои миллӣ, ифлос кардани кӯчаю хиёбонҳо ва майдонҳо, халал расондан ба ҳаракати воситаҳои нақлиёт, дағалию бадмуомилагӣ дар нақлиёти мусофирбар ва ҷойҳои дигари ҷамъиятӣ, шикастану вайрон кардани таҷҳизоти иншооти навбунёди варзишӣ табъро хира месозанд. Ҳадаф аз қарори раиси шаҳри Душанбе оид ба таъсис додани гурӯҳи корӣ маҳз бартараф кардани камбудиҳои ҷойдошта ва риояи одоби шаҳрнишинӣ бо роҳи баргузор намудани вохӯриҳо ва семинар – тренингҳои тарғиботию ташвиқотӣ мебошад. Риояи фарҳанги либоспӯшӣ, пешгирии бегонапарастию гаравиши ҷавонон ба созмонҳои ифротгарою террористӣ, ҳифзи оилаҳо аз нашъамандӣ ва бемориҳои сироятӣ низ мавзӯъҳои муҳими вохӯриҳоанд. Ба ҳайати гурӯҳи таблиғотӣ намояндагони сохторҳои мақомоти иҷроияи ҳокимияти давлатӣ, вакилони маҳаллаҳо, арбобони фарҳанг ва фаъолони пойтахт шомиланд. Вохӯриҳо ҳафтае ду - се  маротиба бо сокинони шаҳраку маҳаллаҳо ва кормандони идораю корхонаҳои шаҳр баргузор мегарданд.
Шаҳри мо – Душанбе, дар ҳақиқат, ба шарофати истиқлолият, ваҳдати миллӣ, оромию дӯстӣ, ҳидоятҳои хирадмандонаи Сарвари давлат, иқдомоти шоистаи роҳбарияти шаҳр ва талошу бунёдгариҳои сокинони арҷманди он симои нав мегирад, ба шаҳри нуру зиё ва садоқат табдил меёбад. Дили кас мехоҳад, ки дар ин боғу хиёбонҳои гулрез шабу рӯз сайр кунад, фароғат намояду ҳаловат барад. Бинобар ин, ҳар яки мо бояд кӯшиш намоем, то ба номи сокини пойтахт сазовор бошем. Агар дар назди манзил ва кӯча норасоиеро бинем, пайи ислоҳаш кӯшем, аз ҷониби худ дар ҳалли он ташаббус нишон диҳем. Зеро ҳар меҳмони хориҷӣ, ки  Душанберо мебинад, аз рӯи он ба фарҳангу тамаддуни миллати тоҷик баҳо медиҳад. Маҳз аз ҳамин хотир ҳар яки мо бояд эҳсос намоем, ки дар сарсабзии ҳамешагии хонаи орзуву ормонҳоямон масъулем.
Наргис ШАРИФОВА,
сардори раёсати кор бо занон ва оилаи мақомоти иҷроияи ҳокимияти давлатии шаҳри Душанбе


Баёни ақида (0)    Санаи нашр: 14.06.2018    №: 118    Мутолиа карданд: 312

18.12.2018


Баргузории барномаи фарҳангии «Сад ранги чакан»

Боздиди вазири корҳои дохилӣ аз дидбонгоҳҳои сарҳадӣ

Ифтитоҳи маркази ташхису табобат дар шаҳри Хоруғ

Душанбе шукӯҳи идона мегирад

ЛИГАИ ЧЕМПИОНҲО. Ҷараёни 1/8 финал

ҶАҲОН ДАР ЯК САТР

Сарвари низомиёни Покистон ҳукми қатли 15 террористро тасдиқ намуд

Соли 2018 дар дунё беш аз 110 журналист ба ҳалокат расид

Россия ва Чин ҷиҳати тағйирдиҳии атмосфера озмоиши муштарак гузаронданд

Дар Қазоқистон давоми 27 сол беш аз 130 миллион метри мураббаъ манзил сохтанд

17.12.2018


Баррасии масоили густариши ҳамкориҳо

Ҷамъбасти натиҷаҳои амалиёти «Кӯкнор – 2018»

Вохӯрии Имомуддин Сатторов бо Вячеслав Павловский

ХАТЛОН. Ифтитоҳи 32 бунгоҳи тиббӣ

ШУҒНОН. 2 муассисаи таълимии нав сохта шуд

НОҲИЯИ ШАМСИДДИНИ ШОҲИН. Сифати таълим беҳтар мегардад

Қариб 200 кишвар маҷмӯи қоидаҳои созишномаи Парижро ҷонибдорӣ кард

Надя Мурод бо маблағи ҷоизаи Нобел беморхона сохтанист

Масоили марз дар маркази таваҷҷуҳи сарони ҳукуматҳои Ӯзбекистону Қирғизистон

«Зардпӯшҳо» ба Фаронса Ђ10 миллиард зиён оварданд

Дар Россия теъдоди маҳбусон ба ҳадди таърихӣ коҳиш ёфт

14.12.2018


Масъалаи густариши ҳамкориҳо матраҳ гашт

Баргузории ҷаласаи Шӯро оид ба шарикии давлат ва бахши хусусӣ

Машварати сиёсии Тоҷикистону Олмон

Лукашенко: «Бозори Россия барои Беларус якумрӣ кифоят мекунад»

Вазири олмонӣ таҳримоти нави зиддирусиро нахост

Дар Сурия беш аз 30 ҳазор манзилро барқарор намуданд

Таҷлили 90-солагии нависандаи зиндаёд Чингиз Айтматов дар Қирғизистон

Ҷаҳон дар як сатр

Як вохӯрии муҳим

13.12.2018


Иштироки Азим Иброҳим дар Форуми ҳамкории Чин ва Осиёи Марказӣ

Шаҳри Душанбе бо музофоти Хайнан бародаршаҳр гардид

Вохӯрии Заробиддин Қосимӣ бо Абдулазиз ибни Абдулкарим ал-Исӣ

Мадуро вохӯриашро бо Путин таърихӣ унвон кард


Дар сомонаҳои дигари Тоҷикистон хонед