logo

фарҳанг

ДӮСТИИ БОБОҶОН ҒАФУРОВ БО АҲРОР МУХТОРОВ

Ҳангоми мутолиаи китоби академик Аҳрор Мухторов «Академик Бобоҷон Ғафуров» («Ирфон», соли 1998) паҳлуҳои нав ба нави зиндагиномаи алломаи машриқзамин пеши назар меоянд. Ақл бовар намекунад, ки дар ниҳоди як шахс ин қадар илми ҷаҳонӣ, ин қадар ҳисси инсонӣ, ватандӯстиву содиқ будан ба Ватан ва аҷдодони худ - тоҷикон, самимият нисбат ба олимони ҷавон ҷой шуда бошанд. Мо инро дар мисоли яке аз шогирдон, доктори илми таърих, профессор, академики Академияи илмҳои Тоҷикистон Аҳрор Мухторов мебинем. Ӯ солҳои тӯлонӣ бо ин шахсияти бузург ҳамкорӣ карда, ҳамчун  шогирд ба воя расида, соҳиби обрӯю эътибор ва унвонҳои баланди илмӣ гаштааст.
Муаллиф дар китоби хотиравии худ «Академик Бобоҷон Ғафуров» дар боби «Бобоҷон Ғафуров ва унвони доктории ман»  навиштааст.
«… 26 моҳи май бо мақсади дифои рисолаи докторӣ ба Москва омада, дар меҳмонхонаи «Тоҷикистон» ҷой гирифтам. Худи ҳамон рӯз ба ҳузури Б.Ғафуров омадам. Баъди салому алейк ва аҳволпурсӣ, устод суол карданд, ки чӣ эҳтиёҷ доред? Ман гуфтам: «Муаллим! Шумо чунин мақоли халқиро хуб медонед: «Ё зангир девона аст ё аспгир». Ман  ҳам дар ҳамин ҳолатам. Намедонам, чӣ кор кунам. Аз як оппоненти расмии худ, ки Зариф Раҷабов мебошанд, хавф дорам. Он шахс ба ду кас ваъдаи оппонентӣ дода, дар рӯзи муайян наомадаанд. Ин дафъа ҳам шояд одати он кас «такрор» шавад».
Устод чизе нагуфта гӯшаки телефонро бардошта, ба Душанбе занг заданд. Ҳимоя дар рӯзи муайян бо иштироки оппонентон гузашт.
Қиссаи дигаре, ки мехоҳам ин ҷо айнан аз гуфтугӯи устоду шогирд, ки Аҳрор Мухторов дар  қисми «Қиссаи «Тоҷикон» навистаанд, мисоле оварам.
«… Баъди чопи «Тоҷикон» ба забони русӣ Б.Ғафуров қаноатманд нагардида, ба китоби худ  иловаҳо дароварда онро барои нашри тоҷикӣ тайёр мекарданд.
Дар ёд дорам, соли 1975 буд. Дар Москва, дар хонаи кории Бобоҷон Ғафуров нишаста мисли ҳарвақта суҳбат мекардем. Ногаҳон чеҳраи устод каме тағйир ёфт, суханашон  ҷиддӣ гашт ва ба ман муроҷиат намуда гуфтанд:
-Аҳрорҷон,  як илтимос.
Якчанд сония ба худ наомада андеша рондам, ки ин шахси бузург чӣ илтимосе аз  ман доранд?
- «Тоҷикон» ҳоло бо забони тоҷикӣ аз тарафи Абдуқодир Маниёзов тарҷума шуда истодааст. Ман  мехоҳам, ки Шумо муҳарририи онро ба зиммаи худ гиред.
Росташ, ин гуна илтимосро чашмдошт набудам. Танҳо ҳамин суханон ба забонам омаданд:
- Муаллим, магар ман аз уҳдаи ин кор баромада метавонам?
- Метавонед. Вазифаатонро омӯхта, пеш аз бозгашт ба Душанбе, маро дида равед,- гуфтанд устод.
Баъди як ҳафта суҳбати мо дар атрофи «Тоҷикон» давом кард. Ман пешниҳодҳои худро иброз доштам. Тақрибан  ҳамаи онро устод қабул карданд.
Ҳамин тавр китоби «Тоҷикон» дар тарҷумаи Абдуқодир Маниёзов ва Нусур Холмуҳаммадов ва муҳарририи Аҳрор Мухторов дар ҳаҷми ду китоб аз чоп баромад.
Аз ин навиштаҳо хулосае бояд баровард, ки Бобоҷон Ғафуров дар тарбияву ташаккул ёфтан  ва олими забардасту муаррихи нозукбаён гаштани академики Академияи илмҳои Тоҷикистон, доктори илми таърих, профессор Аҳрор Мухторов саҳми бузурге гузоштаанд. Ба зиммаи Аҳрор Мухторов  гузоштани муҳарририи китоби «Тоҷикон» нишон аз эҳтироми устод ба шогирди худ мебошад.
Сайфулло МАҲКАМОВ,
бойгоншинос, барандаи Ҷоизаи ба номи А. Лоҳутӣ


Баёни ақида (0)    Санаи нашр: 14.06.2018    №: 118    Мутолиа карданд: 279

16.08.2018


Рӯзноманигорони ӯзбек меҳмони Тоҷикистон

15.08.2018


ЛЕВАКАНТ. Пастравии сатҳи ҷинояткорӣ дар байни ноболиғон

БАЛҶУВОН. Бунёди 14 иншоот

САНОАТ ДАР НОҲИЯИ МИР САЙИД АЛИИ ҲАМАДОНӢ КОҲИШ МЕЁБАД,ЧАРО?

КИШОВАРЗӢ ДАР НОҲИЯИ ТЕМУРМАЛИК АФЗАЛИЯТ ДОРАД

14.08.2018


ТОҶИКИСТОН – ҚАЗОҚИСТОН. Нахустҷаласаи Шӯрои корӣ ва ҳамоиши соҳибкорон

МАҚОМОТИ СУДӢ ВА ВАО. Иқдоме барои таҳкими ҳамкориҳо

"ЗЕБОНИСО". Аввалин чемпиони Тоҷикистон оид ба футбол миёни бонувон

ММТ: "Беш аз 50 ҳазор довталаб донишҷӯ шуд"

10.08.2018


Қабули нусхаи Эътимоднома аз сафири Туркманистон

Ҷаласаи Шӯрои ИДМ оид ба сайёҳӣ оғоз ёфт

Ҷаласаи Шӯрои марказии Ҷамъияти ихтиёрии мусоидат ба артиши ИДМ

Ҳамоиши тиҷоратии соҳибкорони Тоҷикистону Қазоқистон

ХАТЛОН. Нахустин форуми тиҷорати маҳсулоти боғдорӣ доир гардид

СУҒД. 90 ҳазор сомонӣ барои ғолибони озмуни "Маҳаллаи беҳтарин"

Семинари муфид

09.08.2018


Туҳфаи ФФТ ба варзишгарони Хоруғ

МАОРИФ. Имконияти нав ба як гурӯҳ довталабон

КӮЛОБ. Истеҳсоли маҳсулоти кишоварзӣ афзудааст

Ғолибони ҷоизаи Зебунисо Рустамова муайян шуданд

07.08.2018


ДУШАНБЕ. Таъсиси ҷойҳои махсус барои забҳи чорво

Шӯрои сайёҳии давлатҳои аъзои ИДМ дар Душанбе

Пресс-тури рӯзноманигорони агентиҳои иттилоотии ИДМ

«Сомон Эйр». Роҳандозии парвозҳо ба самти Бухоро

Буҷети давлатӣ 2,4 миллиард сомонӣ афзуд

ММД. Афзоиши воқеии он 7,2 дарсадро ташкил дод

ММТ. “Пешномнависӣ” кори довталабро осон кард

Роҳхати 28 варзишгари дигар ба бозиҳои Осиё

06.08.2018


Вохӯрии Абдуҷаббор Раҳмонзода бо аҳли ҷомеаи Данғара

Аввалин гурӯҳи зоирони тоҷик ба Арабистони Саудӣ сафар кард

Душанбе. Ярмаркаҳои мактабӣ ташкил мешаванд

03.08.2018


Мулоқоти Абдуҷаббор Раҳмонзода бо сокинони шаҳри Кӯлоб

Боздиди Раҷаббой Аҳмадзода аз намоиши ҳунарҳои мардумӣ ва маҳсулоти кишоварзӣ

Ҷамъбасти Намоишгоҳи якмоҳаи ҳунарҳои мардумӣ дар Душанбе


Дар сомонаҳои дигари Тоҷикистон хонед