logo

иқтисод

ТАРБИЯИ ЭКОЛОГӢ. УСУЛИ МУАССИРТАРИНИ ҲИФЗИ ТАБИАТ

Ҳифзи муҳити зист дар замони тараққиёти илму техника, ки пайдо шудани ниёзҳои ҷадиди инсониро дар пай дорад, ба хотири халалдор нашудани тавозуни миёни табиат ва истифодабарандаи асосии он – одам муҳимияти амиқтар касб кардааст. Ҳоло барои сокинони Тоҷикистон ҳам дар баробари дигар бошандагони сайёра замоне фаро расидааст, ки дар ҳалли мушкилоти экологӣ ва бархӯрди шахсии дуруст бо табиат беш аз пеш фаъол бошанд, то Замини сарсабз барои ояндагон низ аз ҳама ҷиҳат қобили зист боқӣ монад. Раҳмоналӣ Тӯраев, корманди раёсати ҳифзи муҳити зисти вилояти Хатлон, доир ба ин масоил ба хабарнигори “Ҷумҳурият” чунин гуфт:
- Муболиға нест, агар бигӯем, ки ба тарбияи экологӣ фаро гирифтани сокинон рисолати ҳаррӯзаи мост. Тӯли панҷ моҳи соли ҷорӣ дар ҳамаи шаҳру навоҳии вилоят бо иштироки васеи аҳолӣ, кормандони соҳаҳои маориф, тандурустӣ, фарҳанг, хоҷагиҳои манзилию коммуналӣ ва муассисаю корхонаҳои дигар иқдомҳои “Тозагии маҳал”, “Тозагии соҳил” ва “Тозагии роҳҳо” баргузор гардиданд. Бо ширкати ихтиёрии беш аз 12 ҳазору 500 шаҳрванд аз маҳалҳо, соҳилҳо, канори роҳҳо ва партовгоҳҳо 7 ҳазору 350 мет-ри мукааб партов ба нуқтаҳои бехавф кашонда шуданд. Зимнан, дар доираи ҳамин иқдомот дар ҳамаи марказҳои маъмурии шаҳру навоҳии вилоят баҳри тозаю озода кардани биноҳои маъмурӣ ва хиёбону гулгаштҳо ҳашарҳои дастаҷамъона, дар боғи марказии фарҳангию фароғатии шаҳри Бохтар бо иштироки ҷавонону наврасон ва сокинони хоҳишманди маркази маъмурии вилоят маъракаҳои экологӣ-фарҳангӣ доир гардиданд. Мусаввараю гербарий, иншою мақола ва дигар маҳсули эҷоди беш аз 1200 иштирокдор аз ҷониби ҳакамони салоҳиятдор баҳои сазовор, ғолибон туҳфаҳои молӣ, ифтихорномаю сипоснома гирифтанд.
Мо бо ин комёбиҳо қаноатманд нашуда, ба хотири ба тарбияи экологӣ фаро гирифтани афроди бештар бо намояндагони воситаҳои ахбори оммаи вилоят ва ҷумҳурӣ, ки аз василаи пуриқтидори таъсиррасонӣ бархӯрдоранд, ҳамкории пайвастаи судмандро ба роҳ мондаем. 
Ҳамин тариқ, дар маҷмӯъ дар ин давра 51 озмуну машварати омӯзишӣ ва 27 намоиши экологӣ ташкил карда шуд. Ҷиҳати бо муҳтавои қонуну барномаҳои давлатии марбут ба ҳифзи муҳити зист шинос кардан ва бо ин васила боло бурдани сатҳи донишҳои экологӣ бо 1 ҳазору 563 наврасу ҷавон 528 вохӯрию суҳбати ҷудогона доир карда шуд. Мутмаинем, ки ин кӯшишҳои мо дар мавриди ба воя расондани инсонҳои табиатдӯст бенатиҷа нахоҳанд монд.
Мутаассифона, ҳоло ҳам нафароне ҳастанд, ки ба табиат муносибати фориғболона мекунанд. Ва чун самти дигари кори мо ошкор кардан ва ба ҷавобгарӣ кашидани ашхоси вайронкунандаи қонунгузориҳои марбут ба табиат аст, кормандони раёсат 1 ҳазору 378 санад ва 858 протокол тартиб дода, дар асоси онҳо 858 нафарро ба маблағи 129 ҳазору 400 сомонӣ ҷарима бастанд ва аз ин ҳисоб ба Буҷети давлат 122 ҳазору 200 сомонӣ ворид карданд.
Марбут ба дағалона вайрон кардани талаботу меъёрҳои экологӣ ва ба табиат расондани таъсири манфӣ дар 79 ҳолат 75 ҳазору 900 сомонӣ зарар муқаррар карда, ин маблағ ҳам пурра ситонда шуд.
Яқинан, ҳадаф ва салоҳи кор ин аст, ки мардум маърифати экологии дараҷаи зарурӣ дошта бошанд, вагарна аз таъйини ҷазо манфиат хеле кам аст. Биноан, бо истифода аз минбари рӯзномаи бонуфузи “Ҷумҳурият” шаҳрвандонро даъват мекунам, ки ба хонаи умумии мо – табиат боэҳтиёт муносибат кунанд ва ба қадри сарвати бебаҳои кишвар бирасанд.
Зокир ҲАСАН,
“Ҷумҳурият”


Баёни ақида (0)    Санаи нашр: 18.06.2018    №: 119    Мутолиа карданд: 362
26.11.2020


ВОХӮРИИ РУСТАМИ ЭМОМАЛӢ БО СЕРГЕЙ СОБЯНИН

НОҲИЯИ ТЕМУРМАЛИК. ТАРБИЯИ ИҶТИМОӢ ТАРБИЯИ МИЛЛАТ АСТ

СУҒД. ИТТИФОҚИ КОРГОҲҲОИ САНОАТИ САБУК ТАЪСИС ЁФТ

ДИЕГО МАРАДОНА . НОБИҒАИ ФУТБОЛ БА ДУНЁИ УЛВӢ ПАЙВАСТ

ДАР АФҒОНИСТОН АЗ ДУ ТАРКИШИ САХТ 17 НАФАР ҲАЛОК ГАШТ

ҶАҲОН ДАР ЯК САТР

25.11.2020


«ШАХСИЯТИ БУЗУРГИ ТАЪРИХСОЗ»

СУДИ ОЛИИ ИҚТИСОДӢ. ҲАМОИШИ ИДОНА БА ИФТИХОРИ ҶАШНИ МИЛЛӢ

ПАРЧАМИ ДАВЛАТӢ РАМЗИ БАХТУ САОДАТ

КФО. "ИСТИҚЛОЛ" 13 ЗИНА БОЛО РАФТ

ДАР ТОҶИКИСТОН ТЕЪДОДИ ШИФОЁБӢ АЗ COVID НАЗАР БА ГИРИФТОРӢ БЕШТАР ШУД

ҶАҲОН ДАР ЯК САТР

23.11.2020


НОҲИЯИ ФИРДАВСӢ. МУҚОВИМАТ БО КОРРУПСИЯРО ТАҲКИМ МЕБАХШАНД

ПУТИН АЗ МАНСУБИЯТИ КӮҲИСТОНИ ҚАРИЯБОҒ СУХАН КАРД

ҶАҲОН ДАР ЯК САТР

ЭРЛИНГ ҲОЛАНД "GOLDEN BOY" ШУД

ПАХТА. ИҶРОИ 97 ДАРСАДИ ДУРНАМО

НОҲИЯИ БОБОҶОН ҒАФУРОВ. НАҚШАИ ИСТЕҲСОЛИ ПАХТА БАРЗИЁД ИҶРО ШУД

БУҶЕТИ ДАВЛАТӢ – 2021. 27 МИЛЛИАРДУ 645,8 МИЛЛИОН СОМОНӢ ПЕШБИНӢ ГАРДИД

КӮЛОБ. ХӮРОК БАРОИ ДАРМОН АСТ, НА ЗИЁН

СУҒД. ДОРУҲОИ ПАСТСИФАТРО НОБУД КАРДАНД

АФШУРАИ АНОР АНГЕЗАИ COVID - РО ТО 80 ДАРСАД МАҲВ МЕКУНАД

«ТОҶИКИСТОН – 2020». ФОРУМИ БАЙНАЛМИЛАЛИИ САЙЁҲӢ

19.11.2020


ВАҲДАТ. ШАҲР ШУКУФТАН ДОРАД

16 – НОЯБР. ИН РӮЗРО ДАР СУДИ ОЛИИ ИҚТИСОДӢ БОТАНТАНА ҶАШН ГИРИФТАНД

НУРОБОД. 30-СОЛАГИИ ИСТИҚЛОЛИЯТРО САЗОВОР ИСТИҚБОЛ МЕГИРЕМ

18.11.2020


НОҲИЯИ СПИТАМЕН. НАҚШАИ ИСТЕҲСОЛИ ПАХТА 100,1 ДАРСАД ИҶРО ГАРДИД

ҶАЙҲУН. САРВАЗИР БА ДАСТРАНҶИ КИШОВАРЗОН БАҲОИ БАЛАНД ДОД

КӮЛОБ. БУНЁДИ МАЙДОНЧАИ ВАРЗИШ

ТАШРИФИ САРМОЯГУЗОРОНИ КОРЕЯ БА МОИ «КӮЛОБ»

ХИЗМАТИ ҲАРБӢ. НАҚШАИ ДАЪВАТИ ТИРАМОҲӢ ПЕШ АЗ МУҲЛАТ ИҶРО ШУД

ҶОИЗАИ НАВБАТИИ СИНАМОГАРОНИ ТОҶИК

ДЗЮДО

КИШВАРҲОИ ОСИЁ ОИД БА КАЛОНТАРИН ДАР ҶАҲОН МИНТАҚАИ ТИҶОРАТИ ОЗОД ПАЙМОН БАСТАНД

ҶАҲОН ДАР ЯК САТР


Дар сомонаҳои дигари Тоҷикистон хонед