logo

иҷтимоиёт

РАШТ. 120 МАЙДОНУ ТОЛОРИ ВАРЗИШ БУНЁД ХОҲАД ШУД

Варзиш як рукни муҳими тарзи ҳаёти солим ва яке аз воситаҳои беҳтарини муаррифӣ намудани давлат ва миллат дар арсаи байналмилалӣ мебошад. Ҳукумати Ҷумҳурии Тоҷикистон ҷиҳати ривоҷу равнақи ин соҳа таваҷҷуҳи хосса зоҳир намуда, маблағгузориро ба соҳаи тарбияи ҷисмонӣ ва варзиш сол ба сол беҳтар менамояд.
Дар ноҳияи Рашт масъалаҳои рушди варзиш, дастгирии варзишгарон, бунёду азнавсозии майдонҳои варзишӣ ва тарғиби тарзи ҳаёти солим байни наврасону ҷавонон дар меҳвари таваҷҷуҳи роҳбарияти ноҳия қарор доранд. Лоиқзода Қаноатшо Холиқ, раиси ноҳия, зимни суҳбат  бо хабарнигори «Ҷумҳурият»  андешаҳояшро дар ин маврид чунин баён намуд:
Боиси ифтихор ва сарфарозист, ки бо ҷаҳду талошҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар баробари пешрафти дигар соҳаҳои хоҷагии халқи Ватани азизамон соҳаи варзиш низ рушду такомул ёфта, барои варзишгарони тоҷик имконият фароҳам омадааст, ки дар мусобиқаҳои гуногуни  сатҳи байналмилалӣ Тоҷикистонро ба ҷаҳониён муаррифӣ намоянд.
Футбол аз маъмултарин ва сермухлистарин намудҳои варзиш ба ҳисоб меравад. Ин аст, ки дар зарфи солҳои Истиқлолияти давлатӣ бо дастгирии бевоситаи Пешвои муаззами миллат ин намуди варзиш босуръат рушд ёфта, насли ҷавон ба он ҳавасмандии хосса зоҳир менамояд.
Махсусан ташкил гардидани федератсияҳои футбол дар ҳамаи минтақаҳои ҷумҳурӣ барои боз ҳам рушду инкишофи ин намуди варзиш дар саросари кишвар заминаи мусоид фароҳам овард.  Дар ноҳияи мо «Барномаи  рушди футбол дар ноҳияи Рашт барои солҳои 2017 – 2021» таҳия ва бо қарори раиси ноҳия тасдиқ гардидааст, ки баҳри оммавигардонии футбол ва рушди он дар ноҳия нақши муассир гузошта истодааст.
Давоми як соли амалисозии барнома 28 мусобиқаи байнидеҳавӣ, 14 мусобиқаи ноҳиявӣ ва 3 мусобиқаи минтақавӣ оид ба футбол баргузор гардид.
Чанде пеш барои дарёфти Ҷоми вазири корҳои дохилии Ҷумҳурии Тоҷикистон мусобиқаи минтақавӣ оид ба футбол доир гардид, ки дар он 12 даста аз ноҳияҳои минтақаи Рашт ширкат варзиданд. Дастаи футболи ҷавонони ноҳия - «Рашт» дар  ин мусобиқа ҷойи аввал ва ҷомро ба даст овард.
Таваҷҷуҳи ҳамешагии Пешвои миллат аст, ки  дар саросари ҷумҳурӣ сохтмони толору майдончаҳои варзишӣ вусъат ёфта, сиҳатмандии ҷомеа, тарғиби тарзи солими ҳаёт ва оммавигардонии варзиш, бахусус футбол, аҳамияти хосса касб намудааст.
Мақомоти иҷроияи маҳаллии ҳокимияти давлатии ноҳия бо дарки масъулият масъалаи дастгирии ҷавонон ва рушди соҳаи варзишро дар меҳвари таваҷҷуҳи ҳамешагӣ қарор додааст. Танҳо тайи як соли охир 120 қарори раиси ноҳия оид ба ҷудо кардани қитъаи замин барои сохтмони толору майдончаҳои варзишӣ ба тасвиб расид, 33 майдончаи варзишӣ  мавриди истифодабарӣ қарор гирифта, бунёд ва азнавсозии 2 толору 87 майдончаи варзишӣ идома дорад. Майдони марказии ноҳия пурра аз таъмир бароварда, дар чор даромадгоҳи он дарвозаҳои оҳанин насб карда шуданд.
Бояд ёдовар шуд, ки дар баробари иқдомоти мақомоти иҷроияи маҳаллии ҳокимияти давлатӣ ташкилоту массисаҳо ва ҷамоатҳои шаҳраку деҳоти  ноҳия низ  ба рушди варзиш аҳамияти калон медиҳанд. Соҳибкорони саховатпеша варзишгарони дар мусобиқаҳои минтақавӣ ва ҷумҳуриявӣ ширкаткунандаро сарпарастӣ менамоянд, ҳамчунин, дар бунёду азнавсозии майдончаҳои варзишӣ саҳм мегузоранд.
Бунёди толору майдонҳои варзишӣ дар ҳар як маҳали аҳолинишини ноҳия, дастгирии варзишгарон ва ҳавасмандсозии онҳо аз як тараф ба оммавишавии варзиш ва ривоҷи тарзи солими ҳаёт мусоидат намояд, аз тарафи дигар дар тарбия намудани ҷавонони солиму ватандӯст нақши бориз хоҳад гузошт. Тавре мегӯянд, дар ҷисми солим рӯҳи солим ба воя мерасад.
Худодод ЗАЙНИДДИН,
«Ҷумҳурият»


Баёни ақида (0)    Санаи нашр: 18.06.2018    №: 119    Мутолиа карданд: 131

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед