logo

иҷтимоиёт

ШАҲРИСТОН. РУШД ДАР ФАЗОИ СУЛҲУ ВАҲДАТ

Соли 2020 ба таъсисёбии ноҳияи Шаҳристон 30 сол пур мешавад. Маҳз  ба шарофати соҳибистиқлолӣ ноҳия ободу зебо, иқтисодиёташ пешрав ва рӯзгори мардум беҳтар мешавад. Сокинони ин мавзеи кӯҳистони кишвар фардои диёри хешро рангину мусаффо мебинанд.

Бо бунёди иншооти зиёди дорои аҳамияти иқтисодиву иҷтимоӣ ва фарҳангӣ солҳои охир маркази ноҳия, воқеан, ба як маркази маъмурии муосир мубаддал гардидааст.  “Барномаи рушди иҷтимоию иқтисодии ноҳия барои солҳои 2016-2020” ва татбиқи дигар барномаҳои вилоятию кишварӣ шароит фароҳам оваранд, ки сол ба сол рушди иқтисодӣ ва иҷтимоии ноҳия вусъат ёбад. Ҳаҷми маҷмӯи  маҳсулоти дохилии ноҳия соли гузашта ба 223 миллиону 849 ҳазору 800 сомонӣ баробар шуд, ки дар қиёс ба соли қаблӣ 26 миллиону 306 ҳазор сомонӣ зиёд аст. Натиҷаи фаъолияти чор моҳи хоҷагии халқи ноҳия низ умедбахш аст:  маҷмӯи маҳсулоти дохилии ноҳия  21 миллиону 605 ҳазору 900 сомониро ташкил дод. Ва, табиист, ки ин пешравӣ ҷиҳати расидан ба ҳадафи асосии давлат ва Ҳукумати  Тоҷикистон -  зиндагии шоистаи аҳолии мамлакат мусоидат мекунанд.                             
Зиёда аз 70 дарсади неруи меҳнатии ноҳия дар соҳаи кишоварзӣ шуғл меварзанду ризқу рӯзӣ меёбанд. Истеҳсоли картошка, мева ва хӯроки чорво соҳаҳои асосии кишоварзианд.
- Дар мавсими имсола ҷиҳати боз ҳам зиёд кардани ҳаҷми истеҳсоли картошка, ки аҳамияти муҳими содиротӣ дошта, ба болоравии иқтисодиёти ноҳия такон бахшида метавонад, масоҳати кишти  он қариб ду маротиба васеъ карда, ба 1500 гектар расонда шуд, - мегӯяд Умарҷон Ёқубзода, раиси ноҳия. Агар парвариши он мутобиқи талаботи агротехникӣ роҳандозӣ ва сари вақт бо нуриҳои минераливу об таъмин карда шавад, аз ҳар гектар на  кам аз 300 - сентнерӣ ҳосил бардошта, истеҳсоли картошкаро то 50 ҳазор тонна расондан имконпазир аст.  Шаҳристон миёни аҳолии вилояту кишвар бо мева, хосса себҳои болаззату аз лиҳози экологӣ тозааш, машҳур гардидааст. Аз масоҳати умумии 958 гектар боғи мавҷуда 520 гектараш ҳосилдеҳ аст. Бори нахуст дар ноҳия дар масоҳати 8,5 гектар боғи интенсивӣ бунёд ёфт. Дар оянда  истеҳсоли себро то ба 1,5 - 2 ҳазор тонна расонда, аз ҳисоби фурӯши он ба минтақаҳои кишвар ва хориҷи он манфиати хуби иқтисодӣ бардоштан мумкин аст.
Мавқеи ҷуғрофии ноҳия барои рушди соҳаи чорводорӣ низ мусоидат мекунад. Бино ба иттилои Шавкат Бектӯраев, сардори раёсати кишоварзии ноҳия, солҳои охир саршумори чорвои калону майда меафзояд, наслгирӣ низ хуб ҷараён дорад. Истеҳсоли гӯшт, шир ва тухм дар ноҳия нисбат ба соли 2016 афзудааст. Имсол  наслгирӣ аз сад чорвои калони шохдор ба 39 - сарӣ ва чорвои майда ба 97 - сарӣ расонда шуд. Саршумори асп ба 206 сар расидааст. Бо афзоиши саршумори чорво дар ояндаи наздик бо ҷалби соҳибкорони ватанӣ  метавон коргоҳҳои хурди коркарди маҳсулоти ширу гӯштиро ба роҳ монд.
Айни ҳол дар ноҳия 7 корхонаи хурди саноатӣ фаъолият дорад.
-Тасмим гирифтаем, ки  солҳои наздик бо ҷалби соҳибкорон дар ҳудуди ноҳия як корхонаи калони истеҳсоли семент бунёд кунем, - иброз дошт раиси ноҳия. - Ҳоло ҳуҷҷатгузории ин лоиҳа идома дорад. Ҳам ҷои корӣ барои ҷавонони ноҳия пайдо мешаваду ҳам аз содироти маҳсулот ба минтақаҳои сарҳадии кишвари ҳамсоя манфиати хуби иқтисодӣ ба даст меояд. Пурра дастрас будани ашёи хом дар ҳудуди ноҳия бартарии ин лоиҳа аст. Ҳамчунин, бунёд намудани як силсила коргоҳҳои хурди истеҳсоли нӯшокиҳои ташнагишикан ва афшураи мева низ  дар назар аст. Ҳоло сохтмони корхонаи коркарди меваю сабзавот идома дорад.
Як  самти муҳими рушди ноҳия, бешубҳа, сайёҳӣ мебошад. Шаҳристон на танҳо бо табиати зебову нотакрор, майдонҳои нопайдоканор, анбӯҳи арчазорони сарсабз, ҷангали  пур аз ҳайвоноту парандаҳо, меваю гиёҳҳои шифобахш ва чашмаҳои мусаффо, балки, ҳамчунин, бо ёдгориҳои қадимии фарҳангию таърихии асрҳои IV - VIII милодӣ, аз қабили Қалъаи Қаҳқаҳа, кӯшкҳои Чилҳура ва Ӯртақӯрғон, Тирмизактеппа, аксҳои рӯи девори қалъа, бавижа акси модагург, ки ҷаҳониёнро тасхир кардааст, миёни сайёҳону муаррихон машҳур аст. Бовар аст, ки Соли рушди сайёҳӣ ва ҳунарҳои мардумӣ эълон шудани соли 2018 ба рушди бахши сайёҳӣ дар ноҳия такони тоза мебахшад. Ҳоло ба хотири бунёди заминаи боэътимоди сайёҳӣ  дар ноҳия  соҳибкорони  ватанӣ ҷалб шудаанд.
Тибқи “Барномаи рушди иқтисодӣ ва иҷтимоии ноҳия барои солҳои  2016-2020” бояд ҷиҳати рушди ҳамаи соҳоти ноҳия 96 лоиҳа бо маблағи 61 миллиону 496,1 ҳазор сомонӣ татбиқ шавад.
Мушкилии асосие, ки барои рушди картошкапарварию боғдорӣ монеа эҷод кардааст, басанда набудани оби полизист.Таъминот бо оби полизӣ дар ноҳия ҳамагӣ 22 дарсадро ташкил медиҳаду бас. Сарчашмаи асосии оби полизии ҳамаи  4 ҳазору 100 гектар замини обии ноҳия рӯди Шаҳристон аст, ки оби он ҳам ҳамасола тамоили коҳишёбӣ дорад. 20-30 сол қабл аз ин рӯд то 2 метри мукааб об ҷорӣ мешуд, ҳоло бошад, барои обёрии киштзори ҷамъиятиву аҳолӣ басанда нест.
- Бунёди обанбори замонавӣ бо ғунҷоиши 50 миллион метри мукааб об дар мавзеи Сабздараи деҳаи Ободӣ роҳи ягонаи ҳалли ин мушкилист, - таъкид менамояд Умарҷон Ёқубзода. - Инро дар Ҳукумати ҷумҳурӣ низ хуб медонанд ва дар ин самт бояд вақтҳои наздик лоиҳаи мукаммал  таҳия шавад. Бунёди обанбор имкон медиҳад, ки боз 3 ҳазор гектар заминҳои лалмӣ обёрӣ шуда, истеҳсоли картошкаю мева чандин маротиба афзоиш меёбад. Дурнамои рушди Шаҳристон ба бунёди ин обанбор иртиботи қавӣ дорад.
Сокинони ноҳияи кӯҳистони Шаҳристон чун дигар манотиқи мамлакат Ҷашни Ваҳдати миллӣ ва истиқрори сулҳро  бо рӯҳияи шодмонӣ ва шукргузорӣ аз даврони соҳибистиқлолӣ ва сипосмандии самимӣ аз талошҳои шабонарӯзии Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон барои муҳайё кардани фазои орому мусоид истиқбол мегиранд. Дар рӯзҳои тантанаи Рӯзи Ваҳдати миллӣ дар маркази ноҳия чун армуғони идона қасри фарҳанг бо 600 ҷои нишаст, биноҳои нави адлия, шуъбаи эҳёву ҷарроҳӣ ва парваришгоҳи наздимактабии ба номи Бойматов барои 50 наврас мавриди баҳрабардорӣ қарор мегиранд.
Ҷовиди АШТӢ, “Ҷумҳурият” 


Баёни ақида (0)    Санаи нашр: 18.06.2018    №: 119    Мутолиа карданд: 184

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед