logo

сиёсат

РОҲ БА СӮИ ВАҲДАТ

Як рӯзи мубораку муқаддас аст 27 июн, хосса 27 июни соли 1997. Дар ёд дорам, ки аз дами саҳарӣ Хуршеди оламоро сарзамини тоҷиконро ғарқи нуру зиё карда буд. Ман, ки он айём дар идораи барномаҳои иттилоотии Телевизиони Тоҷикистон фаъолият доштам, ҳар замон бесаброна хабару гузоришҳои нави аз шаҳри Маскав ба Душанбе расидаро гаштаю баргашта мехондам. Лаҳзаҳои хотирмону нотакрор буданд соатҳои пахши гузориши ба имзо расидани сулҳномаи тоҷикон дар шаҳри Маскав. Ҳама шодию хурсандӣ дошт ва ин рӯзи некро ба якдигар шодбош мегуфтанд. Охир, оқибат ақлу хирад ғолиб омад ва оташи ҷангу низои дохилӣ хомӯш гашт. Рӯзи аз шаҳри Маскав баргаштани ҳайати расмии ҳукуматӣ бо роҳбарии Сарвари давлат Эмомалӣ Раҳмон шаҳри Душанбе тӯй дошт. Аз дами саҳарӣ фурудгоҳи пойтахт моломоли одамон буд, ҳама шодию нишот доштанд. Табиат шарики ин хурсандиҳо буд. Инак, тайёра ҳам фуруд омад. Фурудгоҳ дар ин дам ғарқи гулдаста гашт. Ва ин вақт чеҳраи пурнури мунодии сулҳи тоҷикон муҳтарам Эмомалӣ Раҳмон дар миёни гулу гулдастаҳо медурахшид. Ӯ бо нигоҳу ҳисси баланди ифтихори миллӣ назди мардум омад.

Рӯзи дигар, 28 июн дар Телевизиони Тоҷикистон марафон барпо шуд, ки он аз соати 6-и субҳ то 24-и шаб идома ёфт. Аз дами субҳ пиру барно бо хоҳиши худ ба студия меомаданд. Зеро имзои сулҳномаи тоҷикон, расидан ба ваҳдати миллӣ умеду боварии мардумро ба ояндаю пирӯзиҳо қавӣ гардонд.
Албатта, ҳамаи ин сулҳу субот ва ваҳдати комил бо саъю кӯшиш ва ҷоннисориҳои фарзанди фарзонаи миллат Эмомалӣ Раҳмон ба даст омад. Ҳамин тавр, Сарвари давлат тавонист дар ҳаллу фасли мушкилоти низоъҳои дохилӣ, бозгашти фирориён намунаи баланди ҷасорату фидокорӣ нишон диҳад. Суханронии ӯ дар мавриди бозгашти фирориён самимӣ садо дода, ба қалби ҳазорон нафаре, ки бо амри тақдир берун аз хоки Тоҷикистон зиндагӣ доштанд, шуълаи умеду боварӣ бахшида, сабаби ба марзу буми хеш баргаштани ҳамватанон гардид.  
Ҷараёни бозгашти фирориёни иҷборӣ дар як муддати муайян ба вуқӯъ пайваста, Мардуми бозгашта бо замин, ҷои кору шароити зарурии зиндагӣ муҳайё гаштанд. Таҷрибаи бозгашти фирориён ба Ватан дар таърихи давлатдории тоҷикон воқеаи беназир ба шумор рафта, барои халқҳои дигар низ намунаи омӯзиш ва пайравӣ гардид. Сулҳу ваҳдат, ба Ватан баргардондани фирориён маҳз ба тариқи гуфтушунид ва бахшидани гуноҳҳои якдигар ҳаллу фасл шуд.
Мардуми тоҷик то имрӯз аз сафару боздидҳои Эмомалӣ Раҳмон дар шароити душвору ҷангии Афғонистон ёдовар мешаванд. Ба ҷасорату фидокориаш аз рӯзҳои нахустини фаъолият то ба имрӯз аҳсану офарин мехонанд. Он айём дар Афғонистон ҷангу низоъҳои дохилӣ ҳукмфармо буду касе амниятро кафолат намедод. Вале, Сарвари давлат аз роҳаш барнагашт, ҳарчанд ки аз ҷангу кашмакашҳои дохилии кишвари ҳамсоя хуб огоҳ буд. Ҷонашро ба гарав монда, бо мухолифин сари як дастархон нишаст. Бо ҷасорат, боварӣ изҳор дошт:
«Мо як мақсад дорем: дар Тоҷикистон барқарор кардани сулҳ ва салоҳ. Ман ҷони ҷавонамро ба гарав мемонаму аз ин роҳ барнамегардам».
 Оре, дар пешорӯи Ҷашни Ваҳдати миллӣ боз гаштаю баргашта аз хизматҳои арзишманд ва ҳам беназири Сарвари давлат ҳарф мезанем. Зеро барҳақ, маҳз муҳтарам Эмомалӣ Раҳмон дар таърихи давлатдорӣ чун сарвари оварандаи сулҳу ваҳдат шинохта шуд.
Бо ифтихор метавон гуфт, ки Тоҷикистони соҳибистиқлол бо сарварии ӯ дар сиёсати ҷаҳонӣ низ қадамҳои устувор мегузорад ва нақшаш дар ҳалли як қатор проблемаҳои ҷаҳонӣ хеле равшану возеҳ ба чашм мерасад. Пешвои миллат ваҳдату якпорчагии кишварро чун ҷашни арзандаи умумимиллӣ арзёбӣ карда, навиштааст:
«Таърих ибратомӯз аст ва Рӯзи ваҳдат ба мо ҳушдор медиҳад, ки аз хатоҳои гузашта хулоса барорем, ки имрӯз бо азми бунёдкорию созандагӣ пойдевори зиндагии фардоро гузорем ва ба қадри давлату давлатдории миллии худ бирасем ва ба наслҳои оянда кишвари ободу тараққикарда ва хуррамро ба мерос монем».
Ҳамин тавр, имзои сулҳномаи тоҷиконро метавон як зуҳуроти ақлу заковати миллати куҳанбунёди тоҷик номид, зеро дастоварди бузурги раванди сиёсӣ дар Тоҷикистон боз дар фаъолияти сулҳофаринии инсоният садсолаҳои дигар хидмат хоҳад намуд.
Маҷид САЛИМ, адиб


Баёни ақида (0)    Санаи нашр: 18.06.2018    №: 119    Мутолиа карданд: 57

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед