logo

иқтисод

НОМУСОИДИИ ОБУ ҲАВО. МУТАХАССИСОН ЧӢ МАСЛИҲАТ МЕДИҲАНД?

Тирамоҳу зимистон ва аввали баҳори соли ҷорӣ дар аксар минтақаҳои ҷумҳурӣ ҳаво номусоид омад. Омӯзишу таҳлили ҳолати имрӯзаи боғу ток ва навъҳои дигари зироат нишон медиҳад, ки бо тағйирёбии иқлим дар заминҳои кишоварзӣ намудҳои гуногуни касалӣ ва зараррасонҳо паҳн гардидаанд. Таббиист, ки чунин шароити ғайричашмдошту номусоид аз мутахассисони соҳа андешидани тадбирҳои муассиру саривақтиро тақозо менамояд. Қиёмиддин Ғаниев, сардори муассисаи давлатии муҳофизати рустаниҳо ва химикунонии кишоварзӣ, дар суҳбат бо хабарнигори рӯзнома андешаҳояшро дар ин бора чунин баён дошт:
- Албатта,  яке аз омилҳои муҳими баланд бардоштани ҳосилнокӣ ин муҳофизати боғу токзор ва дигар зироатҳои кишоварзӣ аз касалию зараррасонҳо мебошад. Бо ин мақсад имрӯзҳо ҳолати фитосанитарии кишти зироатҳои кишоварзӣ ва майдони боғу токзори шаҳру ноҳияҳои ҷумҳурӣ таҳти назорати мутахассисони соҳа қарор дорад. Омӯзиш ва таҳлилу мушоҳидаҳо нишон доданд, ки  дар дарахтони мевадиҳанда аз зараррасонҳо  - ширинчаи сабзи себ, сипарболакҳо, аз касалиҳо - пӯсиши хокистарранги мевагиҳо, монолиози донакдорон, доғзании сӯрохии барги донакдорон (клястероспориоз), ҷинҷзании баргҳои шафтолу, дар токзор кирми хӯшаи ангур ва антракноз (қарасон) паҳн шудаанд. Бинобар ин, тоза кардани пӯстлохи хушки танаи дарахт ва токи ангур зарур аст. Чунки манбаъҳои асосии зиёдшавии ҳашароти зараррасон ин зери пӯстлохи токи ангур ва дарахтон, ҳамчунин, зери хок ва алафҳои бегонаи боғу токзор мебошанд. Ин маконҳо барои пинҳон шудани зараррасонҳо ва зинда мондану тухм гузоштани онҳо мувофиқанд. 
Дар зироати пахта аз зараррасонҳо - ширинчаҳо (полизӣ, сиёҳи юнучқагӣ, калони пахтагӣ), трипс, кирми тирамоҳӣ, аз касалиҳо - пӯсиши реша, макроспориоз, гоммоз, дар ғалладона гамбусаки лалмӣ, шулук (лесаки барг), ширинчаҳо, касалии занги зард, дар сабзавоту полизиҳо - ширинчаҳо, трипс, кирми ғӯза, кирми тирамоҳӣ ва касалиҳои пойчаи сиёҳ, доғчаҳои бактериявӣ ва гардзании сафеди пиёз бо дараҷаҳои гуногун  мушоҳида шудаанд.
Олимону мутахассисон бар он назаранд, ки номусоид омадани боду ҳаво, яъне боришоти пай дар пай омили пайдоиши ҳашароти зараррасон ва ҳар гуна касалиҳо, махсусан замбӯруғӣ мегардад. Агар ҳаво сард меомад, зараррасонҳо аз хунукӣ нобуд мешуданд, яъне табиат  чунин ҳолатро танзим мекард. Аз ин лиҳоз, деҳқононро зарур аст, ки барои рафъи ин мушкилӣ тадбирҳои саривақтиро роҳандозӣ намуда, тавассути коркарди иловагӣ мавзеъҳои паҳншавии ҳашаротро бо заҳрхимикатҳо безарар гардонанд. Ин тадбир барои пешгирии сар задани ҳар гуна касалиҳо дар марҳилаи нашъунамои боғу токзор ва заминҳои полизӣ низ мусоидат хоҳад кард.  Мутахассисони муассиса бо назардошти вазъияти ба амал омада барои эмин нигоҳ доштани зироатҳои кишоварзӣ аз касалию зараррасонҳо ба кишоварзон тавсияҳои зеринро пешниҳод менамоянд:
1. Барои кам кардани намии хок - коркарди байни қаторҳо, барои устувор намудани зироатҳо - ғизодиҳӣ ва  истифодаи ҳашароти фоидаовар (трихограмма, габрабракон. тиллочашмак) - ро ба роҳ монанд.
2. Барои паст кардани дараҷаи зиёни зараррасонҳо аз заҳрдоруҳо истифода баранд. 
 Барои ба даст овардани ҳосили баланду босифат ва пешгирии саривақтии касалию зараррасонҳо ба кишоварзон тавсия дода мешавад, ки бо назардошти камборишии зимистони солҳои 2017 - 2018 ва боришоти зиёди баҳор корро ҷонноку дучанд намуда, ҳамаи чораҳои заруриро андешанд.
Матлубаи АБДУҚАҲҲОР, “Ҷумҳурият”


Баёни ақида (0)    Санаи нашр: 19.06.2018    №: 120    Мутолиа карданд: 329

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй


Дар сомонаҳои дигари Тоҷикистон хонед