logo

иқтисод

ОБ ВА РУШДИ ИҚТИСОД

Ҷумҳурии Тоҷикистон дар даврони соҳибистиқлолии хеш дар ҷаҳон ҳамчун кишвари пешоҳанг дар ҳалли масъалаҳои муҳими экологии сайёра, хусусан вобаста ба масъалаҳои марбут ба об, шинохта шудааст. Бунёди ин обрӯю эътибори байналмилалиро пешниҳодҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар бораи эълон намудани «Соли байналмилалии оби тоза, 2003», Даҳсолаи байналмилалии амалиёти «Об барои ҳаёт, солҳои 2005 - 2015»  «Соли байналмилалии ҳамкорӣ дар соҳаи об, соли 2013» ва ниҳоят Даҳсолаи байналмилалии амал «Об барои рушди устувор, солҳои 2018 - 2028», талошу такопӯҳои пайвастаи башардӯстонаи Тоҷикистон барои ҳалли мушкили доғи миллиардҳо сокини сайёра - масъалаи таъмини дастрасии аҳолӣ ба об, беҳдошт ва истифодаи оқилонаи захираҳои обӣ ташкил медиҳад.
Айни ҳол норасоии об ва истифодаи босамари захираҳои об дар миқёси ҷаҳон ба яке аз масъалаҳои ҳалталаби мубрами рӯз табдил ёфтааст ва ҳадаф аз роҳандозию  татбиқи Даҳсолаи байналмилалии амал «Об барои рушди устувор, солҳои 2018 - 2028» ҷалби таваҷҷуҳи ҷомеаи ҷаҳонӣ барои оқилона баҳрабардорӣ намудан аз захираҳои об ҳамчун асоси зиндагии инсон ва устувории иҷтимоию иқтисодӣ, ҳамчунин, вусъат бахшидани ҳамкорӣ ҷиҳати расидан ба Ҳадафҳои Рушди Устувори СММ мебошад. Президенти Тоҷикистон зимни суханронӣ дар чорабиниҳои сатҳи баланди байналмилалӣ зарурати таъмини аҳолӣ ба оби нӯшокӣ ва самаранокии истифодаи он, ҳифзи экосистемаҳои обӣ, идоракунии муштараки захираҳои об ва густариши  ҳамкорӣ дар соҳаи обро ҳамеша таъкид мекунанд.
Кишвари мо аз рӯйи захираҳои об дар минтақа ҷойи аввал ва дар ҷаҳон ҷойи намоёнро ишғол менамояд. Ҳаҷми солонаи истифодаи об дар ҷумҳурӣ барои эҳтиёҷоти хоҷагии халқ 8,9 миллиард метри мукаабро ташкил медиҳад, ки аз ин миқдор 6,85 миллиард метрии мукааб барои соҳаи кишоварзӣ, 1,4 миллиард барои саноат ва 0,5 миллиард барои эҳтиёҷоти коммуналию хизматрасонии маишӣ истифода мешавад. Барои марҳила ба марҳила беҳтар намудани таъминоти аҳолии Ҷумҳурии Тоҷикистон бо оби тозаи нӯшоӣ дар ҷумҳурӣ «Барномаи беҳтар кардани  таъминоти аҳолии Ҷумҳурии Тоҷикистон бо оби тозаи нӯшоӣ барои солҳои 2008 - 2020» қабул ва амалӣ шуда истодааст.  Назорати истифодабарӣ ва ҳифзи захираҳои обии ҷумҳурӣ, ки яке аз тадбирҳои аввалиндараҷа дар самти оқилона истифода бурдани об ба ҳисоб меравад, ба таври зарурӣ ба роҳ монда шудааст. Кумитаи ҳифзи муҳити зисти назди Ҳукумати Ҷумҳурии Тоҷикистон ҳамчун мақоми ваколатдор ҷиҳати татбиқи сиёсати ягонаи давлатӣ дар соҳаи ҳифзи муҳити зист, назорати давлатии истифода ва ҳифзи захираҳои об масъул мебошад. Барои амалӣ намудани талаботи қонунгузории ҷумҳурӣ дар самти ҳифзи захираҳои обӣ аз ҷониби кумита санадҳои зарурии меъёрии ҳуқуқӣ таҳия ва қабул карда шуданд. Аз ҷониби олимони муассисаи давлатии Маркази илмию тадқиқотии ҳифзи захираҳои оби кумита дар мувофиқа бо мақомоти дахлдори соҳа қоидаҳои ҳифзи захираҳои обҳои рӯизаминию зеризаминиро таҳия намудаанд, ки дар онҳо тарзи дурусти истифода бурдани об, номгӯйи чорабиниҳо барои ҳифз, масъулият ва ҷавобгариҳои пешбининамудаи қонунгузорӣ барои истифодаи ғайриоқилонаи захираҳои об пешбинӣ шудаанд.
Барои баланд бардоштани маърифати экологии аҳолӣ кумита ҳамасола аксияҳои «Тозагии соҳил» ва «Тозагии маҳал» - ро мегузаронад. Мақсад аз баргузории ин маъракаҳо  пешгирии ифлосшавии манбаъҳои обӣ ва беҳбудии вазъи муҳити зист буда, дар онҳо табақаҳои гуногуни аҳолии шаҳру ноҳияҳо, хонандагони мактабҳои таҳсилоти миёнаи умумӣ ва донишҷӯёни донишгоҳу донишкадаҳо фаъолона ширкат меварзанд. Дар чорабиниҳои аз аввали сол  доиршуда 10533 нафар шаҳрвандон иштирок намуда, 23,3 километр каналҳои магистралӣ, обанборҳо, соҳилҳои дарёҳо ва манбаъҳои дигари обиро тоза карданд ва аз соҳилҳо 176,1 метри мукааб партовҳоро ба ҷойҳои бехавф бароварданд.
Кормандони кумита дар панҷ моҳи соли равон барои назорати риояи талаботи Кодекси оби Ҷумҳурии Тоҷикистон, амалиардонии Барномаи давлатии экологӣ ва Консепсияи ҳифзи муҳити зист дар  миқёси ҷумҳурӣ 346 иншоотро мавриди санҷиш қарор доданд. Шахсони масъул барои ислоҳи камбудиҳои ошкоргашта 677 супориш гирифтанд. Барои риоя накардани талаботи Кодекси оби Ҷумҳурии Тоҷикистон нисбат ба 449 нафар шахсони алоҳида ва мансабдор протоколҳои ҳуқуқвайронкунии маъмурӣ ба маблағи умумии 65258 сомонӣ тартиб дода, аз он 44950 сомонӣ маблағ рӯёнда шуд.
Бо мақсади баланд бардоштани маърифати экологии аҳолии кишвар дар кумита нақшаи чорабиниҳо таҳия гардидааст, ки яке аз бандҳои он баргузории конфронсҳои илмию назариявӣ дар вазорату идораҳои ҷумҳурӣ пурра амалӣ шуд. Моҳи июни соли ҷорӣ бо ибтикори муштараки кумита ва мақомоти иҷроияи маҳаллии ҳокимияти давлатии ноҳияи Рӯдакӣ дар маркази ноҳия дар мавзӯи «Тоҷикистон – кишвари пешоҳангу ташаббускор оид ба татбиқи сиёсати байналмилалии об» конфронси илмӣ - назариявӣ баргузор гардид, ки дар он олимону мутахассисони Кумитаи ҳифзи муҳити зист, Вазорати энергетика ва захираҳои об ва муассисаи давлатии «Сарраёсати Тоҷикобдеҳот» доир ба масъалаҳои муҳими норасоии оби ошомиданӣ дар миқёси ҷаҳон, аҳамияти самаранок истифода бурдани захираҳои обӣ, назорати давлатии истифода ва ҳифзи захираҳои об дар ҷумҳурӣ ва баланд бардоштани маърифати экологӣ ба сокинони ноҳия маълумоти муфассал доданд.
Алъон тақвият бахшидан ба раванди татбиқи ҳадафҳои Даҳсолаи байналмилалии амал «Об барои рушди устувор, солҳои 2018-2028» ва боло бурдани нуфузу эътибори кишвар дар арсаи байналмилалӣ яке аз вазифаҳои ифтихорию масъулиятнок ва бахши муҳими фаъолияти кормандони Кумитаи ҳифзи муҳити зисти назди Ҳукумати Ҷумҳурии Тоҷикистон маҳсуб меёбад. 
С. АБДУРАҲМОНЗОДА,
муовини раиси Кумитаи ҳифзи муҳити зисти назди Ҳукумати Ҷумҳурии Тоҷикистон


Баёни ақида (0)    Санаи нашр: 19.06.2018    №: 120    Мутолиа карданд: 574
05.12.2020


 СААД ВОХӮРИИ НАМОЯНДАГОНИ ИДМ, СҲШ, САҲА, НАТО ВА ИТТИҲОДИ АВРУПОРО ПЕШНИҲОД НАМУД

 ДАР ДУНЁ МОҲЕ 30 МИЛЛИОН ВОЯИ «СПУТНИК V» МЕБАРОРАНД

ҲАМКОРИИ ИҚТИСОДИИ ЧИН ВА РОССИЯ БА ЗАРБАИ ПАНДЕМИЯ ТОБ ОВАРД

БАЛАНДТАРИН МАНОРАИ "АБУ-ДАБИ ПЛАЗА" - РО "ҚАЗОҚИСТОН" МЕНОМАНД

 ҶАҲОН ДАР ЯК САТР

30.11.2020


ВАО: БАЙДЕН БОРИ НАХУСТ ДАР ТАЪРИХИ ИНТИХОБОТИ ИМА 80 МИЛЛИОН ОВОЗ ГИРИФТ

ҶАҲОН ДАР ЯК САТР

ТАҒЙИРОТ БА ҚОНУН. МУТАХАССИСОН БО НАЗАРДОШТИ ТАЛАБОТИ БОЗОРИ МЕҲНАТ ОМОДА МЕГАРДАНД

26.11.2020


ВОХӮРИИ РУСТАМИ ЭМОМАЛӢ БО СЕРГЕЙ СОБЯНИН

НОҲИЯИ ТЕМУРМАЛИК. ТАРБИЯИ ИҶТИМОӢ ТАРБИЯИ МИЛЛАТ АСТ

СУҒД. ИТТИФОҚИ КОРГОҲҲОИ САНОАТИ САБУК ТАЪСИС ЁФТ

ДИЕГО МАРАДОНА . НОБИҒАИ ФУТБОЛ БА ДУНЁИ УЛВӢ ПАЙВАСТ

ДАР АФҒОНИСТОН АЗ ДУ ТАРКИШИ САХТ 17 НАФАР ҲАЛОК ГАШТ

ҶАҲОН ДАР ЯК САТР

25.11.2020


«ШАХСИЯТИ БУЗУРГИ ТАЪРИХСОЗ»

СУДИ ОЛИИ ИҚТИСОДӢ. ҲАМОИШИ ИДОНА БА ИФТИХОРИ ҶАШНИ МИЛЛӢ

ПАРЧАМИ ДАВЛАТӢ РАМЗИ БАХТУ САОДАТ

КФО. "ИСТИҚЛОЛ" 13 ЗИНА БОЛО РАФТ

ДАР ТОҶИКИСТОН ТЕЪДОДИ ШИФОЁБӢ АЗ COVID НАЗАР БА ГИРИФТОРӢ БЕШТАР ШУД

ҶАҲОН ДАР ЯК САТР

23.11.2020


НОҲИЯИ ФИРДАВСӢ. МУҚОВИМАТ БО КОРРУПСИЯРО ТАҲКИМ МЕБАХШАНД

ПУТИН АЗ МАНСУБИЯТИ КӮҲИСТОНИ ҚАРИЯБОҒ СУХАН КАРД

ҶАҲОН ДАР ЯК САТР

ЭРЛИНГ ҲОЛАНД "GOLDEN BOY" ШУД

ПАХТА. ИҶРОИ 97 ДАРСАДИ ДУРНАМО

НОҲИЯИ БОБОҶОН ҒАФУРОВ. НАҚШАИ ИСТЕҲСОЛИ ПАХТА БАРЗИЁД ИҶРО ШУД

БУҶЕТИ ДАВЛАТӢ – 2021. 27 МИЛЛИАРДУ 645,8 МИЛЛИОН СОМОНӢ ПЕШБИНӢ ГАРДИД

КӮЛОБ. ХӮРОК БАРОИ ДАРМОН АСТ, НА ЗИЁН

СУҒД. ДОРУҲОИ ПАСТСИФАТРО НОБУД КАРДАНД

АФШУРАИ АНОР АНГЕЗАИ COVID - РО ТО 80 ДАРСАД МАҲВ МЕКУНАД

«ТОҶИКИСТОН – 2020». ФОРУМИ БАЙНАЛМИЛАЛИИ САЙЁҲӢ

19.11.2020


ВАҲДАТ. ШАҲР ШУКУФТАН ДОРАД

16 – НОЯБР. ИН РӮЗРО ДАР СУДИ ОЛИИ ИҚТИСОДӢ БОТАНТАНА ҶАШН ГИРИФТАНД

НУРОБОД. 30-СОЛАГИИ ИСТИҚЛОЛИЯТРО САЗОВОР ИСТИҚБОЛ МЕГИРЕМ

18.11.2020


НОҲИЯИ СПИТАМЕН. НАҚШАИ ИСТЕҲСОЛИ ПАХТА 100,1 ДАРСАД ИҶРО ГАРДИД


Дар сомонаҳои дигари Тоҷикистон хонед