logo

суханрониҳо

Суханронии Эмомалӣ Раҳмон, Президенти Ҷумҳурии Тоҷикистон, дар нишасти матбуотӣ пас аз музокироти байнидавлатии Тоҷикистону Покистон, шаҳри Душанбе, 19 июни соли 2018

Муҳтарам намояндагони воситаҳои ахбори омма!
Хонумҳо ва ҷанобон!
Нахуст, бори дигар ташрифи Ҷаноби Олӣ Мамнун Ҳусейн, Президенти Ҷумҳурии Исломии Покистон ва ҳайати ҳамроҳашро ба Тоҷикистон хайрамақдам мегӯям.
 Ҷумҳурии Исломии Покистон дар сафи шарикони калидии мо қарор дорад. Мо аз раванди рушдёбандаи тамосҳои сиёсии Тоҷикистон ва Покистон, аз ҷумла дар сатҳи олӣ, изҳори қаноатмандӣ менамоем.
Музокироти имрӯзаи мо дар фазои барои муносибатҳои ду кишвар хосси ҳамдигарфаҳмии пурра, созандагӣ ва ҳусни эътимоди комил доир гаштанд. Боварии комил дорам, ки натиҷаҳои сафари расмии Президенти муҳтарами Ҷумҳурии Исломии Покистон ба робитаҳои дуҷонибаи кишварҳои ба ҳам дӯсти мо неруи нав бахшида, омили густариши бештари маҷмӯи ҳамкориҳои тарафҳоро ташкил хоҳанд дод.
Ҳар ду ҷониб бар онанд, ки ҳамкории фарогиру созандаи тарафҳо дар соҳаҳои сиёсиву низомӣ, иқтисодиву тиҷоратӣ ва гуманитариву фарҳангӣ ҷавобгӯи манфиатҳои милливу дарозмуддати ду кишвар буда, ба густариши ҳамгироии минтақавӣ ва таҳкими сулҳу субот дар минтақаи фарохи Осиёи Марказию Ҷанубӣ мусоидат менамояд.
 Бо ибрози алоқамандӣ ба тавсеаи робитаҳои иқтисодӣ мо аҳамияти Комиссияи муштараки байниҳукуматиро махсусан таъкид намудем. Аз ҳисоби фаъолияти самарабахши комиссия боз ҳам ғанитар гардондани мазмуну муҳтавои ҳамкориҳои мо дар ин арса амри муҳим дониста шуд.
Дар ин зимн афзоиш додани ҳаҷми савдои хориҷии байни ду кишвар то ба 500 миллион доллари амрикоӣ дар меҳвари гуфтушуниди ҷонибҳо қарор дошт. Мо изҳори умед намудем, ки доираҳои соҳибкорӣ ва сармоягузории Покистон дар татбиқи лоиҳаҳои бузургу миёнаи кишвари мо иштироки судманд хоҳанд кард.
Мо омодаем, ки ҷиҳати ҳамкориҳои ҷонибҳо, алалхусус дар татбиқи барномаҳои рушди саноат, энергетика, инфрасохтори энергетикию нақлиётӣ, туризм, маориф ва тандурустӣ, шароити мусоид фароҳам орем.
Тоҷикистон ҳамчун кишвари маҳсур бо хушкӣ бори дигар алоқамандии худро ба истифодаи имкониятҳои бандарҳои баҳрии Покистон ва шабакаҳои мавҷудаи транзитии он барои тавсеаи тиҷорати минтақавӣ иброз дошт. Дар ин замина, зарурати барқарор кардани хатсайрҳои ҳавоӣ низ мавриди баррасӣ қарор дошт.
Айни замон дар Тоҷикистон дар соҳаи энергетика якчанд лоиҳаҳо амалӣ шуда истодаанд, ки имкониятҳои густариши ҳамкориҳои моро дар ин ҷода афзун мегардонанд. Дар ин росто оғози ҳарчи зудтари татбиқи яке аз лоиҳаҳои муҳими дорои аҳамияти минтақавӣ – CASA – 1000 махсус таъкид гардид.
Ҳар ду ҷониб ба мавзӯоти густариши ҳамкории фарҳангию башарӣ низ таваҷҷуҳи хосса зоҳир намуд. Мо ба дурнамои неки робитаҳоямон дар соҳаҳои маорифу фарҳанг, тандурустӣ ва тавсеаи ҳамкориҳои илмию техникӣ ишора кардем.
Дар ҷараёни музокирот атрофи доираи васеи масъалаҳои умдаи минтақавию байналмилалӣ мубодилаи афкори судманд сурат гирифт. Дар ин иртибот, ба мавзӯи густариши ҳамкориҳои бисёрҷониба ва рушду такомули онҳо, аз ҷумла дар чаҳорчӯбаи Созмони Милали Муттаҳид, созмонҳои ҳамкории Шанхай, ҳамкории исломӣ ва ҳамкории иқтисодӣ, таваҷҷуҳи хос зоҳир карда шуд.
Ба эътидол овардани вазъи Афғонистон ва истиқрори сулҳу суботи комил дар ин кишвари ҳамсоя яке аз мавзӯъҳои меҳварии музокироти мо буд. Ба манзури мусоидат ба ин раванд, мо тасмим гирифтем, ки ҳамоҳангию ҳамкории дуҷонибаву бисёрҷонибаро таҳкими бештар бахшем.
Ҳамчунин, масъалаҳои муборизаи муассир алайҳи терроризму ифротгароӣ, қочоқи маводи мухаддир ва ҷинояткории муташаккили фаромиллӣ, ки ба амнияти ҳар ду кишвар ва тамоми минтақа хатар эҷод месозанд, дар маркази диққати мо қарор доштанд.
Масъалаҳои таҳкими суботи минтақавӣ, мубориза алайҳи таҳдиду хатарҳои глобалӣ имрӯз ҷавҳари ҳамшарикии кишварҳои моро дар соҳаи амният ташкил медиҳанд. Мо сари он қарор омадем, ки ҳамкориҳои судмандамонро дар ин арса таҳким бахшида, пеш барем.
Ҷониби Тоҷикистон аз натиҷаҳои музокироти имрӯза бо Ҷаноби Олӣ Мамнун Ҳусейн изҳори қаноатмандӣ намуда, муҳим арзёбӣ менамояд.


Баёни ақида (0)    Санаи нашр: 19.06.2018    №: 120    Мутолиа карданд: 1578

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед