logo

ҳукумат

Кумитаи забон ва истилоҳот таъсис дода шуд

30 октябр таҳти раёсати Президенти Ҷумҳурии Тоҷикистон, Раиси Ҳукумати мамлакат Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор гашт, ки дар  он наздики 50 масъалаи муҳим баррасӣ шуд.

Дар маҷлиси навбатии Ҳукумати Ҷумҳурии Тоҷикистон  нахуст Нишондиҳандаҳои дурнамои рушди иҷтимоию иқтисодии Ҷумҳурии Тоҷикистон барои солҳои 2010-2012 маъқул дониста шуданд.
Мутобиқи ин санад  маҷмӯи маҳсулоти дохилӣ барои соли 2010 бо нархҳои дурнамо ба андозаи 24 миллиарду 500 миллион сомонӣ ва барои солҳои 2011 ва 2012 мутаносибан 29 миллиарду 400 миллион ва 35 миллиарду 280 миллион сомонӣ пешбинӣ шудааст.
Суръати рушди иқтисодиёт бо нархҳои муқоисавӣ барои солҳои 2010, 2011 ва 2012 мутаносибан ба андозаи 5%, 6,5 ва 7% пешбинӣ гардидааст.
Иттилоъ дода шуд, ки соли равон ҳаҷми  маҷмӯи маҳсулоти дохилӣ бояд ба 21,2 миллиард сомонӣ расад ва суръати солонаи афзоиш 3% ва таваррум 8% - ро ташкил диҳад.
Сипас Барномаи рушди соҳаи пахтакорӣ дар Ҷумҳурии Тоҷикистон барои солҳои 2010-2014 ва Барномаи миллии пешгирӣ, ташхис ва табобати бемориҳои саратон дар Ҷумҳурии Тоҷикистон барои солҳои 2010-2015 муҳокима ва тасдиқ карда шуданд.
Тибқи барномаи якум майдони кишти пахта то соли 2014 дар ҳаҷми 200 ҳазор гектар нигоҳ дошта мешавад ва ҳосилнокии миёнаи он бо истифода аз агротехникаи пешқадам ва такмили системаи обёриву мелиоративӣ то 30 - сентнерӣ аз ҳар гектар бояд расонда шавад. Чунин ҳаҷми истеҳсолот ҳамчунин метавонад эҳтиёҷоти барномаи коркарди пурраи пахтаи Тоҷикистонро, ки барои давраи то соли 2015 қабул шудааст, таъмин намояд.
Раиси Вилояти Мухтори Кӯҳистони Бадахшон Қодири Қосим оид ба рафти иҷрои «Нақшаи чорабиниҳо баҳри таъмини иҷрои дастуру супоришҳои Президенти Ҷумҳурии Тоҷикистон, ки ҳангоми сафари корӣ ба шаҳри Хоруғ, ноҳияҳои Ванҷ, Рӯшон, Ишкошим ва Роштқалъа  рӯзҳои 18-20 - уми моҳи июли соли 2008 дода шуда буданд, ҳисобот дод.
Иттилоъ дода шуд, ки аз 61 банди нақшаи мазкур 10 – тоаш то имрӯз пурра иҷро шудааст ва татбиқи амалии дигар бандҳо муташаккилона идома дорад. Ҳоло мутобиқи ин нақша дар вилоят 131 адад иншооти муҳими иҷтимоию иқтисодӣ, аз ҷумла мактабу литсей, беморхонаю бунгоҳҳои тиббӣ, марказҳои фарҳангӣ, варзишгоҳҳо, биноҳои маъмурӣ, корхонаҳои саноатӣ, нерӯгоҳҳои хурди обӣ ва ғайра бунёд меёбанд, ки маблағи умумии сохтмони онҳо 130 миллион сомониро ташкил медиҳад.
Тибқи нақша танҳо соли 2009 дар Вилояти Мухтори Кӯҳистони Бадахшон 31 мактаби нави замонавӣ сохта, ба истифода дода мешавад, ки сохтмони 20- тоаш аллакай бо маблағгузории Ҳукумати мамлакат ба итмом расидааст.
Ғайр аз ин дар қаламрави вилояти мазкур бо маблағи зиёда аз 130 миллион доллари амрикоӣ лоиҳаҳои инвеститсионӣ амалӣ мешаванд, ки ҳамаи ин тадбирҳо ба рушди рӯзмарраи минтақаҳои Кӯҳистони Бадахшон мусоидат намуда, боиси болоравии некӯаҳволии мардум мегардад. Танҳо соли равон дар вилоят 265 гектар замини нав аз худ карда мешавад ва минбаъд мутобиқи нақшаи мазкур ҳар сол на камтар аз 300 гектар замини ташналаб шодоб мегардад.
Сардори давлат Эмомалӣ Раҳмон оид ба баланд бардоштани суръат ва сифати корҳои сохтмонӣ дар ҳамаи иншоот, тезондани навсозии роҳҳои мошингарди шаҳри Хоруғ, таҷдиди варзишгоҳи марказии он, омода кардани лоиҳаи нерӯгоҳи обии Санобод, бунёди корхонаҳои коркарди сангҳои қиматбаҳою ороишӣ, пашму пӯст, меваю сабзавот ва умуман иҷрои пурраи нақшаи чорабиниҳои мазкур ба масъулин дастуру ҳидоятҳо дод.
Дар маҷлиси Ҳукумати мамлакат ҳамчунин ҳисоботи раиси ноҳияи Хуросони вилояти Хатлон Ҷаббор Самадов оид ба бартараф намудани оқибатҳои офати табиат дар Ҷамоати деҳоти Айнӣ шунида шуд.
Хотиррасон гардид, ки рӯзҳои 21 ва 22 апрел ва 14 майи  соли равон дар натиҷаи боришоти зиёд ва омадани сел дар ин ҷо 132 хона пурра ва 97 - тои дигар қисман хароб гашта, 340 оила ё худ 1667 нафар бе сарпаноҳ монда буд.
Зикр гардид, ки дар натиҷаи амалӣ гаштани супоришҳои ғамхоронаи Президенти Ҷумҳурии Тоҷикистон 159 оила бо хонаи нав ва тамоми ашёи рӯзгор ба таври ройгон таъмин шуд. Ба 491  оилаи дигар барои сохтмони манзил замини наздиҳавлигӣ дода шуд. Аз инҳо 312 оила ҳамчунин ба таври ройгон бо масолеҳи сохтмонӣ таъмин гашт. Хулоса гардид, ки дар зимистони пешомад ҳеҷ яке аз ин оилаҳои зарардида бесарпаноҳ намемонанд. Маҳаллаҳои нави истиқоматӣ бо нерӯи барқ ва оби нӯшокӣ низ таъмин гаштаанд.
Сардори давлат Эмомалӣ Раҳмон баҳри боз ҳам беҳтар намудани шароити зисти аҳолии зарардида ва тезондани сохтмони мактаби нави маҳалла ба масъулон супоришҳои мушаххас дод.
Дар маҷлиси Ҳукумат ҳамчунин лоиҳаҳои як қатор қонун оид ба ворид намудани тағйиру иловаҳо ба қонунҳои амалкунандаи кишвар маъқул дониста шуда, ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод гардид.
Қарорҳои Ҳукумати мамлакат оид ба номгузории Донишгоҳи аграрии Тоҷикистон ба номи Шириншо Шотемур ва доир ба таъсиси Кумитаи забон ва истилоҳоти назди Ҳукумати Ҷумҳурии Тоҷикистон қабул карда шуданд.
Дар охири маҷлис Президенти мамлакат Эмомалӣ Раҳмон ба масъулон дастур дод, ки то охири соли равон саҳмияҳои Нерӯгоҳи барқи обии Роғун барои ҷалби сармоягузорӣ ба сохтмони он омода карда шаванд.
Сардори давлат Эмомалӣ Раҳмон ҳамчунин ба масоили омодагӣ ба ҷашни солгарди 15 - уми Конститутсияи (Сарқонуни) Ҷумҳурии Тоҷикистон, кушодани филиалҳои Донишкадаи энергетикӣ ва Донишкадаи пӯлод ва хӯлаи шаҳри Маскави Федератсияи Русия ва Донишкадаи политехникии шаҳри Харкови Украина дар Тоҷикистон, ба масъалаи пурра гузаштан ба истифодаи лампаҳои каммасраф ва ба татбиқи босамари Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» таваҷҷӯҳ зоҳир намуда, дар назди роҳбарони сохторҳои дахлдор вазифаҳои мушаххас гузошт.


Баёни ақида (0)    Санаи нашр:    №:    Мутолиа карданд: 851

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед