logo

сиёсат

СЕ ҲАФТСОЛАИ ТИЛЛОӢ

Тарбияи шахсро метавон ба 3 давра ё худ ба се 7 - сола тақсим намуд. Агар падару модар ё сарпарасти кӯдак ба ин таваҷҷуҳи махсус дошта бошанд, саъй мекунанд, то кӯдак ин давраҳоро бигузаронад.

Ҳафт соли аввал муҳимтарин давраи рушди кӯдак аст. Маҳз дар ҳамин давра тасаввуроти шахс нисбат ба хубу бад, боварҳои ӯ, эътимодҳову беэътимодиҳо, бардошти ӯ аз муҳаббат, садоқат, рафоқат, халлоқиятҳои ӯ, сабурӣ ва носабуриҳояш дар вуҷуд поярезӣ мешаванд. Дар ин давра кӯдак бо шиддат ба падару модари худ вобаста аст ва саъй мекунад тамоми рафторҳои онҳоро нусхабардорӣ намояд. Аз ин рӯ, эҳтиёҷе ба фишор овардан ба кӯдак ҷиҳати касби дониш вуҷуд надорад. Омӯзиш дар ин давра бояд раванди табиии худро дошта бошад. Чаро? Чунки ӯ маҳоратҳои зистанро аксаран бо кунҷковиҳои фардӣ ёд мегирад. Падару модар бояд ба унвони нозир дурустии ин равандро таъмин созанд.
Агар ба сурати яклухт 7 соли аввалро битавон давраи рушди маъноӣ ё назарӣ ном ниҳод, 7 соли баъдӣ давраи ёдгириҳои амалист, чаро ки кӯдак дар ибтидои 7 - солаи дуюм ба мактаб меравад, вориди ҷомеа мешавад ва ёд мегирад, ки бо истифода аз маҳоратҳои қаблан касбнамудааш дар алоҳидагӣ аз падару модараш вориди робитаи дӯстӣ, рафоқат ва ҳатто рақобат бо дигарон бишавад. Дар ин давра падару модар бо насиҳат ва додани машварат ба кӯдак метавонанд ба унвони роҳнамои ӯ зоҳир шаванд. Кӯдак дар 7 соли дувум аз истиқлол ба дараҷае бархӯрдор аст, вале давраи илмомӯзӣ ва назм аст. Яъне, ба роҳнамои мӯнису ғамхоре эҳтиёҷ дорад, ки дар паймоиши роҳи илмомӯзӣ ва табдил шудан ба инсони комил дасти ёрӣ дарозаш бикунад. Дар ҳамин давра аст, ки омӯзгорон барои тарбияи кӯдак ба кумаки падару модар меоянд. Қобили зикр аст, ки вуҷуди омӯзгор ба ҳеҷ унвон ҷойгузини комили падару модар нест, балки танҳо кумакест дар канори талоши онҳо. Мутаассифона, баъзе падару модарон фикр мекунанд, ки бо пайдоиши омӯзгор дар зиндагии фарзандашон масъулияти онҳо ба унвони мураббии фарзанд аз дӯш холӣ мегардад. Дарвоқеъ, омӯзгор ва падару модар – ҳар ду дар ин давра дар шаклгирии маънавии кӯдак ва ҷаҳонбинии ӯ асар мегузоранд. Ҳамкорӣ ва ҳамёрии падару модар ва омӯзгор дар ин давра зарурист. Назорат, роҳнамоӣ, ташвиқ, ҳамроҳӣ ва ҳузури пайвастаи волидайн ва омӯзгор ва, ҳамчунин, исрори онон ба донишандӯзӣ ва маҳоратомӯзии кӯдак дар бобарор паси сар гардидани ҳафтсолаи дувум нақши босазо хоҳад дошт.
Давраи сеюм давраи мукаммал гардидани давраҳои қаблист. Ба ин давра дар урфият «навҷавонӣ» мегӯянд. Давраи ёдгирӣ, такопӯ, ҳалли муаммоҳои печидатар, ташхиси ҳақиқат бидуни дахолати ошкори падару модар. Инсон дар ин давра моил барои ба даст овардани истиқлолияти ҳамаҷониба мебошад. Таъсири дӯстону ҳамнишинони шахс дар рушди маънавии ӯ қобили мушоҳида аст. Кӯдак дорои маҳоратҳоест, ки дар ду давраи қабл падару модар ва омӯзгорон ба ӯ омӯхтаанд. Агар дар ду давраи қабл шумо фарзанди худро бо арзишҳое чун эҳтиром ба бузургтарҳо, шавқи илмомӯзӣ, рафоқат, сабки зиндагии солим, машғул шудан ба варзиш, тараҳҳум бар заифону ҳайвонот, қадри вақти худро донистан, ба корҳои беҳуда машғул нашудан, китоб хондан, ба синамо рафтан одат дода бошед, 7- солаи сеюм ғанитарин ва пурбортарин давраи зиндагии фарзандонатон хоҳад шуд.
Хулоса, ояндаи мавҷуди кӯчак, ки номаш «фарзанд» аст, дар дасти худи шумост! Нисбат ба бовари кӯдаки нодону нотавоне, ки дар симои шумо азизтарин ва мутмаинтарин шахсро меёбад, амонатдор бошед. Аз овони кӯдакӣ ӯро бо арзишҳои мусбат ошно намоед ва барои анҷоми корҳои босамар ташвиқаш кунед. Тарбияи кӯдак ва сохтани ояндаи ӯ кори имрӯз аст. Кори имрӯзро ба фардо нагузоред!
Меҳриниссо ПИРОВА,
омӯзгори муассисаи таҳсилоти миёнаи
умумии рақами № 36 – и шаҳри Душанбе


Баёни ақида (0)    Санаи нашр: 22.06.2018    №: 122-123    Мутолиа карданд: 290

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед