logo

фарҳанг

"ҶУМҲУРИЯТ" ВА ВАҲДАТИ АҲЛИ ҚАЛАМ ДАР ОСТОНАИ ҶАШНИ МИЛЛӢ

Истиқлолияти давлатии кишвари маҳбубамон дар баробари дастовардҳои муҳиму арзанда, барои ташаккули ҳувияти миллӣ, ҳисси худшиносиву худогоҳӣ заминаи хуб ва шароити мувофиқу мусоидро фароҳам овард. Худшиносии миллӣ ба масъалаҳои мубрами ҷомеаи муосир табдил ёфт, зеро маҳз ба шарофати эҳёи рӯҳияи худшиносии миллӣ мо ба таҳкими давлатдории навин, гиромидошти арзишҳои худӣ заминаи устувор гузошта,  ба ин васила мардумро ба ҳам меорем, онҳоро аз корнамоиҳои ибратбахши ниёгону имрӯзиён воқиф месозем, дар замирашон умед ба зиндагии дурахшони ояндаро бедор мекунем. Ба вуҷуд овардани фазои созгор баҳри таҳкими худшиносии миллӣ вазифаи ҳар ниҳоди иҷтимоӣ, муассисаҳои фарҳангӣ, илмиву таълимӣ, воситаҳои ахбори омма ва ҳар як зиёии равшанфикр аст. Ин амал бо роҳҳои гуногун сурат мегирад.
Нашрияи расмии Ҷумҳурии Тоҷикистон - рӯзномаи «Ҷумҳурият» дар баробари он ки масъалаи худшиносии миллиро мақсади асосии худ қарор дода, мундариҷаашро бо ин мавзӯъ пурмуҳтавотар мегардонад, дар ин самт пайваста пайи ҷустуҷӯйи усулҳои нав аст. Яке аз чунин усулҳое, ки барои нашрия хос гардидааст, ташкили озмунҳои эҷодӣ доир ба рӯзгор ва осори фарзонафарзандони миллат мебошад.
 Соли дуюм аст, ки нашрияи мазкур ин иқдоми накуи фарҳангӣ, маърифатӣ ва илмиву адабиро идома медиҳад. Аз ҷумла, рӯзи 19 июни соли равон озмуни Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Суғд ва ноҳияи Бобоҷон Ғафуров, ки бахшида ба 21 - солагии Рӯзи Ваҳдати миллӣ ва ба хотири гиромидошти Қаҳрамони Тоҷикистон Бобоҷон Ғафуров  аз 1 феврал то 10 июни соли равон идома дошт, дар ноҳияи Бобоҷон Ғафуров ҷамъбаст гардид. Ин панҷумин озмунест, ки нашрияи мазкур якҷо бо мақомоти иҷроияи маҳаллии ҳокимияти давлатии  навоҳии кишвар баргузор ва ҷамъбаст намуд. Ташкили чунин озмунҳо, аз ҷумла озмуни навбатӣ аз чанд ҷиҳат аҳамият ва судмандӣ дорад. Аввалан, чунончи ишора рафт, ба шарофати озмун мундариҷаи нашрия рангин гардида, доираи мавзӯоташ васеъ ва майлу рағбати хонандагонаш зиёдтар шуд. Баъдан, имкон фароҳам омад, ки доир ба фарзонафарзандони тоҷик, ки умри бобаракати худро сарфи диёру миллати худ кардаанд, матолиби зиёди ҷолиб ва хонданӣ рӯйи чоп ояд. Таҷрибаи ин силсилаозмун, ки ба шарофати гиромидошти корнамоиҳои Қаҳрамони Тоҷикистон Нусратулло Махсум аз ноҳияи Рашт шурӯъ гардида, имрӯз то ба Бобоҷон Ғафуров расид, имкон фароҳам овард, ки паҳлуҳои гуногуни фаъолият, хислату характер, ташаббусу иқдом, эҳсоси ватанхоҳиву ватандӯстӣ, мактаби илмиву раҳбарӣ ва одамияти ин фарзонафарзандони баору номус ва сарсупурдаи миллати тоҷик боз ҳам муайян ва манзури хонанда гардад. Дар озмун беш аз 100 матлаб ба табъ расид. Ҳатто дар ҳафтаи охири ҷамъбасти озмун дар як шумора то се матлаб ҷой дода шуд. Албатта, мақолаҳо аз нигоҳи  мазмуну муҳтаво ва услуби нигориш дар як сатҳ қарор надоранд, дар онҳо баъзан такрори андеша ва фактҳои ҳамгун ба назар мерасанд, аммо дар маҷмӯъ ҳар кадоми онҳо дар шинохти қаҳрамонҳои Тоҷикистон, аз ҷумла аллома Бобоҷон Ғафуров ҳамчун манбаи ғанӣ хидмат карда метавонанд. Хусусан, барои пажӯҳишгарони ҷавон маводи озмунӣ қимати баланди илмиву сарчашмаӣ доранд.
Ташкили чунин озмунҳо агар, аз як тараф, нишони қадргузорӣ ба шахсиятҳои барӯманд бошад, аз сӯйи дигар, ба вуҷуд овардани муҳити фарҳангиву адабӣ дар тарбияи маънавии ҷомеа, хосса ҷавонон аст. Ба шарофати ин озмун аҳли қалам бори дигар ба корнамоиҳои Бобоҷон Ғафуров таваҷҷуҳ зоҳир намуданд, хотираву ёддоштҳои гуфтаву ногуфта дастраси ҳамагон гардид, чеҳраи ин қаҳрамони миллати тоҷик ҷилои тозатар касб кард.
Ба шарофати ин озмун як гурӯҳи эҷодкорон ба ҳам омаданд, ки дар байнашон олимону адибони рӯзгордидаву кор-озмуда ва ҷавонони нав ба кори эҷодӣ шурӯъ намуда низ буданд. Дар ин сафари кӯтоҳ аз суҳбатҳои орифонаи олимону шоирон баҳра бардоштани ҷавонон худ як ваҳдат буд, ба иборае ваҳдати аҳли қалам, зеро ҳама аз дастовардҳои истиқлолияту корнамоиҳои фарзонафарзандони тоҷик, аз сиёсати фарҳангпарваронаи Ҷаноби Олӣ, аз ташаббусҳои рӯзномаи «Ҷумҳурият» сухан мекарданд. Ин ваҳдати аҳли қалам бо расидан ба ноҳияи Бобоҷон Ғафуров доманаашро васеътар намуд. Ин ҷо фарҳангиёни маҳал ба истиқболи гурӯҳ баромаданд, бо илтифоти хосси меҳмонпазирӣ, ташкили шоми фарҳангӣ, ҳунарнамоиву шеърхонӣ, суханрониву базлагӯйӣ на танҳо хотири меҳмононро шод, балки самимияти хоссеро дар қалби онҳо ба вуҷуд оварданд.
Дар қасри бошукӯҳи Арбоб баргузор намудани ҷамъбасти озмун  як навъ рамз ҳам дошт. На танҳо ба он хотир, ки Бобоҷон Ғафуров аз ин ноҳия аст, балки санги асоси ин бино аз ҷониби ӯ гузошта шудааст. Аз ҷониби дигар, дар бунёди давлатдории навин, расидан ба сулҳу ваҳдати миллӣ ин қаср боис гардида. Боздид аз осорхонаи Қасри Арбоб, ки ҳам аз зиндагии гузаштаи начандон дури ноҳия ва ҳам аз рӯзгори замони истиқлоли Тоҷикистон маълумоти фаровон медиҳад, барои ҳар як фарди ватандӯст, рӯҳу тавони тоза мебахшад, меҳру муҳаббати ӯро ба диёр зиёд ва ҳисси кору пайкорро дар дилаш қавитар мегардонад.
Рӯҳияи ваҳдатофаринии чунин озмунҳо боз дар он аст, ки байни мақомоти иҷроияи маҳаллии ҳокимияти давлатии ноҳияҳо ва иштирокчиёни озмун шиносоиро ба вуҷуд меорад. Чунончи, дар озмуни навбатӣ, ки дар Қасри Арбоб баргузор гардид, дар баробари раиси ноҳияи Бобоҷон Ғафуров раиси  вилоят Раҷаббой Аҳмадзода низ иштирок намуд, ки ба ин шарофат на танҳо базм таровати тоза гирифт, балки боварии мардум ба мақомот ва дастгирии мақомотро аз мардум, хосса аҳли фарҳанг нишон медод.
Иқдоми рӯзномаи «Ҷумҳурият» ва ин озмун, аз ҳар ҷиҳат аҳамият дошт. Хидматҳои Бобоҷон Ғафуров дар таҳкими дӯстии халқҳо ва талошҳои Пешвои миллат дар расидан ба ваҳдатӣ миллӣ ба ҳам алоқамандии мантиқӣ дошта, ба арзиши ниҳоят баланд сазоворанд. Ин арзишро бояд дарк кард, маърифат намуд ва ба дигарон фаҳмонд. Рӯзномаи «Ҷумҳурият» на танҳо ин арзишро хуб дарк намудааст, балки тарғиби онро ба дӯш гирифта, дар ин роҳ иқдоми дурустеро ихтиёр кардааст, ки барояш барор мехоҳем.
Мурод МУРОДӢ, профессор


Баёни ақида (0)    Санаи нашр: 22.06.2018    №: 122-123    Мутолиа карданд: 337

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ

ҶОМИ ТОҶИКИСТОН – 2019. «Истиқлол» ва «Регар - ТадАЗ» бори ҳафтум дар финал

Вохӯрии раҳбарони кумитаҳои амнияти Тоҷикистону Қирғизистон дар Исфара

СММ: "Дар 100 сол аз сунами беш аз 250 ҳазор нафар ҳалок гашт"

Дар Сурия хоҳари Бағдодӣ бо хонаводааш боздошт шуд

Трамп бо Россия ва Чин оид ба назорати силоҳ созишнома бастанист


Дар сомонаҳои дигари Тоҷикистон хонед