logo

сиёсат

МАСИРИ ҲАРАКАТ. АЗ ВАҲДАТИ МИЛЛӢ ТО ВАҲДАТИ ҶАҲОНӢ

Дар зарфи ду моҳи охир баргузории ду конфронси байналмилалии сатҳи баланд дар шаҳри Душанбе нишон дод, ки Ҷумҳурии Тоҷикистон таҳти роҳбарии Сарвари башардӯсти худ дар эҷоди сулҳу ваҳдат ва ҳамгироӣ қадамҳои фаротар аз марзи хеш мегузорад. Тарҳрезӣ ва мизбонии ҳар ду чорабинии сатҳи ҷаҳонӣ, ки бо эҳтимоми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дастгирии Созмони Милали Муттаҳид ва дигар шарикон сурат гирифт, ҳамин маъниро бозгӯ намуда, бори дигар мавқеи устувору сулҳхоҳонаи Тоҷикистонро дар ҷаҳон муаррифӣ намуд.
Мусаллам аст, ки касби ҷойгоҳи шоистаи Тоҷикистони азиз дар сиёсати байналмилалӣ баъд аз имзои Созишномаи умумии истиқрори сулҳ ва ризоияти миллӣ ба миён омада, эътибори баланди кишвари мо дар арсаи ҷаҳонӣ, амалан ба ибтикороти Сарвари давлат пайванд мегирад. Далели ин амр дар ҷонибдории сокинони сайёра аз ташаббусҳои байналмилалии Пешвои муаззами миллат вобаста ба ҳалли масоили глобалии ҷаҳон аст.
Оғози татбиқи иқдоми ахири Тоҷикистон оид ба Даҳсолаи байналмилалии амалиёт «Об барои рушду устувор, солҳои 2018-2028», алакай мардуми сайёраро дар моварои ҳалли мушкилоти вобаста ба об ва пешгирии ҳаргуна низоъҳои марбут ба он қарор додааст. Иштироки сарони давлату ҳукуматҳо, беш аз 1500 ҳазор намоянда аз кишварҳои гуногуни ҷаҳон ва созмонҳои бонуфуз дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018 - 2028», ки рӯзҳои 20 - 21 июн дар шаҳри Душанбе баргузор гардид, нишон дод, ки мардуми сайёра ин ташаббуси Пешвои миллати тоҷиконро дорои аҳамияти хеле муҳим мешиносанд. Зеро дар гузашта об ҳам ба сари худ моҷароҳое дошт, ки ба низоъҳои мусаллаҳона кашонда шудааст. Аз ин рӯ, аҳамияти иқдомоти Тоҷикистон дар ин самт на танҳо дар таъмини сокинони сайёра бо оби тоза, истифодаи самараноку оқилонаи он, балки як навъ пешгирӣ аз ҳамагуна хушунатҳои эҳтимолӣ вобаста ба тақсими об миёни кишварҳои олам дониста мешавад.
Феълан, Ҷумҳурии Тоҷикистон дар баробари пешоҳанги ҳалли масоили вобаста ба об дар ҷаҳон, ҳамчунин бо тадорукоти анҷомдодаи худ ба ҳайси кишвари дорои нақши фаъол дар мубориза бо хатарҳои ҷаҳони муосир, аз қабили терроризму экстремизм ва гардиши ғайриқонунии маводи мухаддир шинохта шудааст. Баргузории ҳамоиши байналмилалии сатҳи баланд таҳти унвони «Муқовимат бо терроризм ва ифротгароии хушунатомез» рӯзҳои 3 - 4 май дар пойтахти Тоҷикистон бо ҳузури беш аз 400 намояндаи кишварҳои хориҷӣ мисоли равшани ин гуфтаҳо буда, бори дигар аз мавқеи сулҳхоҳонаи кишвари мо паём дод, ки боиси сарфарозии ҳар фарди бедордили ҷомеа аст. Аз ин рӯ, дар замони пуртазоди имрӯз, моро зарур аст, ки дар ҳифзи арзишҳои сулҳу ваҳдати миллӣ ҳамчун сароғози барору комёбиҳои сиёсати дохиливу хориҷӣ масъулияти бештар нишон дода, иҷрои ҳадафҳои созандаву бунёдкоронаи Пешвои муаззами миллатро сармашқи фаъолияти хеш қарор диҳем.   

Фаррух ВАЛИЗОДА,
корманди Суди Олии иқтисодии Ҷумҳурии Тоҷикистон


Баёни ақида (0)    Санаи нашр: 26.06.2018    №: 125    Мутолиа карданд: 213

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед