logo

иҷтимоиёт

РӮЗГОРЕ БАРОИ ИБРАТ

Султон Умаров баъди хатми мактаби ибтидоӣ таҳсили худро аввал дар Донишкадаи маориф, баъдан дар Академияи омӯзгории шаҳри Самарқанд давом дода, соли 1930 чун омӯзгор дар ҳамин академия ба фаъолияти корӣ оғоз менамояд. Соли 1933 ӯро ҳамчун мутахассис ба корҳои илмӣ – таҳқиқотӣ ба аспирантураи Институти физикаю техникаи Академияи илмҳои Иттиҳоди Шӯравӣ фиристоданд. Баъд аз хатми аспирантура корҳои илмии худро дар факултаи физикаю математикаи Донишгоҳи Самарқанд давом медиҳад. Дере нагузашта Султон Умаров ба вазифаи ректори Донишгоҳи давлатии Осиёи Миёна таъйин мешавад. Соли 1943 ӯро узви пайвастаи АИ ҶШС Ӯзбекистон интихоб намуданд. Ин солҳо корҳои илмӣ - таҳқиқотӣ дар Ӯзбекистон рушду равнақ ёфта буд. Барои ба сатҳи нав гузоштани онҳо Султон Умарович ба вазифаи мудири шуъбаи физикаи назариявии Институти физикаю техникаи Ӯзбекистон таъйин мешавад. Аз соли 1956 сарварии ин институтро ба уҳда мегирад. Корҳои назарраси устод дар соҳаи электроника ва физикаи нимноқилҳо ҳамин солҳо рӯи кор омадаанд.
Султон Умаров ба рушди илм дар Тоҷикистон диққати махсус зоҳир менамуд. Пешниҳоди Академияи илмҳои Тоҷикистонро бо самимият қабул намуда, президенти АИ Тоҷикистон интихоб шуд. Солҳои фаъолияти С. Умаров дар вазифаи президенти АИ ҶТ марҳалаи рушду равнақи илми тоҷик буд. Таҳқиқот дар соҳаи илмҳои дақиқ оғоз ёфта, кадрҳои баландихтисос омода шудан гирифтанд. Бо ташаббус ва дастгирии бевоситаи С. Умаров аксарияти аспирантҳо ба марказҳои илмии шӯравӣ – Москва, Ленинград, Минск, Боку, Киев, Новосибирск барои таҷрибаомӯзӣ равон шуданд.
Завқу шавқи он кас ба илми физика серқирра аст. Таҳқиқоташ дар физикаи статистикӣ ва электронӣ, физикаи нимноқилҳо ва ядро, физикаи амалӣ ва таърихи он ба ҳамагон маълуманд. Бо дастгирии Султон Умаров  соли 1957 шуъбаи физикаю математика таъсис ёфта, рушди чунин самтҳои физика мисли физикаи ядроӣ, нимноқилҳо, электроникаи физикӣ, самти таҳлилҳои активатсионӣ, физикаи устувории металлҳо ҷараён гирифт. Натиҷаи корҳои наҷиби Султон Умаров буд, ки соли 1964 дар сохтори Академияи илмҳои Ҷумҳурии Тоҷикистон се институти нав – Институти физикаю техника, Институти биофизика ва физиологияи рустанӣ ва Институти иқтисодиёт таъсис шуд.
Имрӯз ҳам Институти физикаю техникаи ба номи Султон Умаров кӯшиш менамояд, ки дар ҳалли проблемаҳои муҳим саҳми худро гузошта бошад. Офариниш ва таҳқиқи назариявӣ ва амалии наномавод ва нанотехнологияҳо – яке аз муҳимтарин самтҳои фаъолияти шуъбаи наномавод ва нанотехнологияҳо, ки нав дар сохтори институт таъсис шудааст, дар ҳақиқат ҳам дар рушди илм саҳми бузург дорад.
Айни ҳол дар институт марказҳои байналмилалии таҳқиқоти ядроӣ, физикӣ, наномавод ва нанотехнологияҳо, омӯзиш ва ҷорикунии манбаъҳои энергияи азнавбарқароршаванда амал менамоянд. Дар онҳо таҳқиқот бо истифодаи усулҳои ядрои физикавӣ, физикаи ҳолатҳои конденсавӣ, аз ҷумла ҳолатҳое, ки дар ҳароратҳои паст дарҷ хоҳанд шуд, спектроскопия, оптикаи когерентӣ, акустика, омӯхтани ҳодисаҳои физикӣ дар атмосфера, манъбаҳои барқароршавандаи энергия бурда мешаванд.         
Ҳ. МУЪМИНОВ,
ноиби президенти Академияи илмҳои Ҷумҳурии Тоҷикистон,
Р. ҚОРИЕВА, 
ходими пешбари Институти физикаю техникаи ба номи С. Умаров


Баёни ақида (0)    Санаи нашр: 26.06.2018    №: 125    Мутолиа карданд: 232

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед