logo

фарҳанг

"ҶУМҲУРИЯТ" ВА ГИРОМИДОШТИ ФАРЗОНАФАРЗАНДОНИ МИЛЛАТ

Академик Бобоҷон Ғафуров аз шахсиятҳои барҷаставу барӯманди миллати тоҷик мебошад, ки дар таърихи муосири тоҷикон нақши носутурданӣ дорад. Чунонки таърихнигории навини моро бе шоҳкории "Тоҷикон» тасаввур намудан ғайриимкон аст, ҳамин гуна бидуни шахсияти аллома Бобоҷон Ғафуров таърихи қарни XX миллату давлати тоҷикро наметавон тасаввур кард.
Ин аст, ки бо ибтикори бевоситаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли 1997 ба академик Бобоҷон Ғафуров унвони олии Қаҳрамони Тоҷикистон дода шуда, хидматҳои беназири ӯ дар роҳи баланд бардоштани худшиносии миллии халқи тоҷик ва ҳифзи арзишҳои таърихӣ дар сатҳи олӣ эътироф гардид.
Бобоҷон Ғафуров арбоби сиёсиву давлатӣ, муаррихи барҷаста, рӯзноманигори шинохта ва ховаршиноси оламшумул аст. Дар маҷмӯъ, ӯ шахсияти на танҳо миллӣ, балки ҷаҳонист. Вале, бешак, қабл аз ҳама ӯ муаллифи китоби безаволи «Тоҷикон» аст, ки онро Пешвои миллат муҳтарам Эмомалӣ Раҳмон барҳақ «шиносномаи миллат» номидаанд. Воқеан дар таърихи нимаи дуюми асри XX халқи тоҷик асари безаволи «Тоҷикон» ҳамон нақшеро бозидааст, ки дар нимаи аввали садаи сипаригашта тазкираи «Намунаи адабиёти тоҷик» иҷро карда буд.
Агар тазкираи устод Садриддин Айнӣ пояҳои худшиносии миллии тоҷиконро гузошта бошад, пас асари «Тоҷикон» ҳувияти миллии халқи тоҷикро оғоз аз солҳои 70 – уми садсолаи гузашта боз ҳам таҳким бахшид ва ривоҷ дод. Маҳз ба василаи ин асар мо на танҳо аз гузаштаи худ бохабар мешавем, балки худшиносиву худогоҳии милливу таърихии худро ташаккул медиҳем, арзишҳои милливу маънавии хешро қадр ва ҳифз мекунем, ки дар даврони ҷаҳонишавӣ бениҳоят муҳим аст.
Аз ин лиҳоз, дар партави сиёсати фарҳангпарваронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар арафаи 90 – солагии Бобоҷон Ғафуров нашри такрории китоби «Тоҷикон» ба роҳ монда шуд, то ки наслҳои имрӯзаву оянда дар худ  эҳсоси миллатдӯстиву ватанпарастиро парвариш дода, аз миллату давлати соҳибистиқлоли худ ифтихор намоянд. Дар ин росто, ин суханони пурмуҳтавои Пешвои муаззами миллат оид ба аҳамияти китоби «Тоҷикон» бояд шиори ҳар як фарди худогоҳу ватандӯст қарор гирад, ки гуфтаанд: «Ин асар барҳақ китоби рӯимизии ҳар як фарди соҳибмаърифати тоҷик мебошад ва барои худогоҳии миллӣ ва рушди тафаккури таърихии мардуми мо чун обу ҳаво зарур аст».
Ба ин хотир, бузургдошти чунин шахсиятҳои миллӣ, қадр намудани мақому манзалати онҳо, омӯзишу таблиғи осори мондагорашон маҳз аз сиёсати хирадмандонаи Сарвари давлат маншаъ мегирад. Ва озмуне, ки рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Суғд ва ноҳияи Бобоҷон Ғафуров эълон ва бомуваффақият ҷамъбаст намуд, маҳз дар партави сиёсати фарҳангпарваронаи Пешвои муаззами миллат ба амал омадааст.
Бояд гуфт, ки осори мондагори бузургони гузаштаи миллат ҳамон вақт қувваи амаливу ҳамагонӣ пайдо мекунад, ҳамон вақт ба наслҳои имрӯзаву оянда самаранок хидмат менамояд, ки агар пайваста таблиғу ташвиқ гардад. Таблиғу тарғиби осори гузаштагон вазифаи ҷонии ҳар як фарди худогоҳ ва бешак воситаҳои ахбори омма ба ҳисоб меравад. Ин вазифаи худро рӯзномаи миллии мо - Нашрияи расмии Ҷумҳурии Тоҷикистон – рӯзномаи «Ҷумҳурият» шурӯъ аз соли 1925 сарбаландона иҷро карда меояд.
Дар давраи озмун аз ҷониби олимон, адибон ва рӯзноманигорони тоҷик роҷеъ ба паҳлуҳои мухталифи ҳаёту фаъолияти аллома Бобоҷон Ғафуров мақолаҳои ҷолиб ва дар саҳифаҳои рӯзнома ба табъ расиданд, ки бешак дар шинохти Бобоҷон Ғафуров нақши муайяне хоҳанд гузошт. Муҳимтар аз ҳама, тавассути ин навиштаҳо хонандагон имкон пайдо намуданд, ки худшиносии миллии худро боз ҳам баланд бардошта, ба қадри соҳибистиқлолӣ, ватандорӣ, арзишҳои волои таърихӣ ва ваҳдати миллӣ бирасанд.
Масрур АБДУЛЛОЗОДА,
доктори илмҳои филология, профессор


Баёни ақида (0)    Санаи нашр: 26.06.2018    №: 125    Мутолиа карданд: 292

19.11.2019


Тасдиқи Тартиби кори шабакаи иттилоотӣ-телекоммуникатсионии интернет аз рӯи технологияи Wi-Fi

Мулоқоти Ҷамолиддин Нуралиев бо Ҷон Гинкел

Тақвияти ҳамкориҳои иқтисодӣ матраҳ гардид

Туҳфаи Рустами Эмомалӣ барои сокинони шаҳри Хоруғ

Панкратион. Паҳлавони тоҷик чемпиони ҷаҳон шуд

18.11.2019


Таҷлили Рӯзи Президент дар шаҳри Хоруғ

Ҷаласаи вазирони корҳои хориҷии Осиёи Марказӣ дар Тошканд

Масъалаи сармоягузории хориҷӣ ба низоми бонкии Тоҷикистон матраҳ гардид

Путин БРИКС - ро кафили суботи ҷаҳон номид

Чаро ИМА ва Корея машқҳои муштаракро мавқуф гузоштанд?

ХДУ ва СРУ дар вилояти Киев "яке аз сарони ДИ" - ро боздоштанд

Туркия 23 террористро ба Қирғизистон истирдод мекунад

Ҷаҳон дар як сатр

Ҷоми ҷаҳон дар Бразилия монд

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд


Дар сомонаҳои дигари Тоҷикистон хонед