logo

иҷтимоиёт

РӮЗГОРЕ БАРОИ ИБРАТ

Марги як рӯзноманигори асил, хосса дӯст ва инсони мушфиқу ғамхору саропо меҳр ҳаргиз аз шумори корҳои хурд нест. Агарчӣ ин як ҳақиқат асрҳои аср собит мешавад, ки мо аз он дарси ибрат бигирему ба қадри вақту шахсони сарсупурда бирасем, вале боз ҳам як лаҳза ва ё чанд лаҳза ғофил мемонем. Замоне чашм мекушоем, мебинем, ки наздиконамонро якояк мебаранд. Оре, аз дида, ки рафт, баъд афсӯс мехӯрем. Ин қадар метавонем худро андак тасалло бидиҳем, ки бигӯем: агар аз дида рафт, аз дил нарафтааст. Дар асл дар дил ҳам маъвои муаззаму мукаррамеро ончунон ки бояд, пас аз маргаш муҳайё намесозем. Ва, шукр, то вуҷудамон пур аз ному кори дӯст шавад, зикри ному корашро мекунем ва дар фарҷоми ҳар суҳбат аз ӯ, иброз медорем: рӯзгораш барои ибрат аст. Дар ин як ифода, як ҷумлаи содаву кӯтоҳ, мисли ин аст, ки ҳамаро фаро мегирем.
Ҳолиё, ки дар бораи инчунин як шахс, яъне Усмони Солеҳ менависам, гузашта бо ҳама гузаштанҳои бепадрудаш пеши назар меояд. Ба оҳанги як гила, як гилаи дӯст аз дӯст, ҳамкасб аз ҳамкасб мегӯям: «Зуд рафтӣ, бе падруд рафтӣ. Замони рафтан набуд охир!». Чун ҳама рӯзҳои дигар гӯё табассум мекунад, аммо дар он як ҳасрат, як узри бас ширин ниҳон аст.
Аввал ба номаш, баъд ба навиштаҳояш ошно шудам. Ин ошноӣ ба василаи рӯзномаи «Ҷумҳурият» маро даст дод. Баъд ва ё худ соли 1993 боз ҳам дар идораи ҳамин рӯзнома бо худи ӯ аз наздик шинос гардидам. Ин ошноӣ ба дӯстӣ табдил ёфт, агарчӣ дар он рӯзгор акси онро низ тасаввур мекардаму интизор доштам. Аз рӯи вазифа, яъне муовини сармуҳаррир масъул буд, ки навиштаҳои моро мехонд, таҳрир мекард, барои чопаш ва ё радди он тасмим мегирифт. Ва ҳам бояд супориш медоду иҷрои онро талаб менамуд. Албатта, як лаҳза ҳам дар иҷрои рисолати худу вазифаи пурмасъулияташ ғафлат намеварзид, аммо ба ҳар рӯз меҳри ӯ дар дилҳои мо бо самимият, одамияту шинохту пуштибонии ҳақиқат меафзуд. Фармонравоиро дӯст намедошт. Бо таҷрибаи зиёду кору рӯзгоре, ки дошт, саъй менамуд, то мо масъулиятшинос бошем, бидонем, ки корҳои неку пуршарафро барои ҷомеа, пойдории давлату миллат бо ҳисси баланди инсониву ватандӯстӣ ба анҷом мерасонем. Насиҳат намекард. Ин ҳақиқатро бо амалҳову навиштаҳои таҳлилию самимию пурмуҳтавояш ба субут мерасонд. Ҳар навиштаи ӯ дар ин маврид як дарс буд. Мехондему бовар ҳосил мекардему мегуфтем, ки «Ҷумҳурият», воқеан, мактаб аст. Вақтро мешинохт, ҳодисотро дарк мекард, пешомади онҳову фарҷомашонро эҳсос менамуд.
Дасту дили покиза дошт. Навиштаҳояш бар ин равшан гувоҳӣ медиҳанд.
Аксар сифатҳои неки инсонӣ дар ӯ ҷамъ омада ва симову вуҷудашро барои ҳар нафари поксиришт диданиву дӯстдоштанӣ гардонда буданд.
Аз кибр, носипосӣ ҳамеша худро канора мегирифт. Чеҳрааш доимо чун офтоби оламтоб нуру гармӣ мебахшид.
Камтар касонеанд, ки бар ҳама писанд меафтанд. Шукр, рӯзноманигори варзида, дӯсти азизи моро ин бахти баланд насиб гардида буд. Агар ҳам бо даргузашти ӯ аз дунё ғаму афсӯс мехӯрем, танҳо ба ин хотир аст. Варна кӣ дар ҷаҳон ҷовид бизис-тааст, то мо бар касе ё худ онро таманно бикунем?
Рӯҳаш шоду хонаи охираташ ҳамеша обод бод!
Абдулқодири РАҲИМ, «Ҷумҳурият»


Баёни ақида (0)    Санаи нашр: 29.06.2018    №: 128    Мутолиа карданд: 155

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед