logo

иҷтимоиёт

ТАҲСИЛИ ҒАЙРИҚОНУНИИ ДИНӢ. ГУМРОҲШАВИИ ҶАВОНОН БОЯД ПЕШГИРӢ ШАВАД

Яке аз масъалаҳое, ки Пешвои миллат муҳтарам Эмомалӣ Раҳмон  дар мулоқот бо намояндагони ҷомеаи кишвар ба  муносибати  фарорасии моҳи шарифи Рамазон аз он изҳори нигаронӣ намуданд, ин таҳсили ғайриқонунии динии шаҳрвандон дар хориҷи кишвар буд. Ба масъала таваҷҷуҳ намудани Пешвои миллат бесабаб нест. Воқеан, солҳои охир бисёре аз ҷавонони мо ба хориҷ барои омӯхтани донишҳои динӣ рафтанду ба доми гурӯҳҳои ифротӣ  афтода, рӯзгори худ ва хонаводаашонро тира сохтанд.
- Таҳлилҳои мо нишон медиҳанд, ки  бисёре аз ҷавонон барои таҳсил ба донишгоҳҳои динӣ тавассути кишварҳои сеюм яъне, ҳангоми дар муҳоҷирати меҳнатӣ будан мераванд. Ҳолатҳое низ ҷой доранд, ки волидон барои дар хориҷа маълумоти динӣ гирифтани  фарзандонашон худ ташаббус зоҳир менамоянд, - мегӯяд Маъруф Шонасриддинов, мудири бахши таҳсилоти динии Кумитаи   оид ба корҳои дин, танзими анъана ва ҷашну маросимҳои миллӣ. Ӯ, ҳамчунин, изҳор дошт, ки ҷиҳати пешгирӣ аз чунин омилҳо кумита то имрӯз дар ҳамкорӣ бо кормандони мақомоти ҳифзи ҳуқуқ чораҳои зиёдеро андешидаву роҳандозӣ намуд. Дар баробари он, ки миёни мардум пайваста корҳои фаҳмондадиҳӣ гузаронда мешавад, ба наздикӣ як гурӯҳ коршиносон ба Русия рафта, дар шаҳрҳои Санкт - Петербург, Москва, Екатеринбург бо ҷавонони тоҷик суҳбату вохӯрӣ доир намуданд, ки ин ҷиҳати пешгирии таҳсили ҷавонон дар донишгоҳҳои динии хориҷӣ ва баргардондани онҳо ба Ватан мусоидат хоҳад кард.
Вақеан, то имрӯз нафарони зиёде, ки  бо таҳсили ғайриқонунӣ дар хориҷи кишвар машғул буданд, бо роҳи фаҳмондадиҳӣ ба Ватан баргардонда шуданд. Як қисми онҳо, албатта,  нафароне, ки хоҳиши таҳсил намудан дош-танд, дар Донишкадаи исломии Тоҷикистон идомаи таҳсил намуданд. Аммо аз шумораи умумии баргаштагон 88 нафарашон дигарбора ба ҷойи таҳсили пешинаашон рафтаанд.
Айни замон, тибқи иттилои Маъруф Шонасриддинов наздики 400 нафар дар муассисаҳои таҳсилоти динии кишварҳои исломию арабӣ, аз ҷумла дар Арабистони Саудӣ, Ҷумҳурии Исломии Эрон ва Покистон қарор доранд.
Қонуни Ҷумҳурии Тоҷикистон “Дар бораи озодии виҷдон ва иттиҳодияҳои динӣ” муайян намуда, ки гирифтани таълими динӣ дар хориҷа, аз ҷумла дар мактабҳои олии динии берун аз кишвар, танҳо баъд аз гирифтани таҳсилоти динӣ дар Ҷумҳурии Тоҷикистон ва бо розигии хаттии мақомоти ваколатдори давлатӣ оид ба дин ва соҳаи  маориф иҷозат дода мешавад. Яъне, ҳар касе агар мехоҳад дар хориҷа таълими динӣ гирад, бояд  қаблан таълими ибтидоии диниро ҳатман дар дохили кишвар бигирад.
Вале, ташвишовар он аст, ки ҳоло наздики 400 нафаре, ки дар мактабҳои динии  хориҷи кишвар таҳсил доранд, на дар дохили кишвар таълими динӣ гирифтаанд ва на розигии хаттии мақомоти ваколатдори давлатӣ оид ба дин ва соҳаи  маорифро дар даст доранд. Пас оё ба ин ҷавонон хатари гумроҳ шудан таҳдид намекунад?
Албатта, Кумитаи оид ба корҳои дин, танзими анъана ва ҷашну маросимҳои миллӣ ҳамчун мақоми ваколатдор ҷиҳати ҳалли масъала дар навоҳии гуногун чорабиниҳои зиёд гузаронда, корҳои фаҳмондадиҳӣ мебарад. Аммо ин кофӣ нест. Барои ҳалли мушкили мавҷуда тамоми ниҳодҳо бояд, ки фаъол бошанд. Тавре Пешвои миллат дар мулоқот бо намояндагони ҷомеаи кишвар таъкид намуданд: “Дар ин кори бисёр муҳим падару модарон ва хешу табори чунин ҷавонон низ бояд фаъолона иштирок карда, нагузоранд, ки фарзандони онҳо ба қувваҳои харобкори радикалӣ ва террористону ифротгароён пайваста, падару модар ва хешу табори худро шармсор ва давлату миллатро бадном созанд.”
Фарзона ФАЙЗАЛӢ, “Ҷумҳурият”


Баёни ақида (0)    Санаи нашр: 29.06.2018    №: 128    Мутолиа карданд: 229

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед