logo

ҳуқуқ

ТЕРРОРИЗМ ВА ИФРОТГАРОӢ. ЗУҲУРОТИ НАНГИНЕ, КИ МУБОРИЗАИ МУШТАРАКРО ТАҚОЗО ДОРАД

Тафаккури ифротӣ, гурӯҳҳои ифротгарои динӣ ва созмонҳои террористӣ ҳамчун як хатари бузурги минтақавӣ ва ҷаҳонӣ, амният ва мавҷудияти аксар кишварҳои мусулмоннишинро зери таҳдиди ҷиддӣ қарор додаанд. Таҳдиди ин зуҳуроти харобиовар акнун аз сатҳи миллӣ ва минтақавӣ фаротар рафта, хусусияти глобалӣ, яъне умумиҷаҳонӣ гирифтааст.
Омилҳои қувватдиҳандаи ин зуҳуроти номатлуби замон ва манбаъҳои асосии сармоягузорӣ ба он, бешак, қудратҳои сиёсии ҷаҳон маҳсуб меёбанд. Абарқудратҳои дунё  барои ба даст овардани манфиатҳои сиёсиву иқтисодӣ  аз ҳар роҳу восита истифода кардан мехоҳанд. Барои ба иҷро расондани ҳадафу барномаҳои геосиёсӣ дар минтақаҳои манфиатбахш аз усули ихтилофу тафриқаандозӣ кор мегиранд.
Агар ба ҷангу бенизомиҳои солиёни охир дар аксари давлатҳои мусулмоннишини минтақаи Осиё, мисли Ироқ, Сурия, Яман, Либия, Афғонистон назар андозем, ихтилофу муқовимат асосан байни бошандагони худи ҳамин сарзаминҳост, ки бо дахолати неруҳои беруна  ба тарафҳои муқобил ҷудо карда шудаанд ва бидуни дарк намудани моҳияти талаботу андешаи ҳамдигар даст ба қатлу куштор ва харобкорӣ мезананд. Ташкилкунандагони ин саҳнаҳои хунин бисёр хуб медонанд, ки бо истифода аз эътиқоди динии мусулмонон созмон додани ҳар гуна гурӯҳҳои террористиву ифротгаро ва барангехтани оташи ҷангу мубориза миёни тамоми давлатҳои мусулмонӣ  корест саҳлу осон.
Аз ин рӯ, неруҳои қудратманди сайёра бо ба рӯи кор овардани даҳҳо гурӯҳу созмонҳои динии террористӣ, чун «Ҳизби исломии Туркистон», «Ҳизб-ут-таҳрир», ҷамоатҳои «Ансоруллоҳ», «Таблиғ», «Салафия», созмонҳои «Ҷиҳоди исломӣ», «Ҷундуллоҳ», «Толибон», «Ал-қоида»,  «Давлати исломӣ», «Ҳизби наҳзати ислом» ниҳоли ихтилофу мубориза ва ҷангу хунрезиро дар замини мусулмонон шинондаву чунон парвариш дода истодаанд, ки  афзоиши он босуръат идома дорад. Имрӯз он ниҳолак, ки дар гузаштаи наздик реша бар хоки Осиё давонда буд, дарахти азими заҳрогинеро мемонад, ки аз хуни одамӣ об мехӯрад, бо маҳв кардани зиндагии инсонҳо умри бардавом мебинад ва аз харобкориҳои нодиданӣ ғизо гирифтаву инкишоф меёбад. Ин дарахт терроризм ном дорад ва самари он ҷангу хунрезӣ, нафрату бадбинӣ миёни мусулмонон, қатли инсонҳо, ба вайронаву харобазор табдил гаштани  мулкҳои обод, гурезаву беватан шудани садҳо ҳазор пиру ҷавон, гуруснагии кӯдакон, ба зиндони ҷаҳолат ва гумроҳӣ гирифтор шудани ҷавонони неруманд ва амсоли ин мебошад.
Воқеан, маризии терроризм ва шакли дигари зуҳури он - ифротгароӣ вақте инсонҳоро ба худ гирифтор мекунад, онҳо аз таърих, фарҳанг, забон, дину оин, миллату давлат ва ҳатто модари худ рӯй мегардонанд. Террорист, дар ҳақиқат, дину оин, мазҳаб, забон ва миллат надорад.
Мутаассифона, тухми терроризм бо дасти кишварҳои ба ном «дӯст» - и мо – тоҷикон дар хоки поки Тоҷикистон ҳам охири садаи ХХ пошида шуд.  Терроризми динӣ дар Тоҷикистон бо кӯшишҳои давлати беруна дар шакли як ҳизби сиёсӣ – ҲНИ созмон ёфт, ки тамоми маблағгузорӣ ва барномарезии кори онро ҳам яке аз кишварҳо бар дӯш дошт. Вале, афсӯс, ки сафи ин созмонро фарзандони носипос ва ҷаҳолатзадаи тоҷик бо сарварии Муҳиддин Кабирӣ пур карданд ва бештар аз 15 сол барои амалӣ сохтани нақшаҳои палиди хоҷагонашон, гумроҳ сохтани халқ, тағйир додани сохти конститутсионии давлат, барангехтани кинаю адовати диниву нажодӣ, пайвастани ҷавонони содалавҳ ба сафи созмонҳои бузургтари террористӣ ва дигар амалҳои нафратовар машғул буданд. Ниҳояти кор, тирамоҳи соли 2015 дар натиҷаи омодагии чандинсола, тарбияи тарафдорони зиёд (ба воситаи пардохтани музди моҳонаи муайян тӯли чанд соли охир) ва маблағгузории хоҷагонашон аъзои ташкилоти террористӣ – экстремистии наҳзати ислом даст ба ошӯби мусаллаҳона заданд ва бо мақсади ғасби ҳокимият ҷони даҳҳо нафар ҳамватани худро қурбон сохтанд.
Баъд аз ин ошӯб дар Тоҷикистон фаъолият ва ҳастии чунин як ташкилоти террористӣ  пурра манъ гардида, аъзои фаъол ва ғуломони ҳалқабаргӯши хоҷагони аҷнабии ин ташкилот мувофиқ ба амалҳояшон маҳкум шуданд. Аммо, Кабириву чанд пайрави ӯ ҳамоно бо сарпарас-тии давлати беруна дар хориҷ аз Тоҷикистон ба сангандозӣ ба ҷониби Ватан – Модар идома дода истодаанд.
Шири поки модар, нону намаки халқ ва хоки муқаддаси Ватан тарафдорони ин ташкилоти террористиро, ки бо роҳбарии Муҳиддин Кабирӣ манфиатҳои худу хоҷагонашонро аз осоиштагӣ, обрӯву эътибор, арзишҳои миллии халқу давлати худ боло гузошта, то ҳол аз фарҷоми ин ҳама дасисаҳои сиёсӣ огоҳ шудан намехоҳанд,  ба хоинӣ ва ватанфурӯшӣ ҳукм кард.
Алиҷон СОЛИЕВ


Баёни ақида (0)    Санаи нашр: 02.07.2018    №: 129    Мутолиа карданд: 414

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед