logo

иҷтимоиёт

Анҷумани кӯдакон оид ба масоили об

Тоҷикистон кишварест, ки бо кӯшишҳои зиёд тавонист таваҷҷуҳи ҷомеаи ҷаҳонро ба ҳалли масъалаҳои умумибашарии вобаста ба об ҷалб намояд. Маҳз бо пешниҳоди бевоситаи Президенти Ҷумҳурии Тоҷикистон муҳтарам Эмомалӣ Раҳмон аз ҷониби Маҷмаи умумии Созмони Милали Муттаҳид  «Даҳсолаи байналмилалии амал «Об барои рушди устувор, солҳои 2018 - 2028» роҳандозӣ гардид, ки ин иқдом идомаи мантиқии Даҳсолаи байналмилалии амалиёт «Об барои ҳаёт, солҳои 2005 - 2015» мебошад. 
Ин нуктаро Лучиано Калестини, намояндаи Хазинаи кӯдакони СММ (ЮНИСЕФ) дар Тоҷикистон зимни Анҷумани кӯдакон оид ба масоили об, ки дар Китобхонаи миллии Тоҷикистон дар доираи Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018 - 2028» баргузор гардид, баён дошт. 
Ин ҳамоиш бо ташаббуси Ҳукумати Ҷумҳурии Тоҷикистон ва Хазинаи кӯдакони СММ (ЮНИСЕФ) гузаронда шуд.  Ҳадафи аслии он мусоидат ба таъмини дастрасии ҳар як кӯдак дар тамоми  ҷаҳон ба оби тоза ва беҳдошт мебошад.
Таъкид гардид, ки тағйирёбии иқлим хатари обшавии пиряхҳо, хушк ва ифлосшавии сарчашмаҳои обро ба вуҷуд овардааст. То соли 2040 наздик ба 600 миллион кӯдак дар минтақаҳои камоби ҷаҳон аз норасоии оби нӯшокӣ мушкилӣ хоҳад кашид. Тибқи маълумоти оморӣ, дар рӯйи олам ҳар рӯз ба ҳисоби миёна беш аз 700 кӯдак аз бемориҳое мефавтад, ки ба оби ифлосу вазъи ногувори тозагию беҳдоштӣ марбутанд. 844 миллион нафар дар тамоми ҷаҳон (ҳар 9 – умин сокини сайёра) ҳанӯз ҳам ба оби тозаю безарари нӯшокӣ дастрасӣ надорад.
Дар марҳилаи омодагӣ ба анҷуман беҳтарин тасвирҳои кашидаи кӯдакону наврасон доир ба об аз 68 шаҳру ноҳияҳои Тоҷикистон ҷамъоварӣ карда шуд, ки аз онҳо Парчами обии кӯдакон таҳия гардида, ҳамчун рамзи Конфронси байналмилалии сатҳи баланд оид ба Даҳсолаи байналмилалии амал «Об  барои рушди устувор, солҳои 2018 - 2028», мавриди истифода қарор гирифт. 
Анҷуман барои шунидани садои кӯдакон ва наврасони Тоҷикистон оид ба масъалаҳои таъмини об ва беҳдошт фазои мусоид фароҳам овард. Он аз се бахш: «Садои кӯдакон: мизи гирд бо иштироки писарону духтарон», «Беҳтарин сармоягузорӣ дар ҷаҳон: баррасии масоили рушди бармаҳали кӯдакон (РБК), об, тозагӣ ва беҳдошт (WASH)» ва «Наврасон дар ҷустуҷӯи роҳҳои инноватсионӣ» иборат буд.
Яке аз бахшҳои асосии анҷуман намоиши 14 лоиҳаи беҳтарини озмуни ҷумҳуриявии «Наврасон дар ҷустуҷӯи роҳҳои инноватсионӣ» буд, ки натиҷагирӣ шуд. Дастаи «Муъҷиза» - и литсейи №2 - и шаҳраки Шайдони ноҳияи Ашти вилояти Суғд дар натиҷаи овоздиҳии пӯшидаи наврасон сазовори мақоми аввал дониста шуда, дастаҳои «Истиқлол» - и  муассисаи таҳсилоти миёнаи умумии №1-и ноҳияи Рӯдакӣ ва «Kind Thinkers» («Мутафаккирони хайрхоҳ» ) - и шаҳри  Хоруғи Вилояти Мухтори Кӯҳистони Бадахшон соҳиби ҷойҳои дуюму сеюм гардиданд.
Ғолибони озмуни ҷумҳуриявии иншо дар мавзӯи «Аҳамияти дастрасӣ ба об, тозагӣ ва беҳдошт барои таҳсилоти босифат» роҷеъ ба ин масоили мубрам табодули назар карданд. Аз ҷумла, Олимхон Аҳроров, хонандаи синфи 9, чунин иброз дошт: «Имрӯз муаммое ҳаст, ки дар атрофи он андеша бояд кард: ҳифзи об ва расидан ба қадри ин неъмати интиҳоёбанда. Ман ҷумаки кушодамондаи оби кӯча, ба ҷуйборҳо партов партофтани мардум, дар ҳавзҳои ифлос оббозӣ кардани кӯдаконро пеши назар меорам. Хулоса мебарорам, ки об метавонад сабабгори ҳам солимӣ ва ҳам беморӣ шавад».
Дар навбати худ Зебунисо Мирзокаримова, хонандаи синфи 11, гуфт: «Имрӯзҳо олимони дунё бонги изтироб мезананд, ки аз сабаби гармшавии иқлим пиряхҳои ҳазорсола босуръат об мешаванд. Агар ин аҳвол давом ёбад, мардуми сайёра бо хатари беобӣ рӯ ба рӯ мегарданд». 
Ш. ҚУРБОН, «Ҷумҳурият»


Баёни ақида (0)    Санаи нашр: 28.06.2018    №: 126-127    Мутолиа карданд: 296

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед