logo

фарҳанг

МИСГАРӢ. РУШДИ ПЕШАИ АҶДОДӢ ТАВАҶҶУҲ МЕХОҲАД!

Дар гузашта миёни тоҷикон мисгарӣ маъруфияту шуҳрати беандоза дошт. Тибқи маълумоти сарчашмаҳои таърихӣ, ниёгонамон аз замонҳои қадим аз  мис кулоҳу камарбанд, аслиҳаи ҷангӣ, кӯзаву лаълӣ, дег, сандуқ ва зарфҳои дигар омода менамуданд. Истеҳсоли маснуоти мисӣ, махсусан, дар давраи сулолаи Сомониён равнақу ривоҷ ёфта буд.

Боиси таассуф аст, ки имрӯз ин ҳунар ба ҷуз дар шаҳри Истаравшан дар минтақаҳои дигари кишвар дида намешавад. Дилшод Раҳимӣ, муовини директори Пажӯҳишгоҳи илмӣ-тадқиқотии фарҳанг ва иттилоот, дар суҳбат перомуни ин мавзӯъ иброз дошт, ки мисгарӣ дар кишвар қариб аз байн рафтааст ва сабабаш дар набудани ашёи хом аст. Аз ин рӯ, имрӯзҳо ҷои маснуоти мисиро  зарфҳои биринҷӣ гирифтаанд. Мавсуф афзуд, ки айни замон ба ин касб танҳо сокини шаҳри Истаравшан Мирзо Мансуров шуғл меварзаду халос.
Дар суҳбати телефонӣ бо усто Мирзо Мансуров ба мо маълум гардид, ки мисгарӣ барои оилаи онҳо пешаи аҷдодист. Чуноне ӯ иброз медорад, ин пеша басе заҳматталаб аст ва барои омӯхтани он пайваста саъю кӯшиш мебояд. Аз ин лиҳоз, ҳоло кам кас ба он мароқ зоҳир менамояд. Вале сарфи назар аз ин, мавсуф тайи солҳои тӯлонӣ шогирдони зиёдеро тайёр намудааст ва мекӯшад ин ҳунари аҷдодиро зинда нигоҳ дорад. Ҳарчанд, мавҷуд набудани ашёи хом воқеан ҳам садди роҳи фаъолияти онҳо гардидааст. Барои раҳоӣ ёфтан аз ин мушкилӣ, ӯ ҳамроҳи шогирдонаш маснуоти фарсудашудаи мисиро ҷамъоварӣ намуда, пас аз коркард, аз онҳо танҳо карнай месозанду халос. Зеро дар ҳоли ҳозир ба ин асбоби мусиқӣ талабот зиёд аст.      
Воқеан, боиси тазаккур аст, ки дар яке аз сафарҳои хеш ба шаҳри Истаравшан, Сарвари давлат муҳтарам Эмомалӣ Раҳмон бо карнайҳои сохтаи Мирзо Мансуров шиносоӣ пайдо намуда, ба маҳорат ва истеъдоди ӯ баҳои баланд доданд. Ҳамин буд, ки бо супориши Пешвои миллат чанде аз  онҳоро дар Осорхонаи миллӣ маҳфуз медоранд.
Умед аст, ки бо эълон гаштани соли 2018 ҳамчун Соли рушди сайёҳӣ ва ҳунарҳои мардумӣ пешаи мисгарӣ аз нав эҳё гардида, солҳои минбаъда рушду такомул меёбад, зеро ин на танҳо василаи афзоиши ҷойҳои корӣ, балки  муаррифии фарҳанги куҳанбунёди миллатамон ба ҷаҳониён мебошад, ки ин дар баробари худ ба пешрафти соҳаи сайёҳӣ мусоидат хоҳад кард.   
Қурбон АҲМАДЗОД, «Ҷумҳурият»


Баёни ақида (0)    Санаи нашр: 04.07.2018    №: 131    Мутолиа карданд: 183

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед