logo

фарҳанг

МИРЗО ТУРСУНЗОДА: "ШАҲРИ МАН, ШОИСТАИ АСРУ ЗАМОН АФТОДАӢ"

Шаҳри Душанбе чун маркази сиёсиву иқтисодӣ, илмию фарҳангӣ ва чун рамзи истиқлолият, пойдории давлату миллати Тоҷикистони озоду соҳибихтиёр аз тарафи ҷомеаи ҷаҳонӣ мавриди эътироф қарор гирифтааст. Бо ҳидояти хирадмандонаву ватанпарастонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо ибтикори шаҳрдории пойтахт Душанбе имрӯз чаман - чаман шукуфта, ба давраи нави рушду тараққиёти худ  ворид гардид. Душанберо дар ҷаҳон чун шаҳри сулҳу ваҳдат, дӯстию ҳамдилӣ, ҳамкориву ҳамгироӣ ва маркази баргузории анҷуманҳои бонуфузи сатҳи ҷаҳонӣ хуб мешиносанд. Душанбе на танҳо зиёратгоҳи сокинони мамлакат, балки тамошогоҳи мардумони олам гардидааст.
Ҳаёти бисёр фарзандони бузурги Тоҷикистон бо шаҳри Душанбе пайванди ногусастанӣ дорад, ки яке аз онҳо Қаҳрамони Тоҷикистон устод Мирзо Турсунзода мебошад.
Ҳангоме ки соли 1925 дар Душанбе аввалин мактаб – интернат кушода мешавад, Мирзои 14 – сола баҳри таҳсил ва илм омӯхтан  пиёдаву савора ба ин ҷо меояд. Бо ҳайрат ба чор тараф назар меафканад, аммо аз шаҳр осоре намебинад. Душанберо бо хонаҳои пасту гилинаш шабеҳи зодгоҳаш - деҳаи Қаротоғ дармеёбад. Душанбе он замон аз болои хоктӯдаву харобаҳои даврони куҳан қомат рост мекард, ки баъдҳо дар достони «Ҳасани аробакаш» бо ин мазмун тасвир шудааст:
Маркази нав – Душанбеи худро,
Дӯстдоранда наврасон будем.
Ба ҳама корҳои ин марказ,
Ҳамаи мо мададрасон будем.

Деҳаи аз қадим бе унвон,
Қомат аз рӯи хок мебардошт,
Аввалин донаҳои матлабро,
Ба замини хароби худ мекошт.
Аз ҳамон даврони наврасӣ то охири умр Мирзо Турсунзода маъвои дили худро дар шаҳри Душанбе дарёфта ва онро бо муҳаббати фарзандӣ дар шеъру суруду достонҳояш васфу ситоиш мекард. Шоир соли 1974 бо номи «Пойтахт» шеъре суруд, ки он дар маҷаллаи «Садои Шарқ» (рақами 10) мунташир гардид. Дар солҳои минбаъда шояд бо амри тасодуф ва ё дигар сабабҳои номаълум шеъри мазкур аз назари мураттибони китобҳои шоир дур монд ва дар ягон  маҷмӯаи ашъори ӯ ворид нашуд. Ҳамин тавр, он 44 сол инҷониб дастраси хонандагон нагашт. Дар ин муддати тӯлонӣ Душанбе ба куллӣ симои худро дигаргун сохт ва имрӯз биҳишти воқеиро мемонад. Шеъри устод Мирзо Турсунзода ончунон шево ва муассир садо медиҳад, ки гӯё маҳз барои Душанбеи имрӯзаи зебову шукуфон суруда шудааст. Ҳоло шеъри устодро чун дастагуле аз боғу гулистонҳои ин шаҳр ба хонандагони азиз тақдим медорем, то садои дили шоири бузург ва муҳаббати гарму ҷӯшони ӯро нисбат ба пойтахти Тоҷикистони соҳибистиқлол равшантар эҳсос намоянд.

ПОЙТАХТ
Пойтахтам, дар миёни кӯҳсор афтодаӣ,
Дар дили водии зархези Ҳисор афтодаӣ,
Мисли холи тоқи абруи диёр афтодаӣ,
Пойтахтам,  мешиносам ман чароғони туро,
Бурҷҳову кохҳои шуълаафшони туро.

Рӯдҳои нуқрагин печи камарбанди туанд,
Раъду барқи осмон оҳанги савганди туанд,
Партави моҳу ситора акси лабханди туанд,
Шаҳри ман, васфи туро манзил ба манзил мебарам,
Ту дили республика, дар мағзи дил дил мебарам,
Аз Душанбе асрҳои аср осоре набуд,
Ҳеҷ касро бо чунин як шаҳри нав коре набуд,
Дар Ҳисори шодмон ҷуз кундаву доре набуд,
Шаҳри ман, шоистаи асру замон афтодаӣ,
Кас намегӯяд, ки ту аз осмон афтодаӣ.

Дар радифи шаҳрҳои нозанин ҷои ту шуд,
Илм, санъат, техника пайваста дунёи ту шуд,
Дидаи бинанда равшан  аз тамошои ту шуд,
Ғарбиёну шарқиён муштоқи дидори туанд,
Москва, Ленинград ҳам сарвару ёри туанд.

Дар Душанбе ёфтам ман ҷумла фарзандони хеш,
Обрӯи хонадону зеби дастархони хеш,
Риштаи пайванди умру аҳди бепоёни хеш,
Умри ман пас мисли умри шаҳри ман дорад давом,
Медиҳам ман даст бар ояндагон бо эҳтиром.

Пойтахтам, дӯст дорӣ бомдоди хешро,
Хандаҳои кӯдаку тифлони шоди хешро,
Сокинони бовафову бомуроди хешро,
Чашм медӯзӣ ба сӯи қуллаҳои сарбаланд,
Қуллаҳоро сарбаландии ту меояд писанд.

Аз дару тирезаҳоят нур пошад офтоб,
Мисли он, ки зиндагиро гашт дохил инқилоб,
Мисли он, ки шуд зани тоҷик озод аз ҳиҷоб,
Ман шарикам, пойтахтам, бахти хандони туро,
Дар назар меоварам фардои пуршони туро.

Раҷабалӣ  ҚУДРАТОВ, Корманди шоистаи Тоҷикистон


Баёни ақида (0)    Санаи нашр: 04.07.2018    №: 131    Мутолиа карданд: 180

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед