logo

иқтисод

ИШКОШИМ. АВЛАВИЯТ БА БУНЁДКОРӢ

Марказ ва деҳоти ноҳияи Ишкошим ба шарофати Истиқлолияти давлатии Тоҷикистон ва тантанаи ваҳдати миллӣ торафт намуди зебо мегиранд. Нишонаи бунёдкориҳо қариб дар ҳар маҳал ва бештар аз ҳама дар маркази ноҳия ба чашм мерасад.  
Раиси ноҳия Зикрихудо Самадзода авҷи сохтмонҳо ва ободонӣ дар ноҳияро самараи таҳкими Истиқлолияти давлатӣ ва ваҳдати миллӣ дониста, бо хушнудӣ иброз дошт, ки айни ҳол дар  ноҳия ба истиқболи Ҷашни 30 – солагии Истиқлолияти давлатӣ сохтмони 28 иншоот идома дорад ва мавриди истифода қарор гирифтани онҳо дар ояндаи наздик ба рушди иҷтимоию иқтисодӣ ва фарҳангии ноҳия таъсири мусбати бештар хоҳад бахшид. Дар маркази ноҳия бинои маъмурии мақомоти иҷроияи маҳаллии ҳокимияти давлатӣ сохта шуд. Мумфаршсозӣ ва чароғонкунии  роҳу кӯчаҳо идома дорад. То ҳол ду километр роҳҳои маркази ноҳия хушсифат мумфарш шуда, то ҷашни миллӣ боз таъмиру навсозии 4,5 километр роҳ дар  назар   аст. Ин  иқдом  бо дастури бевоситаи Пешвои миллат, Президенти кишвар муҳтарам  Эмомалӣ  Раҳмон  роҳандозӣ  мегардад.
Сокинон, ки айни ҳол ҷойи баргузории чорабиниҳои оммавии варзишӣ ва фарҳангӣ надоранд, соҳиби варзишгоҳи замонавӣ мегарданд. Дар маркази ноҳия сохтмони варзишгоҳ барои 4 ҳазор нафар босуръат идома дорад. Дар шафати варзишгоҳ барои хизматчиёни давлатӣ, кормандони ҳифзи ҳуқуқ ва омӯзгорону табибон 24 манзили истиқоматӣ қомат меафрозад.
Ҳамчунин, дар маркази ноҳия санги асоси бинои муассисаи таҳсилоти миёнаи умумии рақами 21 гузошта шудааст. Бо бунёди мактаби нав барои 1200 хонанда шароити замонавии таҳсил дар ду баст муҳайё мегардад. Муассисаи таълимӣ нахустин бинои сеошёна дар маркази ноҳия буда, дар оянда вусъати сохтмони биноҳои баландошёна дар маркази ноҳия ва деҳот  ба  нақша  гирифта  шудааст.
Сатҳу сифати хизматрасонии тиббӣ дар деҳот беҳтар мешавад. Тибқи омори расмӣ, танҳо тайи  солҳои 2001 - 2017 дар ноҳия 114 иншооти таъйиноти гуногун ба маблағи беш аз  64 миллион сомонӣ сохта ва ё таъмиру навсозӣ шуда, мавриди баҳрабардорӣ қарор гирифтанд. Барои иншооти сохташаванда дар соли 2018 бошад, аз ҳисоби ҳамаи сарчашмаҳои маблағгузорӣ масрафи беш аз 123 миллион сомонӣ дар назар аст.
Кишоварзӣ бахши муҳими иқтисоди ноҳия буда, рушди соҳа дар маркази таваҷҷуҳ қарор дорад. Айни замон, дар 2 ҳазору 787 гектар зироат  кишт шудааст. Дастранҷи деҳқонон талаботи сокинони ноҳияро бо картошка пурра ва ғалладона  60 фоиз таъмин мекунад. Ба мақсади беҳтар намудани вазъи  таъмини сокинон бо меваи тару тозаи истеҳсоли худӣ  ҳамасола боғҳои нав бунёд меёбанд. Соли равон дар доираи иҷрои қарори раиси ВМКБ «Дар бораи эълон намудани маъракаи 120 рӯзи ободонӣ ва кабудизоркунӣ» 13 гектар боғи нав бунёд гардид. Ҳамчунин, 17 гектар ҷангалзор барқарор ва дар он 8 ҳазор бех ниҳол  шинонда шуд.
Дар мавзеи Лангари ноҳия сохтмони  дидбонгоҳи марзӣ анҷом ёфт. Дидбонгоҳи марзӣ ва инфрасохтори он дар ҳудуди се гектар доман паҳн карда, дар он барои назорати вуруди шаҳрвандон ва молу коло аз марзи давлатӣ ва мубодилаи тиҷоратӣ шароитҳои замонавӣ фароҳаманд. Бо ба эътидол омадани вазъи иҷтимоӣ дар кишвари ҳамсояи Афғонистон ин гузаргоҳи марзӣ метавонад ба калонтарин нуқтаи тиҷоратии наздимарзӣ табдил ёбад. Зеро на фақат тоҷирони афғон, балки Покистон, ки долони танги Вахони Афғонистон онҳоро аз ин бозори марзӣ ҷудо мекунад, имконияти мустақиман дар ин бозор тиҷорат карданро доранд.
Президенти кишвар Эмомалӣ Раҳмон Истиқлолияти давлатӣ ва ваҳдати миллиро арзишмандтарин дастоварди тоҷикон ва муҳофизати онҳоро вазифаи ҷонии ҳар шаҳрванди кишвар унвон кард. Раиси ноҳия дар мулоқот бо марзбонон ва сокинон бо такя ба ин нукта изҳор дошт, ки фазои беғубори сулҳу ваҳдат ва созандагиро ҳеҷ неруе наметавонад  тира созад.
Раҳмони ГУЛЗОР, “Ҷумҳурият”


Баёни ақида (0)    Санаи нашр: 04.07.2018    №: 131    Мутолиа карданд: 458
30.11.2020


ВАО: БАЙДЕН БОРИ НАХУСТ ДАР ТАЪРИХИ ИНТИХОБОТИ ИМА 80 МИЛЛИОН ОВОЗ ГИРИФТ

ҶАҲОН ДАР ЯК САТР

ТАҒЙИРОТ БА ҚОНУН. МУТАХАССИСОН БО НАЗАРДОШТИ ТАЛАБОТИ БОЗОРИ МЕҲНАТ ОМОДА МЕГАРДАНД

26.11.2020


ВОХӮРИИ РУСТАМИ ЭМОМАЛӢ БО СЕРГЕЙ СОБЯНИН

НОҲИЯИ ТЕМУРМАЛИК. ТАРБИЯИ ИҶТИМОӢ ТАРБИЯИ МИЛЛАТ АСТ

СУҒД. ИТТИФОҚИ КОРГОҲҲОИ САНОАТИ САБУК ТАЪСИС ЁФТ

ДИЕГО МАРАДОНА . НОБИҒАИ ФУТБОЛ БА ДУНЁИ УЛВӢ ПАЙВАСТ

ДАР АФҒОНИСТОН АЗ ДУ ТАРКИШИ САХТ 17 НАФАР ҲАЛОК ГАШТ

ҶАҲОН ДАР ЯК САТР

25.11.2020


«ШАХСИЯТИ БУЗУРГИ ТАЪРИХСОЗ»

СУДИ ОЛИИ ИҚТИСОДӢ. ҲАМОИШИ ИДОНА БА ИФТИХОРИ ҶАШНИ МИЛЛӢ

ПАРЧАМИ ДАВЛАТӢ РАМЗИ БАХТУ САОДАТ

КФО. "ИСТИҚЛОЛ" 13 ЗИНА БОЛО РАФТ

ДАР ТОҶИКИСТОН ТЕЪДОДИ ШИФОЁБӢ АЗ COVID НАЗАР БА ГИРИФТОРӢ БЕШТАР ШУД

ҶАҲОН ДАР ЯК САТР

23.11.2020


НОҲИЯИ ФИРДАВСӢ. МУҚОВИМАТ БО КОРРУПСИЯРО ТАҲКИМ МЕБАХШАНД

ПУТИН АЗ МАНСУБИЯТИ КӮҲИСТОНИ ҚАРИЯБОҒ СУХАН КАРД

ҶАҲОН ДАР ЯК САТР

ЭРЛИНГ ҲОЛАНД "GOLDEN BOY" ШУД

ПАХТА. ИҶРОИ 97 ДАРСАДИ ДУРНАМО

НОҲИЯИ БОБОҶОН ҒАФУРОВ. НАҚШАИ ИСТЕҲСОЛИ ПАХТА БАРЗИЁД ИҶРО ШУД

БУҶЕТИ ДАВЛАТӢ – 2021. 27 МИЛЛИАРДУ 645,8 МИЛЛИОН СОМОНӢ ПЕШБИНӢ ГАРДИД

КӮЛОБ. ХӮРОК БАРОИ ДАРМОН АСТ, НА ЗИЁН

СУҒД. ДОРУҲОИ ПАСТСИФАТРО НОБУД КАРДАНД

АФШУРАИ АНОР АНГЕЗАИ COVID - РО ТО 80 ДАРСАД МАҲВ МЕКУНАД

«ТОҶИКИСТОН – 2020». ФОРУМИ БАЙНАЛМИЛАЛИИ САЙЁҲӢ

19.11.2020


ВАҲДАТ. ШАҲР ШУКУФТАН ДОРАД

16 – НОЯБР. ИН РӮЗРО ДАР СУДИ ОЛИИ ИҚТИСОДӢ БОТАНТАНА ҶАШН ГИРИФТАНД

НУРОБОД. 30-СОЛАГИИ ИСТИҚЛОЛИЯТРО САЗОВОР ИСТИҚБОЛ МЕГИРЕМ

18.11.2020


НОҲИЯИ СПИТАМЕН. НАҚШАИ ИСТЕҲСОЛИ ПАХТА 100,1 ДАРСАД ИҶРО ГАРДИД

ҶАЙҲУН. САРВАЗИР БА ДАСТРАНҶИ КИШОВАРЗОН БАҲОИ БАЛАНД ДОД

КӮЛОБ. БУНЁДИ МАЙДОНЧАИ ВАРЗИШ

ТАШРИФИ САРМОЯГУЗОРОНИ КОРЕЯ БА МОИ «КӮЛОБ»

ХИЗМАТИ ҲАРБӢ. НАҚШАИ ДАЪВАТИ ТИРАМОҲӢ ПЕШ АЗ МУҲЛАТ ИҶРО ШУД

ҶОИЗАИ НАВБАТИИ СИНАМОГАРОНИ ТОҶИК


Дар сомонаҳои дигари Тоҷикистон хонед