logo

сиёсат

МЕЪМОРИ ВАҲДАТ

Таҷлили бошукӯҳи 21 - солагии Рӯзи Ваҳдати миллӣ, ки бо иштироки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Конибодоми вилояти Суғд баргузор гардид, бори дигар шукӯҳу ҷалоли ин ҷашни саодатофарро бозтоб намуд. Дар дидагони ҳама ашки шодӣ  ҳувайдо гашт, зеро  то ба сулҳ расидан мардуми шарафманди тоҷик хисороти зиёди моливу ҷонӣ дода буд.
Сари андеша меравам, зеро ёру бародарони қарин анқариб бо ҳам бегона гардида буданд. Кошонаҳои авлодӣ, марғзору боғот, работҳои марказиамон зери тасмаи оҳанини танку тӯпҳо қарор гирифтанд. Бори нахуст 16 январи соли 1994 Сарвари давлат ба ҳамватанони фирориамон, ки аз талвосаҳои бедодгарӣ, куштору ғорат, тангии рӯзгордорӣ, гуруснагию бадбахтиҳо тарки мулки аҷдодӣ карда буданд, муроҷиати ватанхоҳона, бародарона ва хоҳишмандона карданд, ки боз ба Тоҷикистон, ба маконҳои зисти авлодӣ баргарданд. Ба хотири сарҷамъии миллат ҷон ба гарав гузошта, тадбир меандешиданд, нақшаи ба Ватан баргардондани модарони зору низор, хоҳарони дилреш, бародарони аз худ бегонаро тарҳрезӣ менамуданд.
Таърихро мо - инсонҳо, барои худ меофарем. Аз ин рӯ,  падарона, бародарона, писарона ба ҳамватанон муроҷиат намуданд: ”Модарону хоҳарони азиз, падарони меҳрубон, биёед, дасти ҳам гирем. Мулкро обод намоем. Мо ҳама муштоқи дидори ҳамдигарем”.
Таърих дақиқ кардааст. Яку ду не, балки ба ҳам омадани тоҷикон солҳои зиёд ҷараён гирифт. Ахиран рукни арзишмандтарини даъвати баҳамойиро, бешубҳа, муроҷиатҳои бардавоми Сарвари давлат, ин фарзанди фарзона ба амал баровард. Гуфтанд, ки ин ҳама сангарнишиниҳо, ҷангу камонкашиҳо, дуди ғализи талхи тӯпҳо ба ғайр аз бедодӣ ва маҳву нобудӣ чизи дигаре ба бор нахоҳанд овард.
Тадбири дигар, ин авфи гуноҳ аст. Ҳамаро бахшиданд. Бо нияти нек, қалби беолоиш, назари тоза андешаи фардову фардоҳои дигарро роҳандозӣ намуданд. Аз пайи мулоқотҳои тӯлонӣ бо мухолифон насими сулҳ  вазид. Мо, бародарони ҳамхун дасти ҳам фишурдем. Ин таҷриба не, балки таҳаввулоти ҷиддӣ ва инқилобе буд, ки  моро бо ҳам оштӣ доронд.  
Чу аз оштӣ шодӣ ояд ба чанг,
Хирадманд ҳаргиз накӯшад ба ҷанг.
Мо бо сарварии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳаёти хушу хуррам, ба паймони бародарӣ расидем. Бо дастони муъҷизаовари халқамон, бо рӯйи сурху сари боло ин мулки аҷдодиро обод, дилҳоро шод намудем. Пас, биёед, мо шукри ин неъмати бебаҳо, суботи осудагию ободиҳо намоем. Бо меҳнати садоқатмандона зери шиори баробарию бародарӣ ҳомии мулки ин сулҳи бебозгашт бошем.
Қатра - қатра оқибат дарё шудем,
Зарра-зарра кӯҳи побарҷо шудем.
Идигул ҚОСИМЗОДА,
раиси Кумитаи кор бо занон ва оилаи
назди Ҳукумати Ҷумҳурии Тоҷикистон


Баёни ақида (0)    Санаи нашр: 04.07.2018    №: 131    Мутолиа карданд: 260

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод


Дар сомонаҳои дигари Тоҷикистон хонед