logo

иҷтимоиёт

ТАРБИЯИ ФАРЗАНД: БОЯДҲОВУ НАБОЯДҲО

Дар таҷрибаи омӯзгории худ бо падару модарони гуногун рӯ ба рӯ шудаам. Падару модароне ҳастанд, ки бо вуҷуди теъдоди зиёди фарзанде, ки доранд, ҳанӯз ба нозукиҳои тарбияи саҳеҳи онҳо пай набурдаанд. Бо бояду набоядҳои зиндагии ҷамъӣ хуб ошно нестанд.
Ҳамчунин, падару модарони беш аз ҳад фаъоле вуҷуд доранд, ки бо дахолати пайваста дар раванди омӯзиш бовари фарзанд ба худ, истиқлолияти ӯро барои тасмимгирӣ ва андешидан мерабоянд. Чунин кӯдакон аксаран доно ва боадаб, вале дар айни ҳол тарсӯ ва дурӯғгӯ ба воя мерасанд. Чаро? Чунки ин ҳузури ҳамешагӣ, назорати беш аз ҳад ва танбеҳ гирифтан дар иштибоҳ боис мешавад, ки мисли робот фақат вазифаҳои худро бишносанд. Дар ин маврид эҳсосоти  онҳо ба сурати табиӣ рушд намекунад, чунки онҳо ҳатто дар баёни кӯчактарин ниёзи табиии худ саъй менамоянд, ки онро бо ҳолату дархостҳои падару модарашон мувофиқ гардонанд.
Баъзе падару модарон беш аз ҳад фориғболанд. Ба раванди рушди ахлоқӣ ва донишандӯзии фарзанд беэътиноанд ва барои мулоқот намудан бо омӯзгор чандон рағбат надоранд.
Таъкиди ин навишта бар шиносоии аҳамияти набоядҳо ва танбеҳ дар раванди тарбияи солими шахс аст. Рушди солими ҳар шахс, дар воқеъ, дар чорчӯби ошноии ӯ бо ҳар ду паҳлуи зиндагӣ: «ҳам боядҳо ва ҳам набоядҳо» муяссар аст. Мутаассифона, муҳаббати беш аз ҳад баъзан моро то он ҳад кӯр мекунад, ки ғарқи навозиши фарзанд, фақат ба айшу нӯши ӯ меандешем. Айшу нӯш дар фазои хона шояд боке надошта бошад, вале фаромӯш набояд кард, ки дар тарбияи фарзанд на танҳо дар баробари худи ӯ, балки дар баробари ҷомеа низ посухгӯ ҳастем. Падару модар дар раванди тарбияи фарзанд муваззафанд, ки оид ба омодагии ӯ барои вориди робитаҳои солим дар ҷомеа шудан низ биандешанд ва ӯро аз шеваҳои шоистаи муошират бо дигарон, арзишу суннатҳои зиндагии ҷамъӣ ва аҳамияти онҳо огоҳ созанд.
Дар ҳар сурат бояд падару модар битавонанд, ки ба тарбияи фарзанд фаротар аз айнаки муҳаббати бечунучарояшон нисбат ба ӯ нигоҳ кунанд ва раванди тарбияро ҳамчун як мавзӯи хусусӣ ва салиқаӣ арзёбӣ нанамоянд. Фарзанд на танҳо ба хонавода, балки ба ҷомеа низ тааллуқ дорад ва дар оянда чун унсури ҷомеа дар фарозу нишеби он саҳмгузор хоҳад буд. Аз он ҷо, ки ҷомеа макони бархӯрди манфиатҳост, афрод ба хотири мумкин гардидани фаъолияти солиму дуруст бояд ёд бигиранд, ки барои манфиати шахсии худ ҳадду марз қоил шаванд. Шиносоии ҳадду марз дар пайгирии майлу рағбатҳои шахсӣ аз тариқи ошноӣ бо набоядҳо ва баъзан аз тариқи танбеҳ сурат мепазирад. Муқаррарсозии ҳадду марз барои манфиатҳо ва хостаҳои шахсӣ айниятёбии манфиати дигаронро мумкин мегардонад. Фаромӯш набояд кард, ки ҷомеаи солиму устувор самараи сохтори одилонаи муносибатҳои ҷамъиятист, ки ин сохтори одилона дар навбати худ самараи ҳамкорӣ ва ҳамбастагӣ миёни боядҳо ва набоядҳост. Аз ин рӯ, мо бо ба дунё овардани фарзанд ва тарбияи ӯ масъулияти азимеро дар баробари ҷомеа бар дӯш дорем ва бояд ба мавзӯи тарбия бо ҷиддияти тамом ва бо назардошти паҳлуи нохушоянди он, ки он ҳам танбеҳи фарзанд аст, нигоҳ кунем.
Меҳриниссо ПИРОВА,
омӯзгори МТМУ - и № 36 – и шаҳри Душанбе


Баёни ақида (0)    Санаи нашр: 05.07.2018    №: 132    Мутолиа карданд: 150

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард


Дар сомонаҳои дигари Тоҷикистон хонед