logo

иқтисод

ХАТЛОН. САНОАТ РУШД МЕЁБАД

Соҳибкорони вилояти Хатлон, дар баробари он ки ҳамасола корхонаю коргоҳҳои нави саноатӣ таъсис медиҳанд, иқтидори истеҳсолии корхонаҳои мавҷударо  низ тақвият мебахшанд. Шавкат Маҳмадалиев, мудири шуъбаи энергетика ва саноати мақомоти иҷроияи ҳокимияти давлатии вилояти Хатлон, дастовардҳои соҳаи саноат ва нақши соҳибкоронро дар ин самт ба хабарнигори “Ҷумҳурият” чунин шарҳ дод:       

–  Агар гӯем, ки аз оғози сол ба шарофати дастгириҳои Сардори давлат нисбат ба соҳибкорон иқтидори саноатии вилоят нерую нафаси тоза мегирад, хато нахоҳем кард. Давоми соли равон дар шаҳру ноҳияҳои вилоят 22 корхонаю коргоҳи нави саноатӣ таъсис ёфта, 129 нафар бо ҷойи кори доимӣ таъмин гардид. Дар шаҳру навоҳии Кӯлоб, Шамсиддини Шоҳин, Муъминобод, Ҷайҳун, Вахш, Данғара ва Восеъ аз ду то панҷ корхонаю коргоҳ мавриди истифода қарор дода шуд.  
Айни замон, танҳо дар ҳудуди минтақаҳои озоди иқтисодии «Данғара» ва “Панҷ” сохтмони 14 корхонаи саноатӣ, амсоли корхонаҳои коркарди саноатии хӯроки чорво, нафт, зағири техникӣ, меваҷот, истеҳсоли конструксияҳои металлӣ, намак, маҳсулоти оҳану бетон, хишт, рангҳои сохтмонӣ, молҳои саноатӣ, қубурҳои пластикӣ, чуткаи дандоншӯӣ, равғани офтобпараст, пойафзоли резинӣ ва бунёди анборҳои нигоҳдорӣ босуръат идома дорад.
То таҷлили 30 - солагии Истиқлолияти давлатии Ҷумҳурии Тоҷикистон, яъне то соли 2021 баҳри боз ҳам зиёд кардани номгӯи маҳсулоти саноатии вилоят аз ҳисоби маблағҳои Фонди ҷумҳуриявии дастгирии соҳибкорӣ ва сармояҳои хусусию маҳаллӣ бунёди 75 корхонаи калону миёна дар назар аст. Азбаски Хатлон вилояти аграрист, зимни эъмори ин корхонаҳо ба самти коркард ва парвариши меваю сабзавот, пилла, нахи пахта, пашму пӯст, истеҳсолоти нассоҷӣ, кимиёӣ ва маҳсулоти дигари кишоварзӣ афзалият дода мешавад.
Аллакай дар ноҳияҳои Ёвон, Данғара, Вахш, Ҷалолиддини Балхӣ ва Фархор сохтмони корхонаҳои шишабарорӣ (иқтидори солонаи истеҳсолиаш 700 ҳазор тонна), кошин (300 ҳазор метри мураббаъ), эмулсияҳои ранга (15 ҳазор тонна), пахташиша (170 ҳазор метри мукааб),  конструксияҳои металлӣ (300 ҳазор тонна), коркарди маҳсулоти нафтӣ (1,2 миллион тонна), пахта (30 ҳазор тонна) ва дигар иншооти истеҳсолӣ идома дорад ва дар ин замина таъсиси зиёда аз 1700 ҷойи кори доимӣ дар назар аст.
Навиди фараҳбахши дигар ин аст, ки ягона корхонаи ресандагии шаҳри Кӯлоб - “Тента Кӯлоб”, ки тайи солҳои охир аз фаъолият монда буд, соли ҷорӣ пурра таҷдид гардид ва рӯзҳои наздик бо фароҳамоварии 80 ҷойи нави корӣ ба кор шурӯъ мекунад.
Зимнан, то соли 2021 дар маҷмӯъ 4 корхона ва коргоҳи коркарди пӯсту пашм, 4 корхонаи истеҳсоли пойафзол, 14 корхонаи қаннодӣ, 17 корхонаи коркарди ширу гӯшт ва 3 корхонаи коркарди пилла пешбинӣ шудааст. Дар ин замина зиёд намудани ҳаҷми истеҳсоли маҳсулоти соҳа, ба роҳ мондани коркарди ашёи хоми маҳаллӣ ва баланд бардоштани сатҳи рақобатпазирии маҳсулоти саноати сабук аз ҳадафҳои асосӣ маҳсуб меёбанд.  
Бо назардошти имкониятҳои мавҷуда барои эҳё ва рушди ҳунарҳои мардумӣ, назири заргарӣ, бофандагӣ, пойафзолдӯзӣ, кешбофӣ, дӯзандагӣ, ҷӯроббофӣ, ресандагӣ ва қолинбофӣ таваҷҷуҳи ҷиддӣ зоҳир гардида, бо ин мақсад то соли 2021 бунёди 12 маркази дӯзандагӣ, 14 коргоҳи пухтупаз, 6 коргоҳи ресандагӣ ва 4 коргоҳи заргарӣ ба нақша гирифта шудааст.
Аммо ин ҳадди охир нест. Иҷрои пурраю саривақтии дастуру ҳидоятҳои Сарвари давлат муҳтарам Эмомалӣ Раҳмон, ки дар Паёми навбатӣ ба Маҷлиси Олӣ, ҷаласаи васеи Ҳукумати Ҷумҳурии Тоҷикистон оид ба натиҷаҳои рушди иҷтимоию иқтисодии кишвар дар соли 2017 ва вазифаҳо барои соли 2018 ва вохӯриҳо бо намояндагони аҳли ҷомеаи кишвар, хусусан дар самти гузариш аз мамлакати аграрию саноатӣ ба индустриалию аграрӣ, дода шудаанд, аз мақомоти иҷроияи маҳаллии ҳокимияти давлатӣ, роҳбарони шаҳру навоҳӣ, корхонаю муассисаҳо, масъулон ва хусусан, соҳибкорони бонангу номуси вилоят, иқдомҳои ватандӯстона ва андешидану амалисозии тадбирҳои наву муассирро  тақозо менамояд.
Зокир ҲАСАН, “Ҷумҳурият”


Баёни ақида (0)    Санаи нашр: 05.07.2018    №: 132    Мутолиа карданд: 483
30.11.2020


ВАО: БАЙДЕН БОРИ НАХУСТ ДАР ТАЪРИХИ ИНТИХОБОТИ ИМА 80 МИЛЛИОН ОВОЗ ГИРИФТ

ҶАҲОН ДАР ЯК САТР

ТАҒЙИРОТ БА ҚОНУН. МУТАХАССИСОН БО НАЗАРДОШТИ ТАЛАБОТИ БОЗОРИ МЕҲНАТ ОМОДА МЕГАРДАНД

26.11.2020


ВОХӮРИИ РУСТАМИ ЭМОМАЛӢ БО СЕРГЕЙ СОБЯНИН

НОҲИЯИ ТЕМУРМАЛИК. ТАРБИЯИ ИҶТИМОӢ ТАРБИЯИ МИЛЛАТ АСТ

СУҒД. ИТТИФОҚИ КОРГОҲҲОИ САНОАТИ САБУК ТАЪСИС ЁФТ

ДИЕГО МАРАДОНА . НОБИҒАИ ФУТБОЛ БА ДУНЁИ УЛВӢ ПАЙВАСТ

ДАР АФҒОНИСТОН АЗ ДУ ТАРКИШИ САХТ 17 НАФАР ҲАЛОК ГАШТ

ҶАҲОН ДАР ЯК САТР

25.11.2020


«ШАХСИЯТИ БУЗУРГИ ТАЪРИХСОЗ»

СУДИ ОЛИИ ИҚТИСОДӢ. ҲАМОИШИ ИДОНА БА ИФТИХОРИ ҶАШНИ МИЛЛӢ

ПАРЧАМИ ДАВЛАТӢ РАМЗИ БАХТУ САОДАТ

КФО. "ИСТИҚЛОЛ" 13 ЗИНА БОЛО РАФТ

ДАР ТОҶИКИСТОН ТЕЪДОДИ ШИФОЁБӢ АЗ COVID НАЗАР БА ГИРИФТОРӢ БЕШТАР ШУД

ҶАҲОН ДАР ЯК САТР

23.11.2020


НОҲИЯИ ФИРДАВСӢ. МУҚОВИМАТ БО КОРРУПСИЯРО ТАҲКИМ МЕБАХШАНД

ПУТИН АЗ МАНСУБИЯТИ КӮҲИСТОНИ ҚАРИЯБОҒ СУХАН КАРД

ҶАҲОН ДАР ЯК САТР

ЭРЛИНГ ҲОЛАНД "GOLDEN BOY" ШУД

ПАХТА. ИҶРОИ 97 ДАРСАДИ ДУРНАМО

НОҲИЯИ БОБОҶОН ҒАФУРОВ. НАҚШАИ ИСТЕҲСОЛИ ПАХТА БАРЗИЁД ИҶРО ШУД

БУҶЕТИ ДАВЛАТӢ – 2021. 27 МИЛЛИАРДУ 645,8 МИЛЛИОН СОМОНӢ ПЕШБИНӢ ГАРДИД

КӮЛОБ. ХӮРОК БАРОИ ДАРМОН АСТ, НА ЗИЁН

СУҒД. ДОРУҲОИ ПАСТСИФАТРО НОБУД КАРДАНД

АФШУРАИ АНОР АНГЕЗАИ COVID - РО ТО 80 ДАРСАД МАҲВ МЕКУНАД

«ТОҶИКИСТОН – 2020». ФОРУМИ БАЙНАЛМИЛАЛИИ САЙЁҲӢ

19.11.2020


ВАҲДАТ. ШАҲР ШУКУФТАН ДОРАД

16 – НОЯБР. ИН РӮЗРО ДАР СУДИ ОЛИИ ИҚТИСОДӢ БОТАНТАНА ҶАШН ГИРИФТАНД

НУРОБОД. 30-СОЛАГИИ ИСТИҚЛОЛИЯТРО САЗОВОР ИСТИҚБОЛ МЕГИРЕМ

18.11.2020


НОҲИЯИ СПИТАМЕН. НАҚШАИ ИСТЕҲСОЛИ ПАХТА 100,1 ДАРСАД ИҶРО ГАРДИД

ҶАЙҲУН. САРВАЗИР БА ДАСТРАНҶИ КИШОВАРЗОН БАҲОИ БАЛАНД ДОД

КӮЛОБ. БУНЁДИ МАЙДОНЧАИ ВАРЗИШ

ТАШРИФИ САРМОЯГУЗОРОНИ КОРЕЯ БА МОИ «КӮЛОБ»

ХИЗМАТИ ҲАРБӢ. НАҚШАИ ДАЪВАТИ ТИРАМОҲӢ ПЕШ АЗ МУҲЛАТ ИҶРО ШУД

ҶОИЗАИ НАВБАТИИ СИНАМОГАРОНИ ТОҶИК


Дар сомонаҳои дигари Тоҷикистон хонед