logo

иқтисод

ГУЗАРИШ БА ИҚТИСОДИ ИНДУСТРИАЛӢ – АГРАРӢ ЧӢ БОЯД КАРД?

Дар Паёми навбатии Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ махсус таъкид гардид, ки мо - мардуми Тоҷикистон бояд минбаъд низ доир ба ҳифзи манфиатҳои иқтисодии кишвар, истифодаи самараноку оқилонаи захираҳои табиӣ, дарёфти сарчашмаҳои нави рушди иқтисодӣ, баланд бардоштани қобилияти рақобатпазирии истеҳсолоти ватанӣ ва татбиқи технологияҳои инноватсионӣ кӯшиш намоем. Дар партави ин ҳидоятҳои Пешвои муаззами миллат ҳоло дар ҷумҳурӣ корҳои муайяни илмӣ - тадқиқотӣ ва амалӣ ҷараён мегиранд. 

Ҳанӯз дар солҳои навадум бо супориши сарону хадамоти махсуси мамлакатҳои “ҳафтгонаи бузург” мутахассисон гузориши Хазинаи байналмилалии асъорро омода карданд, ки дар он барои чӣ тавр дар муддати кӯтоҳтарин сохти иҷтимоии даврони шӯравиро ба капиталистӣ табдил додан тавсияҳо баён шуда буданд. Барои ин се роҳи ҳал нишон дода шуд: ғайримонополӣ гардондани моликияти давлатӣ, кам кардани саҳми иштироки давлат дар иқтисодиёт ва ворид кардани нархҳои озоди танзимнашаванда. Мувофиқи ин дастурамал дар ҳамаи мамлакатҳои  сотсиалистии пасошӯравӣ, аз ҷумла дар Тоҷикистон, дигаргунсозиҳои иқтисодию иҷтимоӣ ба вуҷуд омаданд. Ин  вазъ ба иқтисодиёти кишвар таъсири амиқ гузошт. На танҳо истеҳсол ва таъмингардонии аҳолӣ бо молҳои саноатӣ кам гардид, балки истеҳсоли баъзе маҳсулот ва таъмини амнияти озуқаворӣ аз байн рафт. Аз хориҷи кишвар маводи хӯрока ва дигар воситаҳои истеъмолии ба саломатии инсон хавфнок ворид гаштанд. Натиҷаи ҳамин аст, ки ҳоло иқтисодиёти мамлакат характери аграрӣ - индустриалӣ дошта, дар бозори дохилӣ молҳои воридотии хориҷӣ назар ба молҳои истеҳсоли ватанӣ ҳанӯз зиёданд. Дар сохтори содиротии мамлакат ҳиссаи асосиро, мутаассифона, ашёи хом ишғол менамояд. Масалан, соли 2017 дар таркиби содироти мамлакат ҳиссаи маҳсулоти маъданӣ 40,7, сангҳои қиматбаҳо ва нимқиматбаҳо 17,8, маҳсулоти саноати нассоҷӣ 15,2, маҳсулоти рустанӣ 2,2 ва дигар молҳо 5 дарсадро ташкил доданд. Дар асоси ҳидояти хирадмандонаи Пешвои миллат пеш гирифтани самти нави тараққиёти иқтисодиёти кишвар талаб мекунад, ки дар ҷумҳурӣ ҳар чи бештар истеҳсоли маҳсулоти рақобатпазир ва хизматрасонии ҷавобгӯ ба талаботи муосир ба роҳ монда шавад. Барои ин роҳи ягонаи боэътимод ин гузаштан ба азнавиндустриякунонӣ, таъмини соҳаҳои истеҳсолот ва хизматрасонӣ бо технологияҳои пешрафта, ҳамчунин, ташкил кардани бахши технологияи баланди иқтисодиёти миллӣ, беҳтар намудани истифодаи босамари  моликияти зеҳнии инсонӣ ва амалисозии дастовардҳои навтарини илму техника ба ҳисоб меравад.  Талошҳои давлату Ҳукумати Тоҷикистон ҷиҳати гузаштан аз иқтисодиёти  аграрӣ – индустриалӣ ба индустриалӣ - аграрӣ, яъне пеш гирифтани модели нави тараққиёти индустриалӣ низ маҳз ба ҳамин хотир мебошад.
Тараққиёти инноватсионии иқтисодиёти мамлакат дар навбати худ талаб мекунад, ки иқтисодиёти кишвар характери индустриалӣ-технологӣ дошта бошад. Зеро ба пуррагӣ амалӣ кардани табаддулоти индустриалии иқтисодиёти кишвар ба он нигаронда шудааст, ки бо истифодаи дастовардҳои инноватсионии муосир қувваҳои истеҳсолкунандаи сифатан нав ва технологияҳои бо системаи мошинии автоматикунондашуда алоқаманд ба вуҷуд оварда шаванд. Барои ин бояд дар навбати аввал ба ташкил ва тараққӣ додани соҳаҳои гуногуни истеҳсолоти мошинсозии худӣ роҳ кушоем, то имконияти истеҳсол кардани арзишҳои истеъмолии илм талаби таъйиноти ҳам саноатӣ ва ҳам истеъмолиро дошта бошад.
Таҳлилҳои илмӣ нишон медиҳанд, ки омилҳои муҳимтарини тараққиёти инноватсионӣ, ки асоси саноатикунонии ин ё он давлат ба ҳисоб мераванд, дастовардҳо дар соҳаи мошинсозӣ, электроника ва самаранокии энергетикӣ мебошанд. Мошинсозӣ дар навбати худ сохтани воситаҳои истеҳсолоти ҳосилнокиашон баландтаринро таъмин менамояд, ки он асоси тараққиёти дигар соҳаҳои иқтисоди миллии кишвар, махсусан саноати электронӣ, мебошад.
Айни замон, барои расидан ба ин ҳадафи олӣ, дар баробари ворид кардани хати технологӣ, ҳамчунин, ба умеди дастовардҳои инноватсионии кишварҳои хориҷӣ, аз ҷумла таҷҳизот ва мошинолоти онҳо шудан нодуруст аст, зеро маҳсулот зуд фарсуда шуда, зарурати аз нав харидани он лозим меояд, ки ин вобастагиро аз кишварҳои хориҷа доимӣ мекунад. Ба он ақида низ розӣ шудан мумкин нест, ки мамлакати мо дар соҳаи мошинсозӣ  қафомонда аст ва барояш назар ба коркард ва истеҳсоли техника ва технологияи худӣ харидани маҳсулоти мошинсозӣ аз хориҷа фоидаовар аст. Таҷрибаи ғании солҳои барқарорсозии ҳокимияти шӯравӣ, Япония ва Олмон баъди Ҷанги дуюми ҷаҳон, мамлакатҳои навиндустриалии Сингапуру Таиланд ва Ҷумҳурии Мардумии Чин пурра собит месозанд, ки бо роҳи рушди индустрия ва мошинсозии ватанӣ ба зудӣ на танҳо ба мамлакатҳои индустриалӣ, балки содиркунандаи асосии техника ва технологияи пешқадами муосир мубаддал гардидан имконпазир аст. Ин мамлакатҳо замоне хеле қафомонда ва ҳатто харобазор буданд. Бинобар ин, ҳамаи чораҳоро дидан зарур аст, ки Тоҷикистонро низ аз ин вазъ берун барорем. Барои дигаргунсозии технологии иқтисодиёти Тоҷикистон дар навбати аввал гузаштан ба тараққиёти индустриалии инноватсионӣ зарур аст, то дар кишвар дастгирии тараққиёти илм ва пайванди он ба истеҳсолот вусъат ёфта, суръати коркард ва истеҳсоли маҳсулоти ниҳоӣ тезонда шавад. Барои татбиқи сиёсати нави саноатии ба технологияи пешқадами сатҳи баланд асосёфта сохтани техникаи нави ба рақобат тобовар шарти муҳим аст.
Абдуғаффор РАУФӢ,
доктори илмҳои иқтисодӣ, профессор


Баёни ақида (0)    Санаи нашр: 05.07.2018    №: 132    Мутолиа карданд: 340
02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД


Дар сомонаҳои дигари Тоҷикистон хонед