logo

сиёсат

"ИҚТИСОДИ САБЗ" ВА ИСТИФОДАИ БОСАМАРИ ЗАХИРАҲОИ ОБӢ

Боздошт аз Конфронси байналмилалии Душанбе
Оғози татбиқи Даҳсолаи  байналмилалии амал «Об барои рушди устувор, солҳои 2018 – 2028», ки  бо ташаббуси Президенти Ҷумҳурии Тоҷикистон роҳандозӣ гардид, дар радифи иқдомҳои пешии Тоҷикистон доир ба ҳалли масоили вобаста ба об нуфузи кишварро дар ҷомеаи ҷаҳонӣ боз ҳам афзунтар намуд.  Инро баргузории Конфронси байналмилалии сатҳи баланд оид ба даҳсолаи номбурда дар шаҳри Душанбе баръало нишон дод.

Конфронси байналмилалӣ  бо суханронии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оғоз ёфта, тайи ду рӯз мубодилаи афкори олимону мутахассисони сатҳи баланд, сарони ҳукуматҳо, роҳбарони ташкилоту созмонҳои бонуфуз сурат гирифт ва аҳамияти пешниҳоди Тоҷикистонро боз ҳам рӯшантар ҷилва дод. Таъкид гардид, ки мо ба пешбурди даҳсолаи нав бо такя ба таҷрибаи аз амалисозии ташаббусҳои қаблии глобалии марбут ба об андухташуда шурӯъ менамоем. Дар ин самт тайи понздаҳ соли охир Тоҷикистон саъю талошҳои муштаракро дар чаҳорчӯби татбиқи ташаббусҳои глобалӣ, ба монанди "Соли байналмилалии оби тоза, 2003", Даҳсолаи байналмилалии "Об барои ҳаёт, солҳои 2005-2015" ва "Соли байналмилалии ҳамкорӣ дар соҳаи об, 2013" ҳамаҷониба тақвият бахшид. Ҳамаи ин ибтикорҳо дар масъалаи дарки амиқи нақши нодири об дар ҳаёти сайёраи мо ва муносибати дуруст бо он  саҳми арзишманд гузоштанд.
Дар санади ниҳоии Конфронси байналмилалии  Душанбе оид ба Даҳсолаи байналмилалии амал " Об барои рушди устувор, солҳои 2018-2028" зикр  шудааст, ки об воситаи истеҳсоли неруи барқ  аст ва  барқ барои интиқоли об ба манотиқи зарурӣ истифода хоҳад шуд.  Яъне, ин ду неъмат ба ҳам иртиботи ногусастанӣ  доранд. Об неъмати бебаҳоест, ки исроф ва истифодаи нодурусти он аз ҷониби одамон дар ояндаи начандон дур метавонад онҳоро ба мушкилоти зиёд рӯ ба рӯ намояд.  Шароити кунунии ҷаҳон тақозо мекунад, ки дар баҳрабардорӣ аз манобеи обӣ аз беҳтарин ва пешрафтатарин фановариҳои замон кор гирифта шавад  ва  ба ҳеҷ ваҷҳ ба исроф набояд даст занем.
Ҳамчунин, дар чорабинӣ ҷумҳурии мо ба мақоми минтақаи дорои  манбаъҳои ғании  оби тоза муаррифӣ шуд. Ба гуфтаи иштирочиёни конфронс,   айни замон 60 дарсади захираҳои оби тозаи Осиёи Марказӣ дар  Тоҷикистон ташаккул меёбанд. Дар раванди обшавии босуръати пиряхҳои кишвар  эҳтимоли коҳиш ёфтани захираҳои оби минтақа вуҷуд дорад. Роҳандозии даҳсолаи нав ва Созишномаи Париж ҷиҳати кам намудани партови газҳои гулхонаӣ ба атмосфера ва ба ин васила  пешгирӣ  намудани обшавии босуръати пиряхҳо тадбири муҳим аст.
Дар ин маврид Пешвои миллат муҳтарам Эмомалӣ Раҳмон ҳамеша таъкид мекунанд, ки дар замони  кунунӣ яке аз роҳҳои ноилшавӣ ба рушди устувор тавсеаи рушди «иқтисоди сабз” ва истифодаи босамар аз захираҳои энергияи таҷдидшаванда ба ҳисоб меравад. Ҷумҳурии Тоҷикистон ҷонибдори иқдомҳои ҷаҳонии “Энергияи устувор барои ҳама” буда, дар ин раванд ба нафъи ҷомеаи ҷаҳонӣ  амалҳои созанда анҷом медиҳад.
Гулнора РАҲИМОВА,
иштирокчии конфронс, мутахассиси ташкилоти ҳавзаи дарёи Панҷ


Баёни ақида (0)    Санаи нашр: 06.07.2018    №: 133    Мутолиа карданд: 203

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед